Татар халкының сөекле шагыйре Габдулла Тукайның тууына 138 ел булган көнне  Сибгат Хәким исемендәге Күлле Киме мәктәбенең 5-9 нчы сыйныф укучылары өчен "Тукайлы балачак" дип исемләнгән кичә үтте.   Кичә шул исемдәге фильм караудан башланды. Соңыннан укучылар ике командага бүленеп,  Тукай иҗаты буенча викторина сорауларына җаваплар бирделәр, бөек шагыйребезнең иҗатын белүләрен расладылар, шигырьләрен сөйләделәр.

Укучыларыбыз да, укытучыларыбыз да бүген "Җиңү диктанты" яздылар

25.04 көнне 12.15 – 14.15 сәгать аралыгында 5-9 сыйныф укучылары класс җитәкчеләре белән берлектә “Императрица” фильмын карадылар. 

Укучыларыбыз "Күңелләрдә мәңге яшь Тукай" районкүләм шигырь сөйләүчеләр бәйгесендә актив катнаштылар. 4 нче сыйныф укучысы Зарипова Ания (җитәкчесе: Йосыпова Г.И.) - 3 нче урын, 9 нчы сыйныф укучысы Хөсәенов Ислам )җитәкчесе: Хөсәенова Р.Р.) - 1 нче урын алды. Котлыйбыз!

Мәктәбебезнең ЮИД командасы районда үткән "Куркынычсыз тәгәрмәч - 2024" бәйгесендә "Велосипедны фигуралы йөртү" станциясендә иң яхшылар" номинациясендә җиңү яуладылар. Җитәкчесе: Сафиуллин А.А. Котлыйбыз!

4 нче сыйныф укучысы Нуриев Айнур (җитәкчесе: Нуриева Г.Р.) "Тукайга мәхәббәт илә..." V нче Бөтенроссия шигырь сөйләучеләр бәйгесендә катнашып, 2 нче дәрәҗәдәге диплом белән бүләкләнде. Котлыйбыз!

7 нче сыйныф укучысы Газимов Рәнис Яңа Кенәр авылы мәчете мәхәлләсе тарафыннан оештырылган татарча көрәш турнирында 2 нче урын алды. Котлыйбыз! 

Мәктәбебез бүген республикабызның  Мәдәният министрлыгы һәм Бөтендөнья татар конгрессы чакыруы буенча Төркия, Казахстан, Россиянең күп регионнарыннан килгән татарлар өчен милли бәйрәмебез Сабантуйны үткәрүнең методикасы һәм оештыру технологиясе буенча  семинар-практикумда катнашучыларны кабул итте. Семинарда катнашучылар Сибгат Хәким музеенда кунакта булдылар. Музей җитәкчесе Хәкимуллина Г.Г. милләттәшләребезгә ике зал буенча да  экскурсия үткәрде. Соңыннан истәлек өчен фотога төштеләр.

Күлле Киме мәктәбе төрле сортлы томат, борыч үсентеләре, гөлләр сата