Кышкы каникуллар тәмамлану белән, мәктәпләрдә укулар  башланып китте. Укучылар  үзләре сайлаган юнәлешләрдә дәрестән тыш эшчәнлек   түгәрәкләрендә шөгыльләрен дә дәвам иттеләр. Арча  балалар сәнгать мәктәбенең МБГБУ" Иске Кырлай төп гомуми белем мәктәбе " базасында оешкан  түгәрәкләрендә укучылар декоратив - гамәли сәнгать,  синтезатор  түгәрәкләренә  дә  бик теләп   йөриләр. "Оста куллар"   сәйлән түгәрәгендә  шөгыльләнүче укучылар "Язгы чәчәкләр" күргәзмәсенә  ныклап  әзерләнәләр.

Кышкы каникулларны исән - имин генә үткәреп, яңадан якты, җылы классларыбызга   җыелдык. Яңа  чиректә укучылар җиң сызганып,  тырышып укырга керештеләр. Укучыларыбызга укуларында,  укытучыларыбызга авыр, ләкин  мактаулы   хезмәтләрендә уңышлар  юлдаш  булсын. 

Бүген - 2 чирекнең соңгы уку   көне. 28 нче  декабрьдән  9 нчы январьга чаклы укучыларны кышкы каникуллар  көтә. Каникуллар вакыты - уку  дәверенең иң  күңелле чоры. Буш вакыт  һәм ял  чорында бәла - казалар,  көтелмәгән  хәлләр килеп чыкмасын дисәң,  игътибарлы  булырга,  куркынычсызлык кагыйдәләрен төгәл  үтәргә  кирәк.  Инде уку атнасы башында ук  укучылар һәм ата - аналар  өчен памятка - инструктажлар бирелүгә карамастан,  соңгы уку  көнендә тагын  бер кабат  юл  йөрү  кагыйдәләре, терроризм очракларын   булдырмый калу, елга - сулыклар янында үз - үзеңне тоту,  янгын  куркынычсызлыгы кагыйдәләре,  электр, газ  приборлары белән сак эш  итү,таныш түгел  кешеләр янында  үз - үзеңне тоту,   Татарстан  Республикасының 71 нче номерлы Законы тагын  бер аңлатылды. Яңа ел  каникуллары чорында,   бигрәк тә, пиротехника белән уйнамаска тәкъдим  ителде.  Куркынычсызлык кагыйдәләрен белеп,  төгәл  үтәгәндә  генә  бәла - казалар,  күңелсез  хәлләр килеп чыкмасына ышанып  була.  Каникул чорында  эш планы буенча оештырыласы чараларда актив катнашырга чакырып калабыз.Бәйрәмнәрне исән - имин үткәреп,  ял итеп, яңа  чиреккә  күп көч туплап килергә  насыйп булсын!

Бу бәйрәм турында без күп беләбезме соң? Яңа елны бәйрәм итә башлау безнең эрага кадәрге 3 меңьеллыкка — Месопотамиягә барып тоташа. Вавилон халкыннан иудейлар, аннары греклар аша бу вакыйга Көнбатыш Европага кадәр килеп җитә. Аннары инде Җир шарының башка илләренә тарала.Яңа елны бәйрәм итү вакыты төрлечә булган. Аны язын да, җәй көне дә, көзен дә, без гадәтләнгәнчә, кыш көне дә бәйрәм иткәннәр. Хәзерге вакытта исә күпчелек илләрдә Яңа елны 31 декабрьдән 1 гыйнварга каршы төндә бәйрәм итәләр.

     Без бүген  мәктәбебездә бик күңелле чыршы бәйрәме уткәрдек. Балалар рәхәтләнеп чыршы тирәли  әйләнеп җырладылар, биеделәр, Кыш бабайга һөнәрләрен күрсәттеләр. Лоторея уеннарында катнаштылар. Кыш бабай һәм Кар кызыннан котлаулар кабул иттеләр. Кыскасы, рәхәтләнеп ял иттеләр.  

