Балаларда яхшы әхлакый сыйфатлар, хезмәткә хөрмәт тәрбияләү өстендә эш, ел дәвамында алып барыла. Балаларның уңай якларын күреп һәм аларны үсендерү максатыннан, атна ахырында аларга ясалма медальләр бүләк иттек.

Конкурсларда гел катнашып торабыз.Район күләмендә үткәрелгән "Сөйкемле шүрәле" ,Г.Тукай иҗатына багышланган, бәйгедә Нурмухаметова Зилә призлы урын яулады . Багавиева З. һәм Шарафиева И.дә грамота белән бүләкләнделәр. 

 Язгы табигатькә экскурсия оештырдык.Әле язның башы гына, ә үзгәрешләр инде күренә.
Бөреләрдә яфрак әле уянмаган.
Төннәр инде хәйран кыскарган.
Боз һәм кар эри , сулар йөгерә.
Кояшлы көннәр белән яз килә.

 "Юлда йөрергә дә акыл кирәк"- ди ГИБДД инспекторы. Безнең  мәктәптә  юл именлегенә багышланган чара узды.ГИБДД инспекторы белән очрашуда, безнең бакча балалары да катнашты.

Беренче сыйныф балаларының "Әлифба" бәйрәмендә булдык, ә без анда беренче кунаклар. Мәктәпкә киткән балаларның укулары  белән кызыксынып торабыз, уңышларына сөенәбез.

Бүген тагын яңа китап белән танышабыз. Матур әдәбият ярдәмендә балаларда әхлакый сыйфатлар тәрбиялибез. Балаларның  тыңлап аңлау сәләтен ныгытабыз. 

Бүген бакчада бик күңелле .  Чөнки бүген бездә "Әниләр бәйрәме".  Кунакка кадерле әниләребез килде. Бәйрәм гөрләп үтте. 

Без "Әниләр бәйремен" бик күңелле үткәрдек.

Әниләребезне котлап матур шигырләр сөйләдек, җырлар җырладык, биюләр биедек. Бәйрәм үзебезгә дә һәм әниләргә дә бик ошады. Ахырдан чәй табыны әзерләп, сыйланып та алдык.