Бүген мәктәптә ата-аналар җыелышы булды. Сабирова С.А. "Террорчылыкка каршы куркынычсызлык" темасына чыгыш ясады.

Бүген укучыларыбыз Бәрәңге районы Гайнан Кормаш исемендәге Куян урта мәктәбендә Гайнан Кормашның тууына 105 ел тулу уңаеннан, "Кормаш варислары" республикакүләм бәйсендә катнаштылар. 4 нче сыйныф укучысы Зарипова Ания - призер, Нуриев Айнур - җиңүче, 6 нчы сыйныф укучысы Хамидуллин Инсаф - призер, 9 нчы сыйныф укучысы Хөсәенов Ислам җиңүче булды. Укучылар грамоталар белән, аларны әзерләгән укытучылар рәхмәт хатлары белән бүләкләнделәр. Котлыйбыз!

XVIII Спартакиада кысаларында мәктәп укучылары арасында классик шахмат буенча ярыш булып узды. Анда безнең мәктәптән 4 нче сыйныф укучылары Газимова Рүфинә, Нуриев Айнур, 6 нчы сыйныф укучысы Хамидуллин Инсаф, 7 нче сыйныф укучысы Сабирова Фирүзә катнаштылар. Шәхси беренчелектә Хамидуллин Инсаф 3 нче урын алды. Котлыйбыз!

Мәктәптәбебез "Үлем белән кайда сәүдә итәләр икәнен хәбәр ит!" дигән Бөтенроссия акциясендә катнашты. 5-9 нчы сыйныфларда тәрбия сәгатьләре узды. Балаларга наркотиклар куллануның рөхсәт ителмәве һәм аларның кеше сәламәтлегенә, психикасына зыянлы йогынтысы турында кабат искә төшерелде.Әти-әниләргә сәламәт яшәү рәвеше турында белешмәләр таратылды 

Бүген 7 нче сыйныф укучылары чираттагы агрокласс укуларында булып кайттылар. Алар анда туфрак төрләрен һәм аның составын өйрәнделәр.

4 нче сыйныф укучысы Газимова Рүфинә Гомәр Мәрдәнов исемендәге театраль фестивалендә артистлык осталыгын күрсәткәне, "Кәҗә, сарык һәм башкалар..."спектаклендә Кәҗә роле өчен диплом белән бүләкләнде. Котлыйбыз!

Бъген безнең мәктәп укучылары Сабирова Фирүзә, Газимов Рәнис, Газимова Рүфинә өстәл теннисы буенча XXII ачык шәхси-команда Республика ярышларында катнаштылар. Турнир Байлар Сабасы районында узды. Ярыш РФ Спорт министрлыгының рәсми календарь планына кертелгән. Анда Россия , Белоруссия, Таҗикстан һәм Кытайдан 278 спортчы катнашты.

Мәктәбебездә "Әниләр бәйрәме" үтте. Әниләребез укучылар тарафыннан оештырылган концерт карадылар, аннан чәй эчтеләр. 

Түбән Көек мәктәбендә үткән "Без бергә" фестиваленең район этабында укучыларыбыз актив катнашты. "Нәфис сүз" номинациясендә 4 нче сыйныф укучысы Нуриев Айнур 1 нче дәрәҗә дипломант (Җит.: Нуриева Г.Р.),   7 нче сыйныф укучысы Камалова Динә 3 нче дәрәҗә дипломант (Җит.: Гайнетдинова Г.С.),  "Хореография" номинациясендә 3 нче сыйныф егетләре бию коллективы  1 нче дәрәҗә дипломант (Җит.: Вәлиева М.Р.) исеменә лаек булдылар. Котлыйбыз!  

Бүген мәктәбебездә махсус хәрби операциядән вакытлыча ялга кайткан Хәсәнов Нияз белән очрашу булды. Нияз укучыларга үзенең киңәшләрен бирде, ә укучылар үзләрен кызыксындырган сорауларга җавап алдылар. Ниязның исән-сау җиңеп кайтуын телибез!