23-24 мая на базе Метескинской школы прошел туристический слет среди учащихся образовательных учреждений Арского муниципального района. Команда нашей школы занял достойное 1 место. Поздравляем!

25майда Сәрдәбаш башлангыч мәктәбендә 4 класс укучылары өчен соңгы кыңгырау яңгырады.Укучылар әти-әниләргә,килгән  кунакларга Романова А. “Әнием – кояшым минем”пьесасы буенча куелган спектакль тәкъдим иттеләр.Соңыннан җырлар,биюләр бәйрәмне ямьләде.

Кайчан гына әле  күбәләктәй

Ашкынып килдегез мәктәпкә.

Җиз кыңгырау дәште сезне һәркөн

 Яңалыклар тулы дәрескә.

 Үтте бик күп айлар, үтте еллар.

 Күз алдында үсеп җиттегез.

Белем үрләренә омтылдыгыз ,

Бәйгеләрдә бик еш җиңдегез.

 Мәктәптә сез канат ныгыттыгыз,

 Хәзер инде очып китәсез.

 Шатлык, куаныч,изге күңел белән

Каршылагыз һәр көн иртәсен.

Быел безнең мәктәбебезне 13 укучы тәмамлады. Без аларны шушы шатлыклы һәм моңсу бәйрәмнәре белән котлыйбыз. Алда торган дәүләт имтиханнарын уңышлы тапшыруларын теләп калабыз. Ак юллар сезгә, укучылар.

Без бүген мәктәбебездә татар халкының олы бәйрәме - Сабантуй бәйрәмен билгеләп  үттек.  Сабантуй - ул хезмәт бәйрәме, Сабантуй - ул дуслык бәйрәме. Шул сәбәпле без, дуслык җепләрен  ныгыту максатыннан, үзебезнең күптәнге дусларыбызны - Мари-Төрек районы Сәрдәял төп мәктәбенең укучыларын  һәм укытучыларын үзебезгә кунакка чакырдык. Алар белән бергәләп татар халкының  милли  уеннарын уйнадык. Әлеге уеннар кунакларыбызга да бик ошады. Соңыннан алар белән дусларча баскетбол ярышы үткәрдек. Бүгенге көн истәлекле вакыйгаларга бай булды.

Мәктәбебезнең 7нче сыйныф укучылары 20 нче май көнне Тукай-Кырлай авылына экскурсиягә бардылар. Анда бөек шагыйребез Габдулла Тукайның музей-комплексында булдылар. Укучыларны капкадан ук Г.Тукай әкиятләре геройлары каршы алды һәм могҗизалы әкият дөньясына алып керделәр. Укучыларны төрле яктан сынап та алдылар. Экскурсоводлар Г.Тукайның тормыш юлы, аның иҗаты, шәхси әйберләре белән якыннан таныштырдылар.  Ул тоткан китаплар, үзе язган язмалар, газеталар, ул йөргән сукмаклар һәм ул яшәгән нигезне дә күрделәр. Экскурсия тирән эчтәлекле булды. Сәяхәтне оештырган җитәкчеләребезгә зур рәхмәтебезне җиткерәбез.

Пионерлар алар – беренче булып эш  башлаучы, юл яручы дигәнне аңлата. Бу  сүзне пионерия баскычларын үтеп үскән  кеше тулысынча аңлый. Бүгенге буын  аларны китаплардан гына укып белә. 19  май ту­рын­да без­нең мәгъ­лү­мат: та­рих­тан  би­лге­ле бул­ган­ча, 1922 ел­ның 19 ма­ен­да ком­со­мол­ның Бө­тен­рос­сия кон­фе­рен­ци­я­се  пи­о­нер от­ряд­ла­ры тө­зү ту­рын­да ка­рар ка­бул итә һәм ул СССР­да пи­о­не­рия ту­ган көн итеп бил­ге­ләп үте­лә баш­лый, СССР тар­кал­ган­нан соң  пи­о­не­рия ту­ган көн офи­ци­аль бәй­рәм бу­лу­дан тук­тый. Бу —  тарихыбызның  бер кыйпылчыгы .

18 нче майда 9 нчы сыйныф укучылары Арча агросәнәгать һөнәри көллиятендә уздырылган  “Ачык ишекләр көне” ндә катнашып кайттылар. Укучылар көллиятнең укыту бүлмәләре һәм хезмәткә өйрәтү базасы белән дә танышты. Студентларның тормышы, алар кайнаган белем дөньясы, тулай торактагы яшәешләре белән таныштылар.

17 май көнне башлангыч класс укучылары арасында “Мәдәни көндәлекләргә” йомгак ясалды. I урынга 2 класс укучысы Сибагатуллин И. лаек булды.    II урынны 4 класс укучысы Тухфатуллина Г. алды.  III урында 4 класс укучысы Сәгыйтова Н. билгеләнде. Барлык укучылар да мәдәни көндәлекләр белән эшләгәннәр. Алар истәлекле урыннарга барулары, концертлар турында үз фикерләре белән уртаклаштылар. 

Бүген классларда ышаныч телефоны турында класс сәгатьләре үтте. Укучыларга бу номердан кайсы очракларда файдаланырга мөмкин икәнлеге аңлатылды.  Укучылар ышаныч телефоны турында бик күп мәгълүмат алдылар, үзләрен кызыксындырган сорауларга җавап таптылар. Һәр баланың кесә телефонына бу номер яздырылды.

14 мая 2016 года в спорткомплексе Арча прошло Первенство Арского муниципального района по армспорту среди юношей и девушек 1999-2000, 2001 г.р. и моложе. Ученики нашей школы приняли активное участие в этих соревнованиях. Яруллина Э. заняла 2 место, Сафиуллин И. 3 место, Нигматзянова З. 3 место в своих весовых категориях. Поздравляем!