Иске Кишет башлангыч мәктәбендә Кошлар көненә багышланган тәрбия сәгате үтте. Укучылар  кошлар 
турында күптөрле мәгълүмат алдылар. Кошлар көненә рәсемнәр ясадылар. Арча районыннан Кызыл китапка кергән кошлар турында да белделәр.
-- 

2 апрель көнне, Сәләхиева Миләүшә Радик кызы,5 класс укучылары белән, биологиядән "Ачык орлыклылар" темасына ачык дәрес күрсәтте. Укучылар дәрестә ылыслы агачларның үрчүе, кешеләр тормышында аларның әһәмияте, урманнарны сакларга кирәклеге  турында бик күп мәгълүмат белделәр. Практик эш белән белемнәрен ныгыттылар. 

Бүген биология-география атналыгы кысаларында   М. Р. Сәләхиева тарафыннан "Кошлар - канатлы дуслар" темасына видеофильм күрсәтелде. Укучылар төрле кошлар турында бай мәгълүмат алдылар, һәр сюжетны бик кызыксынып карадылар.

 Арчаның 3 номерлы  мәктәбендә "Иң яхшы вожатый"  конкурсының икенче этабы үткәрелде. Әлеге этапта районның 10 мәктәбеннән сайлап алынган вожатыйлар үзләренең осталыкларын күрсәттеләр.  Алар үзләре белән таныштырдылар, "Мин - вожатый" темасына язган эссе укыдылар, педагогик ситуацияләрдән чыгу юлларын күрсәттеләр. Безнең мәктәптән әлеге конкурста 8 сыйныф укучысы Сафина Энҗе катнашты һәм барлык биремнәрне дә бик яхшы үтәп, 3 дәрәҗә диплом иясе булды. Афәрин, Энҗе! Киләчәктә дә уңышлар телибез сиңа.

География – биология атналыгының 2 нче көнендә укучылар кызыклы сорауларга җаваплар бирделәр, кроссвордлар, ребуслар чиштеләр. 

30 март көнне мәктәптә география -  биология атналыгы башланып китте.  География укытучысы Галимҗанова Л.Б. 5 класста  “Төньяк Америка буйлап сәяхәт” дигән темага ачык дәрес күрсәтте.

29 март көнне мәктәбебездә башлангыч класс укучылары арасында “Күңелле стартлар “ үтте. Ярыш бик күңелле һәм мавыктыргыч булды.Аз гына өстенлек белән кызлар командасы җиңү яулады!

Бүген мәктәбебездә һөнәр сайлау айлыгы кысаларында педагог-организатор А. М. Җамалиева тарафыннан "Һөнәрле булу - гәүһәрле булуга тиң!"дип исемләнгән очрашу кичәсе булды. Кичәгә Яңа Кишет авыл китапханәчесе Н. Р. Йосыпова, балалар бакчасы җитәкчесе Э. Г. Шәйхетдинова, Кышкар ФАП җитәкчесе Р. И. Садыйковлар чакырылган иде. Килгән кунаклар үз һөнәрләре белән таныштырдылар, балаларның сорауларына бик теләп җавап бирделәр. Укучыларга һөнәрләр буенча өстәмә мәгълүматлар да җиткерелде. Кичә бик файдалы һәм кызыклы үтте.

Районда  «Илһам» бөтенроссия  яшь язучылар бәйгесенең 2 туры үтте.Бәйгедә  уңышлы чыгыш ясаган мәктәбебезнең 7 нче класс укучысы Минҗанова Фирүзәне котлыйбыз. Иҗади уңышлар телибез. 

Яңа Кишет мәктәбендә 23 март көнне 9 класс укучылары белән география һәм биология фәннәреннән сынап карау имтиханы үткәрелде. Имтиханнарда да сынатмагыз, кадерле укучылар!