Бүген  мәктәпнең тирә - ягын чистарттык,тырмладык, кар астыннан чыккан чүп - чарны җыештырдык,чыршы үсентеләре утырттык.Яз  чүп - чардан арыну, чистарыну ае. Шуңа күрә, өмәләр еш үткәрелгән саен тирә - юнь чистара, матурлана.

Шимбә көнне үткәрелгән өмәдә Печмәнтау башлангыч мәктәбе укучылары да үз көчләреннән килгәнчә тырыштылар. Әйләнә-тирәне тырмалап чистарттылар, себерделәр.

Ниһаять,  түземсезлек белән көткән, укучыларга сәләтләрен, иҗади мөмкинлекләрен күрсәтергә мөмкинлек биргән бал көне килеп җитте. Егет - кызларыбыз анда ел саен теләп катнашалар һәм уңышлы чыгыш ясыйлар.

"Без төрле, ләкин без бергә" исеме астында "Очкын" профилактика отрядының чираттагы утырышы үтте. Укучылар мәктәптәге тәртип мәсьәләсен карадылар., Алда торган чараларны үткәрү планын төзеделәр.

Язгы мәрхәмәтлелек атнасы дәвам итә. Аның кысаларында укучылар мәктәп тирәсен җыештырдылар.Дәресләрдән соң өлкән класс укучылары өчен "Орнитофауна студиясендә" дип аталган эколгик кичә үткәрелде. 

  Хокук бозуларны булдырмау һәм аларны кисәтү максатынннан  мәктәп инспекторы Нигматуллин Н.К. 5-9 сыйныф укучылары алдында эчтәлекле чыгыш ясады. Очрашу барышында укучылар белән профилактик әңгәмә үткәрелде, җинать кылу, милекне бозу, мәктәп уставын үтәмәү, әдәпсез сүзләр куллану кебек административ хокук бозулар өчен җаваплылык аңлатылды. Укучылар үзләрен борчыган сорауларга җавап алдылар.

    19 нчы апрель көнне Иске Ашыт мәктәбендә “ Бердәм тәрбия эшчәнлеге формалаштыруда укучылар узидарәсенең роле” исеме астында педагог – оештыручыларның республикакүләм семинары үтте.

    Анда Арча педагогика көллиятендә белем күтәрүче республикабызның төрле районыннан килгән педагоглар да катнашты.Семинарның беренче өлеше башлангыч  класс укучылары катнашында юл йөрү кагыйдәләренә багышланган чара үтте. Кичәгә дәүләт автоинспекциясе хезмәткәрләре Муллагалиев Ф.И. һәм Мухаметзянова Э.Г. килгән иде.

  Икенче өлеш экология һәм әйләнә – тирә мохитне саклау елына багышланып, “Орнитофауна студиясендә” дип аталды. Студиядә 7 тапшыру тәкъдим ителде. Тапшыруларны мәктәпнең узидарә членнары алып бардылар, ә төп рольләрдә семинар кунаклары булдылар.

  Соңыннан түгәрәк өстәл артында сөйләшү үтте. Педагог- оештыручылар бу семинардан күп мәгълүмат һәм җылы тәэсирләр алуларын әйттеләр.

Язгы мәрхәмәтлелек атнасы старт алды. Аның кысаларында укучылар Бөек Ватан сугышында һәлак булганнар истәлегенә куелган һәйкәлнең тирә - ягын тәртипкә китерделәр, тыл ветераннарының хәлләрен белештеләр.