Бүген безнең мәктәп базасында район күләм татар теле һәм әдәбияты укытучыларының "Федераль дәүләт стандартларын гамәлгә ашыру шартларында татар телен һәм әдәбиятын укыту" исеме астында семинары узды.Семинарда ИРО РТ методисты Сагдиева И.Т. чыгыш ясады.

"Язгы мәрхәмәтлелек атналыгы" Россиякүләм акциясе кысаларында бүген 6 б сыйныф укучылары өлкән кешегә  ярдәм күрсәттеләр.  

Бүген филология атналыгы кысаларында 1-6 сыйныф укучылары арасында  "Тукай безнең -йөрәкләрдә"  дип исемләнгән шигырь уку бәйгесе уздырылды.

 "Язгы мәрхәмәтлелек атналыгы" Россиякүләм акциясе кысаларында бүген безнең укучылар территорияне, паркны  төзекләндерү эшләрендә актив  катнаштылар.Шулай ук экологик дәресләр һәм рәсем бәйгеләре уздырылды.

Рус теле һәм әдәбияты укытучысы Гаптелбарова Д.М. 6 б сыйныф укучылары белән берлектә, әти-әниләрне чакырып, рус теленнән ачык дәрес күрсәтте.  Дәрес оешкан төстә, төрле инновацион технологияләр кулланып оештырылган иде.  

Язгы өмә дәвам итә. Бүген безнең мәктәп кысасында булган Ежкова урамы һәм мәктәп  территориясе  жыештырылды. 

Бүген Арчаның 3 нче номерлы башлангыч мәктәбенең 1 нче В татар сыйныфында әйләнә-тирә фәненнән интеграль дәрес үткәрелде. Дәресне 1 нче В укучыларының сыйныф җитәкчесе Хайруллина А.Р., инглиз теле укытучысы Тихомирова Г.А. һәм гарәп теле укытучы Гыйлфанова Л.К. үткәрделәр. Дәрес татар, инглиз һәм гарәп телләрендә алып барылуы белән үзенчәлекле узды.  “Хайваннар илендә” темасына сәяхәт дәрес итеп оештырылган иде. Укучылар төрле авырлыктагы биремнәр чиштеләр, кыргый җәнлекләр турында чыгыш ясадылар, хайваннар дөньясында булган проблемаларга чишү юлларын эзләделәр һәм  булган белемнәрен һәр өч телдә дә күрсәтә алдылар. Инглиз телендә “Диңгез дулкыны” уены һәм гарәп телендә хайваннар турында санамышлар әйтүләре дәресне тагы да кызыклы итте. Бүгенге дәрестә алган белем һәм күнекмәләрен киләчәктә практикада дөрес кулланырлар дигән өметтә калабыз. Дәрескә Татарстан Республикасы Экология һәм табигый байлыкларны саклау министрлыгының Төньяк территориаль идарәсенең 1 нче категорияле белгече Фирдәүсә Камил кызы Латыш чакырулы иде. Ул 1 нче сыйныф укучыларына һәм мәктәбебезгә  истәлекле бүләкләр тапшырды, балаларның табигатьне яратуларын һәм әйләнә-тирәбезгә сакчыл карашта булуларын теләп калды.

Бүген уртанчылар төркемендә тәрбияләнүче балалар белән тәрбияче Гарапшина Л.И. "Язгы урманга сәяхәт"дигән күңел ачу чарасы үткәрде.Балалар урманда яшәүче кыргый хайваннар , кошлар тормышы белән таныштылар . Хайваннар турында табышмаклар чиштеләр .Язның беренче чәчәге - умырзая турында әңгәмә үткәрелде.Чара төрле күңелле уеннар белән үрелеп барды.Чараның тәрбияви әһәмияте бик зур .

Филология атналыгы кысаларында уку  һәм тәрбия эшләре буенча директор урынбасары  Сабирҗанова А.Ф.әдәби уку фәненнән ,3 а сыйныф рус төркеме укучылары белән берлектә, "Минем яраткан хайваннарым" "Кем хаклы?"дип исемләнгән тема астында ачык дәрес күрсәтте.Дәрес төрле яңа технологияләр: сингапур методикасы, уен формасы кулланып  оештырылган иде.  

Бүген бездә социаль яклау бүлеге белгечләре  кунакта булды. Алар 6 сыйныф укучылары белән әңгәмә уздырды һәм бергәләп ветераннарга хат яздылар. Укучыларга очрашу бик ошады. Әңгәмә бик файдалы һәм күңелле узды.