Укучыларыбыз сыйныф җитәкчеләре белән табигатьтә ял иттеләр.

Бүген 9 нчы сыйныф укучылары өчен "Соңгы кыңгырау" бәйрәме булды. Укучыларыбыз мәктәп белән саубуллаштылар Аларга төп дәүләт имтиханында уңышлар телибез!

Бүген линейкада алдынгы укучыларыбызны котлап киттек. Аларның алдагы елда да яхшы билгеләргә укуларын телибез!

Бүген укучыларыбыз 4 бала әтисе Каюмов Айзат белән очраштылар. Ул - махсус операциядә катнашучы егетләребезгә гуманитар ярдәм илтүче батыр егетебез. Шул катлаулы юллардан  14 тапкыр барганы турында укучыларыбызга сөйләде, аларның сорауларына җавап бирде. Аңа исәнлек-саулык телибез!

Бүген 4 нче сыйныфның сыйныф җитәкчесе Йосыпова Г. И. әти-әниләрне бәйрәмгә җыйды. Ул бик эчтәлекле итеп гаилә елы уңаеннан "Гаилә - сүнмәс учак " дип исемләнгән чара  әзерләде. Бәйрәм укучыларга да, аларның әти-әниләренә дә бик ошады.

4 нче сыйныф укучылары белән Гузәлия Индус кызы 4 нче сыйныфны тәмамлауга багышланган кичә үткәрде. Бәйрәм җыр, бию, матур шигырьләр белән үрелеп барды.

Мәктәптә "Мәгариф оешмалары һәм укучыларның ял итү урыннарында кораллы һөҗүм һәм шартлаткыч җайланманы ачыклау вакытында хезмәткәрләрнең һәм укучыларның гамәлләре" темасы астында бөтенроссия укуы  узды. Укучылар, укытучылар, техник хезмәткәрләр белән шартлаткыч җайланмаларга яки чит предметларга тап булганда үз-үзеңне ничек тотарга кирәклеге искә төшерелде

Мәктәптә "Мәгариф оешмалары һәм укучыларның ял итү урыннарында кораллы һөҗүм һәм шартлаткыч җайланманы ачыклау вакытында хезмәткәрләрнең һәм укучыларның гамәлләре" темасы астында бөтенроссия укуы  узды. Билгеле бер вакыт эчендә укучылар, укытучылар  һәм хезмәткәрләр мәктәптән эвакуацияләнделәр. Шулай ук бинада террорчылар һөҗүме очрагы алгоритмы да каралды.

 Мәктәбебездә «Бөтенроссия Эколяталар көне» үткәрелде.  Балаларны табигать белән таныштыру-балалар белән эшләүдә мөһим бурычларның берсе. 

       Чара Туган як табигатен саклау  һәм коткару зарурлыгына юнәлтелгән иде. Чыршы, Тихоня, Шалун һәм Умница бәйрәмнең төп геройлары булды. Алар балаларны хайваннар һәм үсемлекләр дөньясының төрлелеге белән таныштырдылар, алар кызыклы биремнәр әзерләгән иде. Эколяталар балаларга экологик табышмаклар әйттеләр, «Тыелган билге нәрсәне аңлата» дигән викторина; «Кояш» уены  безнең як хайваннары һәм кошлары турында белемнәрне ныгытты. Балалар пластик шешәләрдән һәм бөкеләрдән болынны чистартырга булыштылар һәм чүп-чарны аерым җыю буенча белемнәрне кабатладылар. 

Мәктәбебез яшь армиячеләре районда үткән Җиңү парадында катнаштылар