Ел да 26-нчы апрель көнне сөекле шагыйребез - Г.Тукайның  туган көнен зурлап билгеләп үтәбез.Бу бәйрәмгә алдан ук нык әзерләнәбез. Г.Тукайның шигырьләрен, җырларын  өйрәнәбез, әкиятләре белән танышабыз, ББЭ дә бөек шагыйрьнең тормышы, әдәби - иҗат юлы белән танышабыз. Балаларның Г.Тукай иҗаты буенча алган белемнәрен гомумиләштерәбез һәм балаларда шигърияткә  кызыксыну уятабыз.

"Кәҗә белән Сарык "әкиятендә кунакта булдык.

"Су анасы"әкиятен сәхнәләштердек.

 "Бала белән Күбәләк"нең матур җырларын тыңладык.

Г.Тукай туган көненә багышлап зур балалар арасында "Г.Тукай әкиятләре буенча сәяхәт" дигән темага рәсем конкурсы оештырдык.

Балаларда Г.Тукай әсәрләренә карата кызыксыну тәрбияләү нияте белән, аның  әсәрләре буенча төшерелгән мультфильмнар карыйбыз.Тиздән Бөек шагыйребезнең туган көнен билгеләп үтәрбез.

Г. Тукайның тормышы һәм иҗат юлы белән таныштыру эшен башладык. Мәктәпкә әзерлек төркемендәге балалар белән кроссворд чишәбез.

Бакчада балаларда матурлыкны күрә һәм аны саклый белү сыйфаты, зәвыклылык тәрбияләү эше даими алып барыла. Балаларда татар милли киемнәренә кызыксыну тәрбияләү нияте белән, уен почмагын  яңа уеннар белән яңартып торабыз.

Иң күңелле чак ул - балачак . Бакчада еш  туган көн бәйрәмнәрен уздырабыз. Бәйрәм уңаеннан яхшы кәеф, шатлык хисләре булдыруга шартлар тудырабыз. Ә бүген бакчабызда Раниянең туган көнен билгеләп үткәрдек.Иң-иң изге теләкләрне сиңа телибез, Рания!

Көн саен яңа ачыш."Апа карале, кар астыннан яшел чирәм чыккан"., "Кояшны күрәсе килгән аның ". "Ә төнлә аңа салкын булмыйма?"-әйдәгез балалар, сорауларга   бергәләп җавап әзлибез.