Бүген балалар бакчасында тәрбияләнүче  урта төркем балалар әниләрен кунакка чакырып Әниләр бәйрәме уздырды. Балалар әниләрен котлап матур-матур шигырьләр сөйләделәр, җырлар җырладылар. Тәрбияче апалар әниләр белән төрле кызыклы уеннар оештырдылар. Бәйрәм бик күңелле, матур узды.  

25 нче ноябрь көнне Арча үзәк китапханәcендә әниләргә багышланган кичә үткәрелдe. Балалар кичәдә актив катнашты. .Әниләргә багышланган җырлар, шигырьләр башкардылар. Бүләккә чәчәкләр ясадылар. Укырга кызыклы китаплар алдылар.

График буенча ачык дәресләр бирү дәвам итә. Бүген 2 в сыйныф укучылары белән Зайнуллина Р.Ф.әйләнә тирә дөнья  фәненнән "Тере табигать. Гөмбәләр" темасы астында   ачык дәрес уздырды. Дәрес бик бай, эчтәклекле булды. Балалар бик актив катнаштылар.Ахырдан ачык дәрескә анализ ясалды.

"Җимнәр сиптем-ашагыз, кошкайларым!" конкурсына әти-әниләр балалары белән нинди генә җимлекләр ясап алып килмәгәннәр:шешеләрдән, чокыр-тәлинкәләрдән, картон-коробкалардан. Шушы җимлекләрне без балалар белән, җимнәр салып, балалар мәйданчыгында урнаштырдык.Балалар бик нык шатландылар. 

Бүген 5 һәм 6  сыйныф укучылары һәм аларның әниләре белән  Әниләр көненә багышланган түгәрәк өстәл оештырылды.  Чара әни һәм  балаларның аралашуы, концерт номерлары белән  үрелеп барды.Укучылар үз әниләре , аларның һөнәрләре турында презентация-чыгыш, котлаулар  әзерләгәннәр иде. Түгәрәк өстәл бик күңелле үтте.  

Хөрмәтле әниләр!

Көннең яктылыгы-кояшта, 
Күкнең матурлыгы-йолдызларда, 
Җирнең гүзәллеге-хатын-кызларда. 
Сезне бөтен җир йөзен бизәгән Әниләр бәйрәме белән тәбриклибез. Кадерлик без әниләрне,олылыйк!Аларның канатлары каерылмасын,тормыш авырлыкларыннан иңнәре сыгылып төшмәсен! 

График буенча ачык дәресләр бирү дәвам итә. Бүген 3 а сыйныф укучылары белән Плотникова В.И. һәм Закирова Г.К. татар теле һәм рус теле фәннәреннән интеграль дәрес уздырдылар. Дәрес бик бай, эчтәклекле булды. Балалар бик актив катнаштылар.

Бүген  безнең мәктәптә "Ел укытучысы-2016" район   конкурсының финал өлеше уздырылды.Финалда районыбызның 10 укытучысы көч сынашты. Алар үзләре турында презентация якладылар һәм мастер класс күрсәттеләр. Һәрбер укытучы тырышып әзерләнгән.   Район буенча "Ел укытучысы -2016" исеменә  Арча 1 нче номерлы мәктәп укытучысы Ахунова Г. Г. лаек булды. Афәрин! Алга таба да уңышлар телибез!Конкурста мәктәбебезнең инглиз теле укытучысы Тихомирова Г.А. катнашты. Ул "Иң иҗади укытучы " номинациясендә жинүче булды.Афәрин! Котлыйбыз!

"Ел укытучысы-2016" конкурсының  алдагы муниципаль район туры дәвам итә. Бүген мәктәбебезнең инглиз теле укытучысы Тихомирова Г.А.  1 нче номерлы Арча урта гомумбелем мәктәбенең 5 сыйныф укучылары белән "Бөтендөнья сәламләү көне" темасы астында ачык дәрес күрсәтте.  Дәрес бик уңышлы үтте.  Уңышлар телибез!

Кичә мәктәп кысаларында әтиләр советының алдагы утырышы уздырылды.Утырышта яңа уку елына әтиләр советы әгъзалары сайланды,  2016/2017 уку елына эш планы каралды һәм расланды.

17нче февраль көнне  Арча үзәк китапханәдә бөек рус телчесе Владимир Дальгә багышланган кичә үткәрелде. Бу 

чарада 6 А сыйныф укучылары катнашты.Балалар телченең тормыш юлы һәм иҗаты буенча сәяхәттә булдылар.