Тәрбияче Фазылзянова Лилия Наримановна  икенче кечкенәләр  төркемендә математикадан ачык белем бирү эшчәнлеге күрсәтте. Бу интегральләшкән белем бирү эшчәнлеге бик кызыклы, эчтәлекле,мавыктыргыч булды. Балалар әкияткә үрелеп барган бу ачык чарада үзләрен иркен тоттылар, бик күп яктан үзләренең белемле,кызыксынучан булуларын күрсәттеләр. Бишкә кадәр санау, төсләрне аеру,башваткычлар чишү,уеннар уйнау,физкультминутка,сан кадәрле предметларны кую, геометрик фигуралардан теремкәй ясау бер-бер артлы тезелеп барды.Вакыт аралыгы да сизелмәде.Тәрбияченең артистлык сәләте бар баланы җәлеп итте.

Икенче кечкенәләр төркеме балалары тәрбиячеләре Лилия Наримановнадан барлык уңай сыйфатларны туплап баралар. Кечкенә генә булсалар да, куллары җитез,эш сөючән.Апаларына ярдәм итәргә һәрвакыт әзер. Татар һәм рус халык кызы да, аларның бергәләп башкарган хезмәт җимеше.

Тәрбияче Муртазина Рәмилә Ильдаровна мәктәп хәзерлек төркемендә ачык математика белем бирү эшчәнлеге күрсәтте. Белем бирү эшчәнлеге бик мавыктыргыч, эчтәлекле, тәрбияви булды. Балаларның активлыгы, һәр эшкә җаваплы каравы сөендерде. Кулдан зәвык белән эшләнгән күрсәтмә материаллары, презентациясе балаларны үз эченә алып кереп китте. Рәмилә Илдаровна коллективта иң яшь тәрбияче.Яшь булуына карамастан, бик тырыш, бик сәләтле. Эшенә җаваплы карый. Уңышлар аңа!  

Безнең кечкенәләребезне Чаллы курчак театры артистлары сөендереп китте. Алар безнең балаларыбызга дүрт халык әкиятен берләштереп әзерләнгән театр күрсәттеләр. Сәхнә бизәлеше,матур әкият геройлары балаларны бик тиз үзенә җәлеп итте. Әкият бик матур, эчтәлекле булды. Балаларны сөендергән артистларга бик зур рәхмәт. Балалар әкиятне бик яратып калдылар. 

Тәрбияче Резеда Юнысовнаны балалар бик ярата. Кайсы әкият герое булып киенсә дә, якын итәләр үзен, үз итәләр. Бүре булса да,убырлы булса да, кочагына сыеналар алар. Әле дә әтәч аларны үзенең кочагына җыйган.

Рилә Раисовна һәм Резеда Юнысовна беренче кечкенәләр төркеме балалары белән мавыктыргыч чаралар үткәреп торалар. Алар бик хәрәкәтчән, кызыксынучан, җитезләр. Менә алар.

Яңа Кенәр балалар бакчасы балалары район күләмендә уздырылган "Неопалимая купина" дип исемләнгән конкурста катнашты. Иң кечкенә катнашучыбыз Гилазова Илинә булды. Ул диплом белән бүләкләнде. Һәр конкурста актив катнашкан иң кечкенә дустыбызны котлыйбыз һәм  уңышлар телибез.

Беренче кечкенәләр төркеме балалары белән Рилә Раисовна "Әкият кунакка чакыра" дигән тема астында ачык белем бирү эшчәнлеге күрсәтте. Сөйләм үстерү белем бирү эшчәнлеге бик эчтәлекле һәм мавыктыргыч булды. Балалар бик теләп һәм яратып катнаштылар. Әтәчне шатланып каршы алдылар. Әтәчнең сары чебиләренә йомырка бизәп бүләк иттеләр.

Балалар логопед Алсу Рашидовна янына бик теләп йөриләр. Бик күп һөнәрләргә өйрәнәләр. Авазларны дөрес әйтү аларда беренче максат. Уку елы ахырында алар максатларына ирешәләр.Моның өчен бары Алсу Рашидовна әйткәннәрне төгәл үтәргә генә кирәк

Иң кечкенәләребез дә әниләрен котлаудан читтә калмады.Матур бию бүләк иттеләр әниләренә. Аларның осталыкларына сокланмый мөмкин түгел. Музыка уен коралларында да уйныйлар, бииләр дә бит!