12 нче көн "Кояшкай" лагерында "Изгелек көне" исеме астында үткәрелде. Балалар авылыбызның чишмәләренә төштеләр. Чишмә буйларын җыештырып, изге эш эшләп кайттылар.

Туган як. туган җир, туган авыл...hәркем өчен изге, газиз, кадерле ул, шул уңайдан бүген "Кояшкай" лагерында "Туган ягым, яшел бишек" дигән темага рәсем конкурсы булды. Конкурсның максаты балаларда туган ягына,туган авылына карата горурлык hәм мәхәббэт хисләре тәрбияләү, аларның кечкенә йөрәгендә патриотик хисләр формалаштыру.

Бүген лагерьга йөрүче балалар белән берлектә "Россия, сиңа багышлыйм җырымны!" исеме астында 12 июнь - Россия көненә багышланган чаралар уздырылды. "Мин яратам сине, Россия" дигән кичә оештырылды. Россия символикаларына багышланган викторина hәм рәсем конкурсы да балаларның күңеленә хуш килде. Балалар Россия дәүләт символлары турында белемнәрен ныгыттылар. Эчтәлекле презентация карадылар, hәм үзләренә күп мәгълүмат алдылар. Кичә Россия гимынын җырлау белән тәмамланды.

8 нче көн дә күңелле вакыйгаларга бай булды. Иң беренче экология темасына рәсем hәм плакат конкурсы уздырдык.Соңыннан кызыл китапка кертелгән үсемлекләр, хайваннар, бөҗәкләргә багышланган викторина уздырылды.

Лагерьда бүгенге көн тулысы белән спортка багышланды. Иртәнге аштан соң "Сәламәт тәндә-сәламәт акыл" дигән темага беседа уздырылды. Балалар спорт,  аның тарихы белән таныштылар. Спортзалда төрле спорт уеннары  уйнадылар, эстафета ярышлары уздырылды. Көн бик күңелле hәм файдалы узды.

9 июнь дуслар көне итеп билгеләнеп үтә. Шул уңайдан "Кояшкай" лагерында "Дус булуга ни җитә" исемле тәрбия сәгате үткәрелде. Балалар дуслыкныә кадерен белергә, дус яшәү серләренә төшенделәр. Үзләренең дуслык агачын төзеделәр. Көннең икенче яртысында саф hавада күңелле уеннар уйнадылар.

Әйләнә-тирәне саклау көне уңаеннан "Кояшкай" ял лагерында "Табигатьне саклау hәремнең бурычы" дигән темага әңгәмә уздырылдыю Әңгәмә барышында табигатьне саклау, аның байлыкларыннан файдалану турында фикер алыштылар. Сөйләшүдән соң авылыбызның "Сәйфи" чишмәсенә экскурсиягә бардылар.

Бүген лагерьның дүртенче көнендә итапханә көне үткәрелде. Балалар авыл китапханәсендә эксурсиядә булдылар. Китапханәче Магсумова Гөлнара апалары белән берлектә татар халык әкиятләренә күзәтү ясадылар, Г. Тукай шигырьләрен яттан сөйләделәр..

Бүген лагерьның өченче көне. Балалар авылыбызның иң күркәм урыннарының берсе "Ашыт елгасы" на экскурсиягә бардылар.

Лагерьда "Танцеваль батл" булып узды.