Мәктәбебезнең 4 укытучысы Арча педагогик көллиятендә оештырылган башлангыч класс укытучыларының квалификация күтәрү курсларында белем алды. Укытучыларга курсларның практик юнәлештә булуы аеруча ошады. 

Әбекәй! Бабакай! Нинди матур яңгырый бу сүзләр! Бу сүз “Әни” , “Әти” дигән сүз кебек үк якын һәм кадерле. Әби – бабайларны хөрмәт итәргә, яратырга, кадерләргә кирәк. Алар булмаса, өйдә, гомумән тормышта ямь булмас иде.Шушы уңайдан без, Сәрдәбаш башлангыч мәктәбе укучылары, иң кадерле кешеләребезне кунакка чакырдык. Аларга үзебезнең концерт программабызна тәкъдим иттек. Соңыннан бәйрәм чәй табыны артында дәвам итте.

Бәхетләре булсын җирдә һәр кешенең

Күге аяз, җире гел чәчәк.

Һәммәбезгә – сезгә, безгә, илгә

Без телибез якты киләчәк.

Өлкәннәр ункөнлеге кысаларында Сәрдәбаш башлангыч мәктәбе укучылары үз куллары белән әби – бабаларына бүләк итү өчен открыткалар ясадылар. Бәйрәм белән Сезне кадерлеләребез!

Сезне һөнәри бәйрәмебез белән чын күңелдән котлыйм. Авыр, әмма җаваплы һәм мактаулы эшегездә зур уңышлар, саулык-сәламәтлек, бәхет, шатлык, озын гомер телим.

4 октябрь көнне мәктәптә “Тормыш иминлеге нигезләре” буенча илнең Гражданнар оборонасы көнен билгеләп үтүгә багышланган бөтенроссия ачык дәрес үтте. Бу чарада укучылар илдә Гражданнар оборонасының барлыкка килүе, аның үсеше турында мәгълүмат алдылар, шулай ук гражданнар оборонасының милли куркынычсызлыкны тәэмин итүе турында презентация карадылар. Практика өлеше укучыларны, укытучыларны, техник персоналны өйрәтү тибындагы эвакуацияләү белән тәмамланды.

Башлангыч  класс укучылары көзге табигатькә экскурсиягә чыктылар. Алар  җиләк-җимеш агачларындагы, басулардагы, тирә-яктагы үзгәрешләрне күзәттеләр. Авылыбызның табигатенә, муллыкка, сары яфракларга карап сокландылар. 

1 октября учителя Нусинской школы принимали участие в ярмарке в г.Казани.

Сәрдәбаш башлангыч мәктәбенең 1 нче класс укучылары белән  мәктәп территориясенә агачлар утыртылды.  Агач утырту ул – изге эш.  Һәр көнебез изге эшләрдән генә торсын!   

Җәйге чорда укучыларга дару үләннәре җыеп киптерергә йөкләмә бирелгән иде.  Бу эштә Сәрдәбаш башлангыч мәктәбе укучылары да  үз өлешләрен керттеләр. Алар  алма, җиләк, юкә чәчәге, шомырт, сары һәм зәңгәр мәтрүшкә, бөтнек җыеп киптергәннәр. Дару үләннәренең әһәмияте турында кабат искә төшерелде.