Бүген безнең балалар бакчасында сәламәтлек көне иде. Шушы көн уңаеннан физькультура фәне укытучысы тәрбиячеләр белән берлектә  "Сәламәтләр илендә" дип исемләнгән чара уздырды.Чара бик күңелле, файдалы узды. Балалар хәрәкәтле уеннарда бик теләп катнаштылар. 

15 октябрь көнне педагог-психолог 6  “А” классында “Кем булыйм?” темасына КВН үткәрде. КВН ның төп максаты балаларга киләчәктә һөнәр сайларга ярдәм итү. Төрле һөнәрләр турында  слайдлар күрсәтелде,  укучыларның иҗади сәләтен үстерү буенча күп эшләнелде. Шулай ук класста балаларда  бер-берсен хөрмәт итү, дуслык һәм җаваплылык хисләре тәрбияләнде.

Арча педагогия кәллияте укытучылары белән берлектә  мәктәптә укучылар арасында  диагностик тест  уздырылды.

Бүген балалар бакчасында тәрбияләнүче балаларыбыз район күләмендә оештырылган ГТО нормаларын тапшыру чарасында катнашып призлы урыннар яуладылар.Котлыйбыз аларны! 

Бүген   стадионда  безнең мәктәп  укучылары өчен  "Көзге ГТО нормаларын"  тапшыру көне булып узды.Балалар бик актив катнаштылар.

Бәйгеләрнең берсе- "ТНВ" каналында уздырыла торган "Тамчы шоу" интеллектуаль -күңел ачу бәйгесе.Бу бәйгедә безнең мәктәбебездән дә 6 нчы сыйныф укучылары катнаштылар. Тапшыруда катнашу өчен тырышып әзерлек эшләре алып барылды.Дөресрәге, балалар кызыклы фәннәр дөньясына чумдылар.Бәйге бик файдалы һәм күңелле үтте.Балалар рәхмәт хатлары, грамоталар һәм китаплар белән бүләкләнеп  күтәренке кәефләр белән кайтып киттеләр. 

10 нчы октябрь көнне Казанбаш төп мәктәбендә “Татар теле һәм әдәбияты буенча федераль дәүләт белем бирү стандартларын тормышка ашыру кысаларында укучыларның эшчәнлеген оештыру” дип аталган район мәктәпләренең татар теле һәм әдәбияты укытучыларының семинар — киңәшмәсе узды. Бу семинарда бүгенге көндәге актуаль мәсьәләләр каралды. Семинар киңәшмәдә безнең татар телә һәм әдәбият укытучысы Гильфанова Л.К. да катнашты. 

Казанда ял итүләре күңелле вакыйга. 6нчы Б сыйныфы укучылары да Республикабызның башкаласында ял итеп кайттылар. Балалар бу ялны күптән көткәннәр иде. Бауман урамнарында йөреп,кино карап,  төрле лабиринтларга кереп күтәренке кәефләр Һәм укырга яңа көчләр туплап кайттылар.Казанга барып кайту бик күңелле үтте!

 6 нчы А һәм 6нчы Б сыйныфларының җитәкчеләре Г.К.Закирова, А.А.Сагдеева ,“Игелеклелек” дигән тема астында класс сәгате уздырдылар. Өлкәннәр декадасы дәвам итүе уңаеннан , тик мактаулы исемнәргә генә лаек булган И.Г.Сәгъдиев чакырылган иде. Илдус Габдрахманович укучыларга үзенең тормыш юлын сөйләде.Темага бәйләп үзара сорауларга җаваплар алынды һәм тормышчан математик мисаллар китерелде. Бүгенге класс сәгатеннән өлкән кунагыбыз да, укучылар  да бик канәгать булып калдылар.

  Буген 5Б сыйныф укучылары белән  "Үзеңне кыерсытуга юл куйма" исеме астында класс сәгате узды.Класс сәгатендә хокук бозу буенча төрле ситуацияләр каралды. Моның буенча балалар үз фикерләрен әйттеләр.Әлеге дәрестә  балигъ булмаганнар  һәм аларның хокукларын яклау буенча  җаваплы сәркатип Завялова Лилия Николаевна катнашты. Ул, шулай ук  егетләргә ышаныч телефон турында сөйләде.Класс сәгате бик кызыклы һәм файдалы үтте.