Безнең мәктәбебездә Фазылҗанов Илшат Марат улы җитәкчелегендә татарча көрәш түгәрәге эшләп килә.Узган атнаны милли көрәш буенча ачык район беренчелеге булып узды. 6 нчы сыйныф укучысы Сабиров Азат үз үлчәү авырлыгында III урынны яулап кайтты. Укучыбызны зур җиңүе белән котлыйбыз, тагын да зуррак уңышлар юлдаш булуын телибез. Молодец!!!

7 нче класс укучылары “Матур киләчәк” (“Прекрасное далёко...”) төркемле проект эшенә керештеләр. Класс җитәкчесе Габдрахманова Н.Ш. аларга проект эшенең тәртибен аңлатты, укучыларны ике төркемгә бүлде. Укучылар ике атна дәвамында кызыклы тикшеренүләр һәм сораштырулар үткәрәчәк, проект эшенең төп дәресенә әзерләнәчәкләр. Аларга уңышлар телибез.

Ноябрь ае дәвамында укучыларыбыз үзләренең көчләреннән килгәнчә макулатура тапшырдылар. Һәр укучы әлеге файдалы эштә актив катнашты. Иң күп макулатура җыючылар: Төхбәтуллин А.А( 30 кг), Шигабиев И.И (17 кг), Гыйләҗиева Гүзәл һәм Ралинә (16+16кг).Әлеге укучылар рәхмәт хатлары белән бүләкләнделәр. Иң күп макулатура җыючы класс- 4,7,3 нче сыйныфлар.Бу җәмгыятькә файдалы эшне оештырган барлык класс җитәкчеләренә,укучыларның үзләренә,ата-аналарга зур рәхмәтебезне җиткерәбез.

Хөрмәтле хезмәттәшебез Фирдания Әдһәмовна! Сезне олы бәйрәмегез — 55 яшьлек юбилеегыз белән чын күңелдән котлыйбыз. Сезгә ныклы сәламәтлек, күңел тынычлыгы, гаилә шатлыгы, кайгы-хәсрәтсез көннәр, ак бәхетләр, балаларыгызның һәм оныкларыгызның күңел җылысын тоеп, игелекләрен күреп, бәхетле озын гомер кичерүегезне телибез. Киләчәгегез җыр кебек матур, кояш кебек якты булсын. Туачак таңнарыгыз һәрвакыт нурлы, күк йөзе һәрвакыт аяз булсын. Гел шулай елмаеп, кешеләрне сөендереп яшәгез! Һәр яңа көн бәхет алып килсен, Алсу таңнар күмсен шатлыкка. Яшәү дәрте янсын йөрәгегездә, Картаерга һич тә ашыкмагыз!

Узган атнаны 4 нче сыйныф укучысы Шакирова Гөлфинә рус теле фәненнән интернет -олимпиадада катнашып II дәрәҗәле дипломга лаек булды.Укучыбызны бу зур уңышы белән чын күңелдән котлыйбыз. Молодец!!!

11 нче класс укучысы Хәсәнова Зөлфия “Бәхетле тарихлар” балаларга ярдәм фонды оештырган IV «Глаголица” Бәйсез балалар әдәбият премиясе конкурсында катнашып проза номинациясендә “Бәхетле иттең, күрше” әсәре өчен III дәрәҗәдәге лауреат булды, диплом, планшет белән бүләкләнде һәм бер атна”Байтик” лагеренда белемнәрен камилләштерде.

Мөндеш башлангыч мәктәбендә чираттагы сыйныф сәгате “Караңгыда күренә торган бул!” дигән темага үтте. Аның максаты-караңгыда җәяү хәрәкәт иткән вакытта юлда куркынычсызлык кагыйдәләрен үтәү, яктырткыч кайтаручы элементларның ни өчен кирәк булуы һәм аларны укучыларның киемнәрендә, рюкзакларында урнаштыру тәртибен аңлату иде. Класс җитәкчеләре укучыларга бу турыда бик күп мәгълүмат бирде.Әти-әниләргә аңлатма хаты таратылды.