Балалар белән бергәләп, командаларга бүленеп, "Кар бабайлар " конкурсы оештырдык. 

Көннәр җылы, тышта рәхәт,
Бердәм булып уйныйбыз.
Йөпшек карны тәгәрәтеп,
Кар бабайлар ясыйбыз.

Табигать почмагында даими эш алып барабыз. Балаларның күзаллау, күзәтүчәнлек, фикер йөртү сәләтен үстерәбез, табигатькә аңлы караш, экологик культура тәрбиялибез. Җилле көннән соң  җыйган ботакларыбыз тәрәзә төбендә инде яфрак ярды, бераздан тамыр җибәрерләр һәм без бакчабызга тагын яңа агач утыртырбыз. 

Тәрәзәдән карале, тышта ап-ак кар әле,
Безнең тәрәзә төбендә, яфракларны күр әле
Балалар яфракларга карап агачларны аерырга өйрәнә.

Балаларның күчмә кошлар, аларның үзенчәлекле яклары турындагы белемнәрен "Исәнмесез, кошкайлар" проектында ныгытык..Балаларда кошларга карата сакчыл караш, мәрхәмәтлелек сыйфатлары тәрбияләү нияте белән ата-аналардан сыерчык оялары ясатып алдык.

Яз проекты өстендә эшләү дәверендә;балаларда әйләнә - тирә дөньяга эстетик мөнәсәбәт формалаштыру, балаларны язгы табигатьтә була торган үзгәрешләрне күрә белергә өйрәтү, күзаллау, фикерләү, акыл сәләтен үстерү максаты куелды. Яз көнне кояшка карап нишләп күзләр чагыла? Кар кайда тизрәк эри?Эрегән кар суы кая китә һәм башка сорауларга  җавап эзлибез.
 

Табигать почмагында "Ни өчен орлыкларны балчыкка утырталар?" дигән, кыска вакытлы, проект эшен башлап җибәрдек. Тәҗрибә вакытында балаларның туфрак турындагы күзаллауларын киңәйтү, орлыклар, экологик бәйләнешләр бәлән таныштыру максаты куйдык.Табигатькә сак караш тәрбияләү максатын беренче урынга куябыз.

Балаларда китапка карата кызыксыну уяту нияте белән, китаплар почмагын гел яңа китаплар белән яңартып торабыз.Балаларда китапларга сак караш тәрбиялибез. Балалар үз көчләре белән китапларны ремонтлыйлар.

Татар халык календаренда иң популяр, иң күңелле язгы бәйрәмнәрнең берсе, һичшиксез, Нәүрүз. Балаларны татар халык фольклоры белән тирәнрәк таныштырырга тырыштык .Балаларда халкыбызның туган җиренә, теленә, үткәненә, тарихына, мәдәниятына кызыксыну үстерү өстендә эш алып бардык. Күнел ачу чарасы бик күңелле һәм эчтәлекле үтте; балалар белән татар халык җырлары җырладык,уеннары уйнадык.Чара балаларга һәм килгән кунакларга  бик ошады.