       Кыш көне көннәр салкын,кояш бик еракта яктыра,җирне аз җылыта.Еш кына буран була,салкын җил исә.Кошларга салкын кыш көне ашарга табуы читен,шуңа күрә без кошларга ярдәм итәргә тиешбез. Без ,башлангыч  класс укучылары белән: “Кыш көне нинди кошлар бездә кала?”, “ Алар салкын кышны ничек үткәрәләр?”, “Кешеләр кошларга салкын кышны үткәрергә ничек булышалар? темалары буенча  әнгәмәләр үткәрдек; “Кошлар җимлеккә килгән”, “Нинди кош очып килде?”  рәсемнәрне карадык; җимлекләр ясарга кирәклеге турында сөйләштек.

  Безнең балалар әти-әниләре белән җимлек ясап кына калмадылар,алар һәр көн кошларга азык та салып торалар.Без балалар белән кошларның ничек ашаганнарын күзәтеп торабыз һәм һәр вакыт шундый кагыйдә кабатлыйбыз: әгәр кошларны күзәтәсең килсә,үзеңне тыныч тот, кычкырып сөйләшмә, якын килмә.

Укучыларыбыз җәмәгать эшләрендә һәрвакыт актив катнашалар. Бүген мәктәбебездә макулатура җыю оештырылды. Һәр класс бу бурычны намус белән үтәде.

20 нче декабрь көнне Яңа Кенәр урта мәктәбендә,  ТАССРның 100 еллыгы, Бөек Җиңүнең 75 еллыгына багышланган, РСФСРның атказанган укытучысы , Бөек Ватан сугышы ветераны Рәгыйб Усман улы Халитов исемендәге укучылар һәм укытучыларның төбәкара "Бәхет биргән туган җирем" фәнни - гамәли конференциясе булып узды. Мәктәбебезның укытучылары ( Гилязиева Г.Р. һәм Шәрәфиева Г.З.)  Татарстан Республикасы , Мәгариф һәм Фән министрлыгының дипломнары белән бүләкләнделәр. Молодцы!

Яңа ел - иң көтеп алган, могҗизалы бәйрәмнәрнең берсе. Һәркем аны матуррак, истә калырлык итеп каршыларга тырыша. Безнең мәктәптә дә  Яңа елга әзерлек  башланды.Үзебезне скульпторлар ролендә хис итеп, кардан әкият геройларының сыннарын ясадык.

    Прекрасное время года – зима! Замечательна она и тем, что пробуждает фантазию и  воображение. Глядя на эту белоснежную красоту, хочется творить!  Ежегодно зимой, в канун Нового Года, по традиции в нашей школе  проходит выставка новогодних поделок .Здесь можно увидеть поистине необыкновенные творения.  Как известно, созданное непосредственно человеческими руками в магазине не купишь и у другого не встретишь.  

Бүген мәктәбебездә Арча район үзәк китапханәсе каршындагы "Каурый каләм" исемле иҗат берләшмәсендә иҗат итүче һәвәскәр шагыйрәләр белән очрашу кичәсе булды. Безнең белән очрашуга берләшмә җитәкчесе Файзрахманова Халидә һәм үзебезнең төбәктә яшәп иҗат итүче Низамиева Фәния килгән иделәр. Искиткеч эчтәлекле, иҗади, дулкынландыргыч булды бу очрашу. Шагыйрәләр үзләренең шигырьләрен укыдылар, укучыларыбызга киңәшләрен бирделәр. Чыгышлар концерт номерлары белән үрелеп барды. Мәктәбебез укучылары арасында да кәлам чарлаучылар бар, шагыйрәләргә үз иҗатларын укып күрсәтү мөмкинлеге чыкты. "Сезнең мәктәптә талантлы укучылар күп икән, шигырь языгыз, китап укыгыз, күңел байлыгыгызны арттырыгыз. Киләчәктә бәлки кайберләрегез шагыйрьләр сафында булыр дип өметләнәбез", - диделәр алар укучыларга. Очрашудан һәркем канәгать калды.