16 нчы  һәм 17 нче мартта  мәктәптә  әти-әниләр җыелышы уздырылды. Көн тәртибендә: укучыларның дәресләргә әзерлеге, хокук бозуларга каршы профилактик чаралар уздыру, терроризмга каршы көрәш, интернетка бәйлелекне  булдырмау,  укучыларның ашханәдә туклануы кебек мәсьәләләр турында сөйләшү булды.

Бүген, Чугунова А.Х., Хасанова З.Д. 1 А һәм 1 Б сыйныф укучылары белән берлектә, әти-әниләрен кунакка чакырып, Әлифба бәйрәме уздырдылар. Укучылар укырга, язарга өйрәнүләре турында  шигырьләр сөйләделәр, җырладылар, укытучы апаларына рәхмәт әйттеләр. Бәйрәм бик күңелле, бай эчтәлекле итеп әзерләнгән иде.Чара күтәренке рухта үтте. 

Башлангыч класслар атналыгы дәвам итә. Бүген 3 а сыйныф укучылары белән берлектә класс җитәкчесе  Плотникова В.И. һәм татар теле , әдәбияты укытучысы Закирова Г.К. татар һәм рус телендә туган як табигате, аны өйрәнү, саклау   буенча "Үзеңнең табигатеңне бел Һәм сакла" дип исемләнгән  КВН уздырды.Балалар ике командага бүленеп  төрле конкурслар буенча ярыштылар.Укучылар, үзләрен табигать белгечләре итеп күрсәттеләр. Ахырдан  Арча районы буенча урман хуҗалыгы министрлыгында эшләүче  белгечләргә Абдрахманова Г.И., Ахметзянов Р.З ка сүз бирелде. Алар мәктәпне, табигатьне саклау чараларында актив катнашканы өчен, диплом белән бүләкләде, укучыларга календарьләр һәм табигать буенча плакатлар бүләк иттеләр.Чара тема буенча бик  итеп оештырылган иде.Бәйрәм күтәренке рухта үтте.

Бүген,башлангыч класслар атналыгы кысаларында, 2 нче сыйныф укучылары  белән берлектә, класс җитәкчеләре  Гыйниятова Г.Т., Зайнуллина Р.Ф., Зарипова Л.Р.  "Математик ромашка" дип аталган уен үткәрделәр.Уен барышында балалар төрле бәйгеләрдә катнаштылар, мисаллар һәм мәсәләләр чиштеләр. Ахырдан җиңүче команда билгеле булды. 

Бүген Ахмадиева Л.А. 4 а сыйныф укучылары белән берлектә, башлангыч сыйныфлар атналыгы кысаларында, " Мин һәм минем дусларым" дип исемләнгән ачык чара үткәрде.Дәрес күтәренке рухта, оешкан төстә үтте. Укучылар дуслык турында сөйләштеләр, дуслары турында сөйләделәр, төрле мәкальләр әйттеләр, уеннар уйнадылар.

Башлангыч класслар атналыгы кысаларында, башлангыч сыйныф укытучылары  "Кем укуда иң оста, дәфтәре чиста, пөхтә?" дип исемләнгән күргәзмә оештырды.Күргәзмәгә иң чиста һәм пөхтә дәфтәрләр генә урнаштырылган.

Бөтенроссия заповедный дәресләр кысаларында 6 б сыйныф укучылары экология буенча рәсем  күргәзмәсе оештырдылар.

Инглиз теле укытучысы Тихомирова Г.А. 6 б сыйныф укчылары  белән, балаларның әти-әниләрен чакырып,"Буш вакытыңны ничек уздырасың" темасы астында ачык дәрес күрсәтте. Дәрес тулысынча инглиз телендә, күтәренке рухта утте. Укучылар актив, бик теләп дәрестә катнаштылар, үзләре турында сөйләделәр. Укучылар дәрестә уен төрләре буенча эшләделәр, аудирование яздылар. "Үз кулын белән эшлә" өлешендә әти-әниләрдә катнашты.Дәрес бик уңышлы узды. 

Бүген, башлангыч класслар атналыгы кысаларында , "Безнең яраткан әниләребез" дип  исемләнгән күргәзмә оештырылды.