Электронное образование Республики Татарстан

Кадерледән дә кадерле нәрсә кадерле? Әлбәттә, сәламәтлек. Акчага дару сатып алып була, сәламәтлекне, әгәр дә югалткансың икән, кире кайтару авыр. Сәламәтлек акчага сатылса, миллиардерлар чирләмәү генә түгел, үлмәс тә, мәңге яшәр иде. 7 апрель – Бөтендөнья сәламәтлек көне. Ул Бөтендөнья сәламәтлек саклау оешмасы (ВОЗ) барлыкка китерелгән көндә билгеләп үтелә.

Ел саен, 1 нче апрельдә дөньяның күп кенә илләрендә безнең планетада иң иске интернациональ экологик бәйрәм – Халыкара кошлар көне (International Bird Day) билгеләп үтелә. Аның максаты – кошларның төрлелеген һәм исәбен саклау.   Халыкара кошлар көне 1894 елда Пенсильвания штатында (АКШ) барлыкка килгән дип санала. Тиздән массакүләм мәгълүмат чаралары ярдәмендә популярлык казанган бәйрәм барлык штатларда да уздырыла башлый, аннары Европага килә, ә хәзерге вакытта ЮНЕСКОның «Кеше һәм биосфера» биологик программасы кысаларында дөньяның күп илләрендә уздырыла.

27 Март - Халыкара театр көне.  Бөтендөнья театр көне 1961 елда – Халыкара театр институтының IX конгрессында гамәлгә куела. Ул һәр елны 27 мартта театраль җәмгыятьләр тарафыннан бәйрәм ителә.  Халыкара театр көне гадәттә «Үзара аңлашу һәм халыклар арасында дуслыкны ныгыту чарасы буларак театр» дигән бердәм баш астында уздырыла.  Бу көнне балалар театр тарихы,  жанрлары,  театр һөнәрләре белән танышалар. Безнең бакчага йөрүче балалар әкиятләр сәхнәләштерергә бик яраталар.