Бүген Гиниятова Г.Т. график буенча 2 А сыйныф укучылары белән математика фәненнән ачык дәрес күрсәтте.Дәрес бик кызу, оешкан төстә  барды. Укучылар бик актив, теләп катнаштылар, җавап бирделәр. 

10 һәм 16 ноябрь көннәрендә мәктәптә ата-аналар җыелышы уздырылды.

Көн тәртибендә: 

1) гомуми җыелыш  

а) Мәктәп директоры Фатыхова Л.Р. чыгышы  

 б)район балалар консультация мөдире Кузнецова А.А. чыгышы  

в) КДН буенча  җаваплы секретарь Завялова Л.Н. чыгышы                                                                                                                                                                                                                    

г) башлангыч класслар укытучысы Чугунова А.Х., Плотникова В.И. чыгышы

2)Классларда жыелыш

Арча муниципаль районы мәгариф идарәсе  16  нчы ноябрь көнне :”Тулы һәм сыйфатлы милли белем алуга бердәй тигез мөмкилекләр тудыру”һәм  БДТ на әзерлек, сәләтле балалар белән эш”  темасына  татар теле һәм әдәбияты укытучыларының түгәрәк өстәл утырышы үткәрде.Түгәрәк өстәлдә   татар теле һәм әдәбияты укытучылары чыгыш ясады.Шулар арасында Арча 3 нче номерлы мәктәбе укытучысы Юсупова Г.Ф.  "Милли мәктәп кысаларында заманга яраклы шәхес тәрбияләү" темасы буенча үз фикерен җиткерде.

Бүген 5 б сыйныф укучылары Гаптелбарова Д.М. җитәкчелегендә әдәбият һәм сәнгать музеенда  экскурсиядә булдылар.Музей директоры Гарипов Ш.З. укучыларны якташ язучыларыбыз белән таныштырды. Аларның тормыш юлы, эшчәнлеге турында кызыклы итеп сөйләде. Балалар музей экспонатлары белән кызыксындылар, сораулар бирделәр. Экскурсия бик файдалы үтте.

Бүген тәрбия эшләре буенча директор урынбасары Галимова Л.Р.  Юсупова Г.Ф. җитәкчелегендәге  5 А сыйныф укучыларында тәрбия сәгатендә булды. Дәрес политинформация формасында үтте. Укучылар дәрестә бик актив катнашалар. Тәрбия сәгате балалар өчен файдалы һәм кызыклы итеп уздырылды.

Бүген бездә кунакта ПДН инспекторы булды.Ул 6 сыйныф укучылары белән наркотиклар, аларның зарары  турында әңгәмә уздырды.Укучылар наркотикларның явыз көчкә ия икәненә төшенеп таралыштылар.Очрашу бик файдалы һәм кызыклы үтте. 

5 б сыйныф укучысы Курбангалиева К.мәктәп тормышында актив  катнашканы, яхшы укучы булганы  өчен Халыкара лагерь "Артек" та ял итеп кайтты.Ул лагерда булган тәэсирләрен укытучылар һәм классташлары белән уртаклашты.Анда үткәрелгән чаралар, бергә вакыт үткәргән иптәшләре турында сөйләде, фотографияләр күрсәтте. Укучыларга бу мәгълүмәт бик ошады, кызыксынып тыңладылар. 

Бүген мәктәп җитәкчелеге тарафыннан кабинетлар буенча  рейд уздырылды. Җитәкчелек кабинетларның паспорты, тәртибе  һәм укучыларның мәктәпкә йөреше белән танышты.

Бүген  мәктәп буенча ата-аналар комитеты җитәкчесе Ахмерова Р. мәктәп ашханәсендә булып пешерелгән ризыклар белән танышты.  Ул ризыкның сыйфатына һәм балаларның яратып ашауларына канәгать булып кайтып китте.

Мәктәптә балалар өчен өстәмә дәресләр, түгәрәкләр  оештырыла  һәм вакытында кызыклы итеп алып барыла. Бүгенге  башлангыч сыйныф укучылары өчен "Инглиз теленең тылсымлы дөньсы" дип исемләнгән  Давлетшина Г.Р. җитәкчелегендәге түгәрәк  бик кызыклы һәм файдалы итеп оештырылган иде.