Бүген лагерьда тәрбияләнүчеләр белән "Юлларда сак булыгыз!" акциясе үткәрелде. Укучылар юлда йөрү кагыйдәләре буенча булган белемнәрен искә төшерделәр. Машина йөртүчеләр, юлчылар һәм җәяүлеләр -барысы да юл йөрү кагыйдәләрен үтәсәләр, хәвеф-хәтәрләр булмас. Укучылар юлларга куярга мөмкин булган яңа юл билгеләренең эскизларын тәкъдим иттеләр. Педагог-оештыручы Муллагалиева Г.Н.  Россия күләмендә игълан ителгән "Безопасность детей на дороге" исемле ирекле интернет-акциянең эчтәлеге белән таныштырды.Укучылар төркемнәрдә эшләп, слоганнар уйладылар.Тәрбиячеләр иң яхшылары дип табылганнарын конкурска тапшырырга  тәкъдим иттеләр.

Мәктәп яны бакчасында эшләр гөрләп тора. 1 ай дәвамында мәктәпнең участогында хезмәт лагеренда эшләүче балалар көч куячак. Алар түтәлләрне чүптән арындыра, яшелчәләргә су сибә, чисталык өчен җавап тота.

Лагерьның алдагы көне "Спорт-сәламәтлек!" дип аталды. Укучылар бик теләп иртәнге зарядкада катнаша. Көннең беренче яртысында ике звено малайлары футболда иптәшләрчә очрашу оештырдылар

12 нче июнь-Россия көне. Бүген лагерьда тәрбияләнүчеләр өчен белешмә сәгате үткәрелде. Аннары балалар "Россияне беләсезме?" викторинасында көч сынаштылар. Көннең икенче яртысында "Без-талантлылар" исемле музыкаль кичә куелды.

"Дуслык" ял лагере Россия көнен каршылау буенча үз эшчәнлеген дәвам итә . Көннең беренче яртысында малайлар белән мини футбол оештырылса, икенче яртысында отрядта эш дәвам итте. Укучылар Россия символлары турында сөйләштеләр. Аннары алар матрешкалар ясадылар. Иң оста ясаучыларны сез фотода күрәсез.

Бүген "Дуслык" ял лагерена йөрүчеләр Г.Тукай музей-комплексында экскурсиядә булдылар. Г. Тукайның тормыш юлына күзәтү ясалды. Тукай турында матур истәлекләр тыңланды.

10 -12 нче июньдә безнең укучылар Фазылҗанов Адель, Фазылҗанов Ришат, Гайнетдинова Илзия, Рәхимҗанова Айзирә, Гыйбадуллина Илүзә һәм аларның җитәкчеләре Җәләлиев Илфат Илсурович Балтачта булачак Республика буенча туризм ярышында катнашачаклар.Ярыш Кара күл буенда булачак. Безнең районнан Лесхоз һәм Арчаның икенче мәктәбеннән дә укучылар бар. Без аларга зур уңышлар телибез.

Бүген укучылар Россия көнен уңаеннан төзелгән күргәзмәдә катнаштылар. Россия турында композиторлар язган җырларга тукталдылар. Аннары Россия шәһәрләре турында төзелгән интерактив китап аркылы("Юная Россия)" мультфильмнар карадылар

Бүген лагерьга йөрүче укучылар" Россия көне" планы буенча төркемнәрдә Россия флагы аппликациясе ясадылар. Аппликация ясау техникасын вожатыйлар Потехина Л.А. һәм Йосыпова Р.К. өйрәтте.

Бүген лагерьда тәрбияләнүче 20 бала үз җирлегебездә урнашкан халыккка дини яктан белем бирүче изге урын, мәчеттә, экскурсиядә булдылар.