Электронное образование Республики Татарстан

Бу бәйрәмне безгә борынгы бабаларыбыз биреп калдырган.Кышлар үтеп, табигать яңара башлагач, көннең төн белән тигезләшкән бер мәлендә кешеләр "Нәүрүз" бәйрәмен билгеләп үткәннәр.Нәүрүз-  иң шатлыклы яз бәйрәме-Өмет бәйрәме дип билгеләп үтелгән.Таң ату белән учак кабызганнар, шул учакта итле аш пешереп, бер-берсен сыйлаганнар.Нәүрүзбикә хөрмәтенә төрле ярышлар үткәргәннәр.

Менә шушы шәрык бәйрәме безнең көннәрдә халык йоласы буларак яңартыла.Без дә мәктәбебездә бу бәйрәмне билгеләп үттек.Уеннар уйнадык, ярыштык, ахырдан "Карга боткасы" белән сыйландык.

8 март бәйрәме уңаеннан , 5 нче март көнне мәктәбебездә "Йөрәк җылым сиңа,әнием!" исемле бәйрәм концерты булды.Бәйрәмгә укучыларның әниләре чакырулы иде.Синең өчен кайгыртучы әниең булуы нинди зур бәхет ул. Аны ярату гына җитми, аның кадерләрен белергә, сүзен тыңларга, яхшы укуың,үзеңне үрнәк тотуың, эшкә өйрәнеп үсүең белән ананы шатландырырга кирәк.Балалар әниләренә булган ярату хисләрен җыр, бию, шигырьләр аша тапшырдылар.Бәйрәмегез котлы булсын, кадерле әниләр!

25 нче февраль көнне  район мәгариф хезмәткәрләренең профсоюз оешмасы чаңгы ярышы үткәрде.Безнең  коллектив та бу ярышта теләп катнашты. 40 яшьтән соңгы хатын-кызлар арасында Әхмәтҗанова Г.Х. -3 урын, 50 яшьән соңгы ир-атлар арасында Ситдиков А.Г. -3 урын алдылар. Ә катнаш эстафетада безнең мәктәп 1 урынны алды.Бу җиңүебезгә без бик шат.