Бүген иртәнге линейкада тәрбия эшләре буенча директор урынбасары Галимова Л.Р.  укучыларны ташкыннар, бозлавык  вакытында куркынычсызлык кагыйдәләре буенча инструктаж белән таныштырды.

Хөрмәтле  хатын –кыз укытучылар!
Көннең яктылыгы кояшта, күкнең матурлыгы йолдызларда, җир йөзенең гүзәллеге хатын-кызларда. Сезне  шул җир йөзен бизәгән халыкара хатын-кызлар көне белән тәбриклибез!
Шушы бәйрәм көне, елмаеп баккан кояш матурлыгын, табигатьнең самимилеген өстәп, күңелегезгә шатлык, тәнегезгә сихәтлек, өегезгә иминлек алып килсен.

Бәйрәм белән котлап 3 нче мәктәп коллективы

Бүген Зарипова Л.Р. 2б сыйныф укучылары белән берлектә, әниләрне чакырып, 8 март бәйрәменә багышланган  чара уздырды. Чара барышында балалар әниләренә багышлап җырладылар, шигырь сөйләделәр, төрле биюләр башкардылар. Әниләр белән балалар арасында күңелле бәйгеләр оештырылды. Бәйрәм күтәренке рухта узды. 

Бүген, Зайнуллина Р.Ф. 2 в сыйныф укучылары белән берлектә, әниләрне кунакка чакырып, 8 март бәйрәменә багышланган чара уздырды. Балалар әниләрен бәйрәм белән котлады. Бәйрәм бик күңелле, күтәренке рухта үтте. 

Табигый-математик фәннәр атналыгы кысаларында, технология фәне укытучысы Ибрагимова Л.Ф., 5,6 сыйныф укучыларының кул эшләреннән күргәзмә оештырды. 

Бүген табигый-математик фәннәр атналыгы кысаларында,  математика фәне укытучысы  Хайруллин Р.И.  саннарга багышланган "Тере сан" дип аталган  күргәзмә оештырды.

 Бүген табигый-математик фәннәр атналыгы кысаларында,  математика фәне укытучысы  Хайруллин Р.И. 6 сыйныф укучылары арасында, "Математик кафе" дип аталган  класстан тыш чара уздырды.

Бүген,мәктәбебез укучылары арасында, мәктәп күләм "Халык  җәүһәрләре”дип исемләнгән   фәнни-гамәли конференция уздырылды. Һәр сыйныф зур тырышлык белән татар халкының йолаларын, бәйрәмнәрен  сәхнәләштерде, татар халкына хас булган милли әйберләр турында эзләнү эшләренең нәтиҗәсен тамашачыларга тәгъдим итте.  Конференциягә кунакка, жюри әгъзасы буларак, мәгариф бүлеге методисты Мөстафина Э.Г., ветераннар советы әгъзасы Сәгъдиев И.А., әдәбият һәм сәнгать музее директоры Гарипов Ш.З., Г.Тукай исемендәге педагогик көллиятнең мәктәп бүлеге мөдире Каримова З.В. һәм әти-әниләр комитеты рәисе Ахмерова Р.чакырулы иде. Ахырдан һәр сыйныф төрле номинацияләр  буенча диплом белән бүләкләнде.

Туган тел айлыгы кысаларында татар теле һәм әдәбияты укытучылары Гыйлфанова Л.К. һәм Юсупова Г.Ф., 5 нче сыйныф укучылары белән берлектә,  татар теленә багышланган "Дөньяда иң матур тел- ул минем туган телем" дип исемләнгән  ачык чара күрсәттеләр.