Бүген мәктәбебездә зур чара узды. Районның рус теле укытучылары өчен семинар булды. Семинарда Хөснетдинова Алсу Мисалимовна "Историческая правда и художественный вымысел в повести А.С.Пушкина "Капитанская дочка", Батршина Сания Фаритовна   "Дружба - это нечто большее, чем просто общение, и ею нужно уметь дорожить ( по повести А.С.Пушкина "Дубровский") дигән темага әзерлекле, югары дәрәҗәдә дәресләр бирделәр. Семинар эшлекле атмосферада үтте.

9-11 нче сыйныфлар һәм тарих укытучысы Хакимзянов Ф.Х. белән берлектә 16 октябрь көнне мәктәптә "Парламент дәресе" үтте. Укучылар парламент барлыкка килү тарихы, законнар, депутатлар, дәүләт советы кебек терминнар белән таныштылар. Дәрескә муниципаль оешмалар буенча сайланган, математика укытучысы Хәбибуллина А.М. да чакырылган иде. Ул укучыларга үз эшчәнлеге турында сөйләде, депутат булу өчен нәрсә кирәклеген аңлатты. 

Мәктәптә 15 нче октябрьдан башлангыч сыйныфлар атналыгы бара. Атналык бик  күңелле үтә. План буенча төрле чаралар уза. Проект эшчәнлеге, "Сәламәтлек сагында" викторинасы, ГТО нормалары буенча рәсем конкурсы һ.б. бик күп чаралар. 

9 нчы октябрь көнне  мәктәбебездә ГАИ хезмәткәрләре белән очрашу үтте.  Алар укучыларны л йөрү кагыйдәләре белән таныштырдылар. Укучыларыбыз "Юлда дөрес йөри беләсеңме?" дигән мультфильм караганнан соң, бүләккә яктырткыч приборлар алдылар. Очрашу файдалы үтте.

Бүген мәктәбебездә "Өлкәннәр көне" уңаеннан башлангыч сыйныф укучылары тарафыннан мәктәпкүләм зур чара  үтте. Ул "Елмаю бүләк ит" дип аталды. Укучылар әби - бабайлары өчен бик зур концерт  номерлары белән чара күрсәттеләр. Бәйрәм "Яхшылык эшлә" акциясе кысаларында флеш - моб белән тәмамланды. Соныннан  килгән кунаклар коймак һәм  чәй белән сыйландылар. Бәйрәмне оештыручылар, башлангыч сыйныф җитәкчеләре, Борханова Р.Н., Гатауллина Г.Р.. Сафина Р.Р.. Ганиева Л.Ф. 

27 нче сентябрь көнне укучыларыбыз районның  ПДН өлкән  инспекторы  вазыйфасында яшь стажер  Мөхәммәтҗанова Илүзә Илсур кызы һәм яшүсмерләр арасында хокук бозуларны кисәтү һәм гаилә иминлеген саклау инспекторы Яруллина Резеда Рубис кызы белән очраштылар. Очрашуның темасы: "Куркынычсыз тормыш" , формасы юл йөрү кагыйдәләре төгәл үтәү буенча әңгәмә иде.

2018 нче елның  26 нчы сентябренда  мәктәбебездә профориэнтацион  юнәлеш кысаларында Әтнә район суды башлыгы Назмиев Азат Фәрит улы белән очрашу узды. Очрашуда судья ярдәмчесе  Сафиуллина  Алия  Җәүдәт кызы  һәм суд администраторы Файзрахманов Марсель  Равил улы да бар иде. Укучылар өчен бу очрашу бик мавыктыргыч булды. Укучылар судья һөнәрен сайлау өчен нинди булырга, кайда укырга,  үзеңдә  нинди  сыйфатлар булдырырга кирәклекне  белделәр, үзләре дә килгән кунакларга бик күп сораулар бирделәр. Очрашу бик җанлы һәм җылы атмосферада үтте.

Мәктәбебездә очрашулар булып тора. 25 нче сентябрь көнне  9-11 нче сыйныф укучылары Казан дәүләт энергитик университеты  доценты Зөхрә Мөхәммәт кызы белән очрашты.  Доцент университет тарихы, аның бүлекләре,  анда керү имтиханнары, укыганда яшәү шартлары турында сөйләде. Укучыларны кызыксындырган сорауларга җавап бирде, университет турында презентация күрсәтте. Очрашу ахырында укучыларны 27 нче сентябрьда үтәчәк "Ачык ишек" ләр көненә чакырды.