Бүген Спорт мәктәбе "Арча" тарафыннан оештырылган йөзү буенча ярышта  актив катнашып безнең мәктәп укучылары призлы урыннарга лаек булды. Валиев И. 3 А-1 һәм 2 урын, Хакимова Д. 3А- 1 һәм 2 урын, Бальзамов К. 5 Б- 1 һәм 2 урын. Котлыйбыз!

Мәктәпкә хәзерлек төркемендә көзге бал бәйрәме бик күңелле үтте.Балалар матур итеп җырладылар ,биеделәр,төрле уеннар уйнадылар.Бәйрәм әти-әниләргә дә бик ошады.

31 нче октябрь көнне Арча сәнгать мәктәбендә мәктәпкәчә белем бирү учреңденияләрендә тәрбияләнүче балалар арасында  “Нәни Сөмбелә” конкурсы үткәрелде.Безнең балалар бакчасыннан мәктәпкә әзерлек төркеменә йөрүче  Салахиева Камилла катнашты.Сәхнәдә матур итеп шигырь сөйләде, кызлар белән бергә “Зонтиклар”биюе башкарды.Камилла “Назлы Сөмбелә”номинациясендә җиңүче булды.Котлыйбыз!

Каникул булуга карамастан безнең мәктәп укучылары тик ятмый. Бүген алар Мухаметсафин Р.С. җитәкчелегендәге "Волейбол"түгәрәгенә тренировкага җыелды.

Бүген мәктәптә 1 чирекнең соңгы көне. Класс җитәкчеләре укучыларга чирек билгеләрен эйттеләр, көзге каникулда үз-үзеңне тоту буенча инструктаж  үткәрделәр. Дәресләрдән соң мәктәп буенча укытучылар белән берлектә мәктәпне җыештырдык.

Көзге каникуллар якынлаша, димәк, балалар күп вакытларын урамда үткәрәләр. Шул сәбәпле, балаларга кисәтү уңаеннан Гаптелбарова Д.М. 5б сыйныф укучылары белән "Үзеңне һәм якыннарыңны сакла" дип исемләнгән класс сәгате уздырды. Сыйныф сәгатенә Арча районы буенча полициянең өлкән лейтенанты, юл хәрәкәте иминлеге юхиди бүлеге госинспекторы  Хәкимов Рөстәм  чакырылган иде.Укучылар бик игътибар аның чыгышын  тыңладылар, бик күп сораулар бирделәр.Шулай ук юхиди бүлеге хезмәткәре Арча районында юл- транспорт һәлакәтләре буенча статистика белән таныштырды.Класс сәгате бик файдалы үтте.

 Бүген озынайтылган көн төркеме тәрбиячесе Шарипова Фирая Мансуровна  үзендә тәрбияләнүче балалар белән берлектә "Мәктәбебезнең нәни гүзәле" дип исемләнгән ачык чара күрсәтте. Чара кызлар арасында бәйге формасында уздырылды. Бәйге балалар башкаруындагы концерт номерлары  белән үрелеп барды.  Бәйге бик бай, күңелле итеп оештырылган иде. 

Бүген 5-6 сыйныф укучылары өчен "Көзге бал-2016" бәйрәме уздырылды. Бәйрәм бәйге формасында барды. Балалар өчен төрле конкурслар оештырылды. Бәйге ахырында "Көз патшасы белән патшабикәсе-2016" сайланып алынды. Бәйге бик кызыклы,күңелле барды, укучылар бик теләп катнаштылар. 

Бүген мәктәбебездә 1-4 класслар арасында көзге бал бәйрәме оештырылды. балалар очен  төрле уеннар, бәйгеләр оештырылды.Бәйрәм бик күңелле узды. Балаларга бик ошады.  

22 октябрь көнне Наласа мәктәбе базасында Арча районы беренчелегенә көрәш бәйгесе узды. Районның 15 мәктәбеннән килгән 2004-2005 елгы 72 үсмер көрәшче бу көнне “Игенче” ширкәте призы өчен көч сынашты.Безнең мәктәп укучылары да бу бәйгедә катнашты һәм команда ара зачетында 1 урын яулады.