17-18 нче февраль көннәрендә укучыларыбыз "Әтнә йолдызчыклары-2024" бәйгесендә катнашып кайттылар. 1 нче сыйныф укучысы Кузнецов Богдан, Газимова Руфинә, Газимов Рәнис гала-концертка үттеләр. Галимуллина Фәридә, Хәмитов Илдан бүләкләнүгә чакырылдылар. Котлыйбыз!

Районыбызда узган "2024 ел -гаилә елы"н ачуга багышланган бәйрәм концерты булды. Анда башлангыч сыйныф  укытучысы Йосыпова Г.И тормыш иптәше ветеран укытучыбыз Йосыпов Н.К. катнаштылар. 

Мәктәбебезнең  башлангыч сыйныф укытучылары Хөсәенова Р.Р. һәм Әхмәтҗанова З.Р. кызы "Муса Җәлил һәрчак безнең белән" дигән темага 1-4 нче сыйныф укучылары өчен әдәби-музыкаль кичә үткәрделәр.Укучылар М.Җәлилнең шигырьләрен яттан сөйләделәр, инсценировка куйдылар.

Бүген мәктәбебезнең тарих һәм җәмгыять белеме укытучысы Паутова Г.Г."Киләчәкне сайлыйбыз!" исеме астында 5-9 нчы сыйныфлар өчен парламент дәресе үткәрде. Дәрескә авыл җирлеге башлыгы Гараев Х.Х. килде. Укучылар игътибар белән тыңладылар, сораулар бирделәр.

2024 нче елның 15 февралендә соңгы совет сугышчысы Әфганстан чиген атлап чыкканга - 35 ел. Шул уңайдан мәктәбебез укытучысы Батршин Н.Ш. "Әфганстан -йөрәк ярам" дигән тема астында 7-9 нчы сыйныф укучыларына тәрбия дәресе үткәрде.Укучылар сораулар бирделәр,.игътибар белән тыңладылар

Бүген 1-6 нчы сыйныф укучылары өчен Әтнә драма театры хезмәткәрләре мастер-класс күрсәтте. Аннан "Хыял" театр түгәрәгенә йөрүче укучыларыбыз (Җит. Гайнетдинова Г.С.) үзләре өйрәнгән "Кәҗә, сарык һәм башкалар" әкиятеннән өзекләр уйнап күрсәттеләр. Кунакларыбыз яшь артистларыбызга үзләренең киңәшләрен әйттеләр

Кызлар арасында мәктәп волейбол лигасының муниципаль этабы узды. Мәктәбебезнең кызлар командасы 3 нче урын яуладылар. Котлыйбыз!

Мәктәбебездә ЮИД түгәрәге эшли. Анда йөрүче укучылар юл йөрү кагыйдәләрен үзләре өчен генә өйрәнеп калмыйча, төрле чараларда катнашып,  яшьтәшләренә дә, үзләреннән кечкенә булган малай-кызларга да кагыйдәләрне искәртеп, кызыклы да, файдалы да рейдлар, очрашулар үткәреп торалар.

Күлле Киме төп гомуми белем мәктәбенең 5-9 нчы сыйныф укучылары полиция хезмәткәрләре белән очрашты. Ихсанов Р.Р. укучыларга мошенниклар турында сөйләде, сорауларга җавап бирде. Укучылар бик кызыксынып тыңладылар.

Чаңгы ярышында Күлле Киме төп гомуми белем мәктәбеннән бик актив катнаштылар. 4 нче сыйныф укучысы Газимова Рүфинә 1 нче урын, 7 нче сыйныф укучылары Сабирова Фирүзә 2 нче урын, Газимов Рәнис 3 нче урын, җитәкчеләр арасында мәктәп директоры Хамидуллина И.В. 1 нче урын алдылар. Котлыйбыз!