"Туган телем сагында" акциясе кысаларында балалар бакчасында нәниләр белән "Түбәтәй уены"н өйрәндек.

20 нче октябрь - Халыкара повар һәм кулинарлар көне.
Повар һөнәре - зур осталык, түземлек, көч таләп итә торган эш. Безне мәктәбебез повары Лилия Равил кызы көн саен тәмледән-тәмле ашлар белән сыйлый. Аны чын күңелдән һөнәри бәйрәме белән котлыйбыз. Эшендә, тормышында зурдан-зур уңышлар телибез.

"Учи.ру" платформасында россиякүләм "Куркынычсыз юллар" олимпиадасы башланды.
Олимпиада 20 нче ноябрьгә кадәр дәвам итә. Анда безнең мәктәп укучылары да актив катнашты. Биремнәрдә юлларда булырга мөмкин төрле ситуацияләр тасвирлана, ә укучылар проблемадан куркынычсыз чыгу юлын табарга тиеш.
Әлеге олимпиада олыларга һәм балаларга юл йөрүнең төп кагыйдәләрен искә төшерергә ярдәм итә.

Татарлардан рухи мирас белән бергә матди мәдәният өлкәсенә караган мирас та калган. Шундыйларның берсе — халыкның өс киеме. Өс киеменең бик борынгы төрләре, әлбәттә, безгә килеп җитмәгән. Ә инде җиткән кадәресе халкыбызның кабатланмас иҗади көчкә ия булуын күрсәтә. Гасырлар буена халык бу эшкә үзенең кул көчен генә түгел, бәлки матурлыкка омтылышын, хыялын, эстетик зәвыгын да салган. Бу атнада районыбызда "Туган телем сагында" акциясе үтә. Бүген укучылар белән музеебызда сакланучы кадерле ядкярьләр белән таныштык. Милли киемнәрнең үзенчәлекле якларына игътибар иттек. 

Ватан киносы үсеше төп фильмнарны гына чагылдырмый, илнең үсеш этаплары,  аның киләчәге 
образын да модельләштерә. Кино, әдәбият һәм театр белән бергә, кешегә үзен «Көзге» дәге кебек 
күрергә, үз гамәлләрен бәйләргә мөмкинлек бирә. Геройларның гамәлләре белән анализлау һәм 
рефлексияләү, яңа белемнәр алу, һөнәрләр дөньясы, талантлы кешеләрнең иҗаты, тарихы һәм ил 
мәдәнияте белән таныштыра.

Октябрьнең өченче якшәмбесе әтиләр көне буларак билгеле. Шул уңайдан мәктәбебездә матур бәйрәм булып узды. Бәйрәмгә​ әтиләре чакырып,​ аларны башлангыч сыйныф укучылары матур​ җырларын,​ шигырьләрен сөйләп, уз куллары белән ясаган открыткаларын тапшырып котладылар. Зур класс укучылары әтиләргә​ Кушлавыч авылы клубы белән берлектә әзерләнгән Г.Камалнын​ «Беренче театр»​ әсәре сәхнәләштерелде. Әлеге чарага килгән кунакларыбыз укучыларнын осталыгы белән сокланып, спектакль караганда рәхэтләнеп көлешеп, эшләреннән, мәшәкатьләреннән​ онытылып ял иттеләр.​

Быел 13, 14 һәм 15 октябрь көнне бөтен Җир шарына сибелеп яшәгән милләттәшләребез һәм татар телен өйрәнүчеләр, белүчеләр, белергә теләүчеләр татарча диктант яза. Әлеге чара безнең мәтәптә дә узды. Укучылар, укытучылар бик теләп катнаштылар.

Бу атнада безнең мәктәптә "Көзге фантазия" исемле көз нигъмәтләреннән ясалган кул эшләнмәләре күргәзмәсе үтә. Укучыларыбыз, әти-әниләре белән берлектә, көзге уңыштан, яфраклардан төрле оригиналь эшләнмәләр ясап алып киләләр. Килгән эшләр бик матур һәм зәвык белән эшләнгән.

Еш кына балалар телефоннан үзләренә кызык табып шалтыратып уйныйлар. Ләкин бу уен бик күңелсез нәтиҗәләргә китерергә мөмкин. Балалар ялган шалтырату белән нинди зыян салганнарын белмиләр. Шалтырату вакытында дөреслеккә туры килмәгән фактларны хәбәр иткән өчен канун тарафыннан административ һәм җинаять җаваплылыгы каралган. Кемнәрдер махсуслаштырылган хезмәтләрне алдап чакырып, аларның кыйммәтле вакытларын әрәм иткән вакытта, кайдадыр башка урында реаль җинаять кылынуы һәм аны кисәтү өчен мөмкинлек булмавы хакында уйланырга кирәк. Безнең мәктәбебездә дә әлеге темага карата тәрбия сәгате үткәрелде. Укучыларыбыз үзләре өчен бик кирәкле булган информация алдылар.

Традиция буенча эш атнасы гомуми мәктәп линейкасыннан башланды, аннан соң дәрестән тыш 
"мөһим нәрсәләр турында сөйләшүләр"дәресе узды. Бүгенге дәреснең темасы коллективтагы 
балаларның мөнәсәбәтләренә кагылды. Мәктәптә укыганда, сыйныфташлар белән мөнәсәбәтләр 
төзергә өйрәнү мөһим, бу исә дус коллективны саклап калуга зур өлеш кертә. Үзара ярдәм һәм 
үзара аңлашу, аның һәр катнашучысына хөрмәт — ныклы коллективның нигезе. Коллективта 
мөнәсәбәтләрне ничек җайга салу, психик сәламәтлекне ничек саклап калу, «травли/буллинг» 
корбаны булмау һәм үзе башкаларны «травли» га төшмәү турында белемнәр һәркемгә кирәк. 
Дәрес барышында балалар, кемгә һәм кая мөрәҗәгать итәргә мөмкин буллингка дучар булсалар, 
үзләрен ничек тотарга икәнен белделәр. Балалар каралган мультфильмны сыйныф җитәкчесе 
белән рәхәтләнеп фикер алыштылар, дуслыкның нәрсә икәнлеге һәм кем дусты икәнлеге турында 
үз фикерләрен белдерделәр, «безнең дуслык сыйныфы " плакатын ясадылар.