Бүген район үзәккитапханәсендә  балалар шагыйрәсе, Абдулла Алиш исемендәге премия лауреаты, 2002 елда республика журналистларының «Бәллүр каләм»енә ия булган, Татарстанның Язучылар берлеге әгъзасы, Татарстанның атказанган сәнгать эшлеклесе Йолдыз апа Шәрапова белән очрашу оештырылды.Очрашу Арча район үзәккитапханәсе һәм Арча 3 номерлы мәктәбе китапханәчесе Фатхуллина Л.Х. белән берлектә оештырылды.Чара безнең мәктәп укучылары тарафыннан әзерләнгән концерт номерлары белән үрелеп барды. Укучылар шагыйрәнең шигырьләрен сөйләде, җырлар җырлады. Балалар Йолдыз Шәраповага иҗаты турында төрле сораулар бирделәр. Очрашу күтәренке рухта, оешкан төстә үтте. 

Язгы өмәнең беренче көне.Бүген  безнең мәктәп карамагында булган 1 май,Вахитов урамнары буендагы чүп җыелды, чишмә яны җыештырылды һәм мәктәп территориясендәге бозлар чабылды.

Бүген әти-әниләр комитеты әгъзалары: Ахмерова Р., Мухаметзянова А, Хафизова  мәктәптә,ашханәдә  булып китте.  Балалар ашаган ризыкның сыйфаты белән таныштылар, авыз итеп карадылар. Әти-әниләргә пешерелгән ризык, пешекчеләрнең хезмәте ошады.  

Бүген 4 нче чирекнең беренче көне.Уку елының соңгы чиреге башланды. Укучылар яңадан тырышып  укырга кереште. 

Бүген, 27 март көнне, педагогик киңәшмә уздырылды. Киңәшмәнең көн тәртибе: 

Бүген Арча өченче  номерлы мәктәп кысаларында 2005 нче елгы һәм яшьрәк яшүсмерләр арасында милли татар-башкорт спорт төре "Көрәш" буенча Арча муниципаль районы  беренчелеге уздырылды. Ярышның максаты: 1) районда көрәшне популярлаштыру 2)спорт осталыгын арттыру 3) район буенча иң көчле көрәшчеләрне ачыклау һәм республика ярашларына әзерләү.20,24,28,32,36,40,43,46,50 кг. авырлыктагы балалар көч сынашып,  район буенча яшүсмерләр арасында иң көчле көрәшчеләр ачыкланды. Өченче мәктәпнең  физкультура фәне укытучысы, көрәш түгәрәге җитәкчесе Хидиятуллин Ф.Ф.җитәкчелегендәге  мәктәп командасы актив катнашып, район буенча 1 нче урынны яулады.Җиңүчеләр  кубок,диплом һәм истәлекле бүләкләр белән бүләкләнде.Яшь көрәшчеләргә алга таба да уңышлар телибез!

Бүген, 22 март көнне, производство киңәшмәсе уздырылды.  Киңәшмәдә профком рәисе Хакимова Ю.И. чыгыш ясады. Профсоюз буенча күмәк килешү каралды һәм бер тавыштан кабул ителде.

Бүген безнең мәктәптә район буенча 3,4 класс укучылары өчен оештырылган "Мыслители" дип исемләнгән район конкурсы уздырылды.Безнең мәктәптән 3 а сыйныф укучылары катнашты һәм 2 нче дәрәҗә диплом белән бүләкләнде.