"Минем гаиләм - минем йортым" -темасы астында проект эшен башлап җибәрдек. Эшебезне "Гаилә " образы ясаудан башлап җибәрдек.

Табигать - эксперименталь почмагында ел да эш туктамый. Гөлләргә су сибү, аларның үсешен күзәтү балаларда зур кызыксыну уята.

Режим моментларын да файдалы үткәрәбез. Балалар пазыллар җыярга бик яраталар.Уенда кул-бармак моторикасы камилләшә, фикерләү сәләте үсә.

Балаларда кечкенәдән яшьтән үк татар милли киемнәренә кызыксыну тәрбиялибез.Милли киемнәрнең исемнәре,бизәлеше белән ББЭ дә буш вакытларында   балалар танышыр өчен барлык кирәкле материаллар да бар.

Телнең сәнгатьлелеген камилләштерүгә , хәтер сәләтен үстерүгә, балаларга таныш әкиятләрне сәхнәләштерү дә уңай йогынты ясый. Өлкән төркемдәге балалар "Әтәч белән куян" әкиятен сәхнәләштерәләр.

Балаларның туган ил турындагы күзаллауларын кинәйтү,"кече илгә " карата кызыксыну формалаштыру максатыннан "Туган ягым Арча" дигән презентация эшләдек. Рәсемнәр ясадык, шигырьләр, җырлар өйрәндек.

Бу атнада "Туган ягым - Татарстан" дигән проект эшен башлап җибәрдек. Балаларда туган якка карата ярату хисе тәрбияләү , Татарстан башкаласы Казан турында белемнәрен тирәнәйтү өстендә эшләдек. Өлкән төркемдәге балалар белән, күмәк эштә, Казан Кремелендәге корылмаларны эвәләдек.Балалар бик тырышып, яратып бу эшне иҗат иттеләр.

Бакчада "Көзнең бер көнендә... "-дигән иртә бик күңелле үтте. Иртәгә укытучы апаларын чакырдык. Иртә җырлар, биюләр, шигырьләр, уеннар белән аралашып барды. Көз темасына багышланган викторинада зур төркем балалары   бик актив катнаштылар.

   Бакчада ата-аналар  һәм балалар көче белән "Челтәр -челтәр яфрак" -дигән күргәзмә оештырдык.