Мәктәп хәзерлек төркеме балалары һәр нәрсәгә җаваплы карыйлар. Рәсем белем бирү эшчәнлегендә тырышып рәсем ясыйлар.Өй һәм гаиләләрен рәсемдә сурәтлиләр. Алар безнең булачак укучыларыбыз.

Зурлар төркеме әвәләү белем бирү эшчәнлегендә песи сынын әвәләделәр. Тәрбиячеләре Рәмилә Ильдаровна балаларның хезмәтен уңай бәяләде.Балалар үзләре ясаган песи сынын күргәзмәгә куйдылар.

Мәктәп хәзелек төркеме балалары кечкенә дусларына "Әниемнең туган көне" дигән әкиятне сәхнәләштереп күрсәтте. Әкиятне бик яратып карадылар.Балалар рольләрне бик оста башкардылар.

Икенче кечкенәләр төркеме бөек шагыйребез Габдулла Тукай әкиятләрен яратып укый.  Алар "Су анасы әкиятенә иллюстрация ясап, конкурста катнашырга җыена. Тәрбиячеләре Лилия Наримановнага һәм  икенче кечкенәләр төркеменә уңышлар теләп калабыз 

Безнең бакча балалары саф һавада булганда кошлар тормышын гел күзәтеп, кызыксынып торалар. Кышын кошларга азык табу кыен, шуңа күрә аларны өстәмә тукландыралар. Әле салкын кыш җитмәсә дә, кошлар көне уңаеннан без җимлекләр куйдык, һәм аларга  икмәк валчыклары салдык. Рәхим итегез, сөекле кошкайлар!

Беренче кечкенәләр төркеме  музыка белем бирү эшчәнлегендә бик бирелеп көй тыңлыйлар. Алар яраткан әниләре турында җыр өйрәнәләр. Алар безне үзләренең нәни уңышлары белән куандырып торалар.

Тәрбияче Лилия Наримановна икенче кечкенәләр төркеме балаларына агачның үзлекләрен өйрәтте.Балалар агачтан өйләр төзеделәр. Һәр бала теләп катнашты. 

Бакчабызда сөйләмендә кимчелекләр булган балалар да бар.   Алар белән логопед Алсу Рашидовна шөгыльләнә. Алар төрле уеннар, зарядкалар аша  авазларны дөрес әйтергә, ишетергә өйрәнәләр. Балалар бик теләп шөгыльләнәләр.    

Саф һава - тәнгә дәва. Саф һавада балалар бик яратып уйныйлар. Сәламәт булу өчен кечкенәдән чыныгып үсәргә кирәк. Мәктәп хәзерлек төркеме балалары  беренче карны тәгәрәтеп кар бабай ясыйлар. 

Тәрбияче Наилә Саматовна җитәкчелегендә мәктәп хәзерлек төркеме балалары нәниләребезне  "Шалкан" әкияте белән сөендерде.Әкият геройлары рольләрне бик оста башкарды, ә нәниләр яратып карады.