Бакчада даими күңел ачу чаралары үткәреп торабыз. Балаларның бакча тормышы күңелле, кызык һәм нәтиҗәле үтсен өчен бар мөмкинлекләрне кулланырга трышабыз. Чәршәмбе көнне "Моряклар һәм пиратлар" -дигән күңел ачу чарасы үткәрдек. Балаларга бик ошады.

Балаларның тикшерү, тәҗрибә үткәрү эшчәнлеге нигезендә экологик фикер йөртү, иҗади  сәләтләрен үстерү өстендә даими эшлибез."Нәрсәдә (кызыл балчыкта, комда, туфракта, суда) суган әйбәтрәк үсә?

Кышкы уеннар тәнне генә түгел, җанны да савыктыра . Балаларның үзара дустанә мөнәсәбәте, ярдәмчеллек, кайгыртучанлык  сыйфатлары күмәк уеннарда чагыла. Үз-үзеңне, иптәшеңне саклау кагыйдәләрен искә алабыз һәм үтибез.

Мәктәп китапханәсе  белән танышканнан соң, бакчада да "Китапханә" ачарга булдык. Һәр балага карталар булдырдык, китап почмагын яңа китаплар белән тулыландырдык.Уен аша балаларга китапханәче һөнәренең мөхимлеген аңлатырга тырышабыз, китапларга карата сакчыл караш тәрбиялибез.

 Балаларда китапханәче хезмәтенә карата ихтирам, китапханәдә үз-үзеңне тота белү сыйфатлары тәрбияләү нияте белән китапханәгә экскурсия  оештырдык. Балаларга экскурсия бик ошады. Китапханәче Флера апалары балаларны китапханә белән таныштырды,  бик кызыклы, эчтәлекле әңгәмә корды, балаларга карарга, төрле әсәрләрдән тупланган ,"Ирҗан" дигән видео диск бүләк итте.   

Бакчада туган илне ярату, башка милләт вәкилләренә карата хөрмәт тәрбияләү максатыннан, ел давамында күп төрле эш алып барыла. Рус халык атналыгында русча уеннар, җырлар, тел көрмәкләндергечләр, санамышлар, рус халык биюе өйрәндек.Рус халык уенчыклары, бизәкләре  белән  таныштык. Бу өлкәдә ата- аналар белән дә даими эш алып барыла. Рус халык атналыгын йомгаклап "Русские посиделки" -дигән күңел ачу чарасы үткәрдек.

Рус халык аваз иҗаты белән танышу атналыгы бара. Балалар белән бергә  русча шигырьләр, уеннар өйрәнәбез.Рус фольклоры белән танышабыз. Бакчада интернациональ- патриотик тәрбия эше даими алып барыла. Балалар рус халык орнаментларын күздә тотып "Матрешкалар" бизиләр.

"Сәламәт тәндә-сәламәт акыл" дигән халык мәкален истә тотып бакчада "нокталы массаж" минутлары үткәрәбез. Баш бармак очын массажлау  акыл эшчәнлеген үстерүгә ярдәм итә. Борын яфрагын массажлау салкын тиюгә  каршылык тудыра..

Бүген бакчабызда ата-аналар җыелышы үткәрдек. Ата-аналар белән "Сәламәтлек", "Дөрес туклану" темасына әңгәмә үткәрелде. Балаларга  кышкы чорда грипп куркынычы янаган вакытта аеруча игътибарлы булырга кирәклегенә басым ясалды. Әти -әниләргә  тәрбияче балалар белән үткәргән әңгәмәне яздырган язманы һәм "Сәламәт яшәүнең 5 кагыйдәсе" дигән тема астында врач киңәшләре язмасы белән таныштырды. 

Бакчада балаларга сюжетлы рәсемнәр буенча хикәя төзергә  өйрәтәбез. Монологик сөйләмен, фикерләрне мөстәкыйль әйтә белү сәләтен үстерү эше көн дәвамында алып барыла. Эшебездә УМКны киң кулланабыз.