Бүген урта яшьтәгеләр төркемендә тәрбияләнүче балалар тәрбиячеләре Г.И. Галәветдинова җитәкчелегендә ике катлы инглиз автобусы аппликациясен эшләделәр. Бу чара балаларда инглиз (Англия) культурасы турындагы кузаллануларын киңэйтергә, инглиз телен өйрәнүгә кызыксыну уятырга ярдәм итте.

Бүген безнең балалар бакчасының мәктәпкэ әзерлек төркеменә йөрүче балалар татар теле укытучысы Л.К. Гыйльфанова  җитәкчелегендә язучы Абдулла Алишның "Сертотмас үрдәк" әсәре буенча курчак спектакле күрсәттеләр. Бу чара балаларның иҗат мөмкинлекләрен үстерергә этәрде. Спектакльне сәхнәгә кую, аны сәхнәләштерү, соңыннан фикер алышу балаларга бик ошады. 

Бүген мәктәбебез кысаларында Арча педагогия көллияте студентлары өчен ачык дәресләр күрсәтелде.  

Атна саен мәктәп буенча традицион линейка уздырыла.

Гаилә хәлләре белән танышу йөзеннән психолог Хакимова Ю.И., тәрбия эшләре буенча завуч Галимова Л.Р һәм укыту-тәрбия эшләре буенча завуч Сабирҗанова А.Ф. риск төркеменә керүче балаларның өйләрендә булдылар.

Бүген мәктәптә 5,6 нчы сыйныф укучылары белән берлектә Иске Яңа ел бәйрәме уздырылды. Кичә төрле конкурслар, укучылар әзерләгән чыгышлар белән үрелеп барды.Балалар актив катнаштылар. Бәйрәм бик күңелле утте.  

Бүген 1-4 сыйныф укучыларының ата-аналар җыелышы уздырылды. Җыелыш балаларның әти-әниләре алдында чыгышлары белән үрелеп барды. Алар фильм аша балаларының мәктәптәге тормышлары белән таныштылар. Ахырдан мәктәп директоры Фатыхова Л.Р. укучыларны һәм әти-әниләрне олимпиадада алган уңышлары өчен, мәктәп тормышында актив катнашканнары өчен диплом һәм грамоталар белән бүләкләде.

Бүген 3 нче чиректә беренче традицион линейка уздырылды. Линейкада укучыларны кышкы каникул вакытында катнашкан конкурслар, уеннар өчен диплом һәм грамоталар белән бүләкләделәр.