Көн бүген бик җанлы башланды.Чөнки буген без лагерьда бөек рус язучысының туган көнен билгеләп үттек. Язучының иҗаты буенча презентация тәкъдим ителде, викторина үткәрелде,әкиятләре буенча рәсемнәр буялды.Төшке аштан соң балалар арасында шашка уены ярышы уздырылды.Җиңүчеләр билгеләнде. Ахырдан төрле хәрәкәтле уеннар белән лагерьның алтынчы көне тәмамланды.

5 июнь-Әйләнә-тирәне саклау көне.Шул уңайдан "Кояшкай" ял лагерьенда  "Табигатьне саклау hәркемнең бурычы" дигән темага әңгәмә уздырылды.Әңгәмә барышында табигатьне саклау,аның байлыкларыннан файдалану турында фикер алыштылар.Сөйләшүдән соң авылыбызның  "Сәйфи" чишмәсенә экскурсиягә бардылар.

Бүген лагерьның дүртенче көнендә китапханә көне үткәрелде.Балалар авыл китапханәсендә экскурсиядә булдылар.Китапханәче Магсумова Гөлнара шагыйрә Элмира Шәрифуллинаның 70 яшь тулу уңаеннан кызыклы,мавыктыргыч чара уздырды.

Бүген лагерьның өченче көне.Балалар авылыбызның иң күркәм урыннарының  берсе "Ашыт елгасы" на экскурсиягә бардылар.

Лагерьда "Танцеваль батл" конкурсы булып узды.

Балаларны яклау көне 1950 нче елдан башлап дөнья күләмендә билгеләп үтелә. Әлеге бәйрәм турындагы карар 1949 нчы елның ноябрендә хатын-кызлар Халыкара демократик федерациясе махсус сессиясендә кабул ителә.БМО әлеге инициативаны хуплап, балаларның хокукын, тормышын, сәламәтлеген саклауны үз эшенең өстенлекле юнәлеше итеп игълан итте.Балаларны халыкара яклау көне – ул, беренче чиратта, өлкәннәргә балаларның яшәү хокукын, фикерләү, дин тоту һәм белем алу, ял итү иреген тәэмин итүнең, аларны физик һәм психологик көч кулланудан саклауның, балалар хезмәтен тыюның гуманлы һәм гадел җәмгыять төзүдә мөһим шартлар икәнлеген искә төшерүче көн. Жир йөзендә яшәүче барлык милләт вәкилләрен бүгенге бәйрәм көне белән котлыйбыз! Күк йөзебез аяз, балаларыбыз бәхетле. киләчәк тормышыбыз якты булсын!

Бу бәйрәм көн бүген мәктәп яны лагеры ачылу белән дә истәлекле булды.башлангыч сыйныфлар өчен мәктәп яны лагеры "Кояшкай"үзенең ишекләрен ачты.

29 нчы май көнне безнең мәктәпнең 6- 7 нче класс укучылары Яңа Кырлайга Габдулла Тукай музеена сәяхәткә бардылар. Музейның капка төбендә аларны Тукай әкиятләре геройлары каршы алды һәм үзләре белән серле әкият дөньясына алып кереп киттеләр. Сәяхәт барышында укучылар тагын бер тапкыр Тукай иҗатын искә төшерделәр һәм күп кенә яңалыклар да белделәр. 

Ел саен үткәрелә торган Сабантуйны укучылар да, укытучылар да түземсезлек белән көтеп алалар. Быел да бу бәйрәм гөрләп узды. Укучылар чүлмәк вату, кашыклап су ташу, әйбер кисү, капчык киеп йөгерү, җәяүле йөгеректә уз көчләрен сынадылар. Соңыннан барлык кеше тәмле пылау белән сыйланды. Бәйрәмнән һәркем бер кочак бүләк һәм күтәренке кәеф белән таралды. 

Бүген 9 нчы класс укучылары өчен соңгы кыңгырау яңгырады. Алда аларны олы тормыш, зур сынаулар көтә. Шул юллардан үткәндә канатларыгыз нык булсын, укучылар!

Кайчан гына әле күбәләктәй

Ашкынып килдегез мәктәпкә.

Җиз кыңгырау дәште сезне һәр көн

Яңалыклар тулы дәрескә.

Үтте бик күп айлар, үтте еллар,

Күз алдында үсеп җиттегез.

Белем үрләренә омтылдыгыз,

Бәйгеләрдә бик еш җиңдегез.

Башлангычта сез канат ныгыттыгыз,

Хәзер инде очып китәсез.

Шатлык,куаныч,изге күңел белән

Каршылагыз һәр көн иртәсен.

Эшләрегез һәрчак уңай булсын,

Изге хисләр минем йөрәктә.

Хәерле юл сезгә, укучылар –

Калабыз без шушы теләктә.

Район күләмендә туризм буенча  үткәрелгән ярышта безнең мәктәп командасы ( җитәкчесе Габделахатов М.Р.) 1 нче урынга лаек булды.Афәрин, укучылар!