Салкын саф һава,

Йомшак кар ява.

Урамга чыксаң - 

Битләр кызара.

1 нче кечкенәләр төркеме балалары белән картиналар карау. Картинадагы рәсемнәрне татарча һәм русча дөрес итеп әйтүләренә ирешү.  Балаларга җөмләләр төзергә өйрәтү. Балаларның тел байлыкларын үстерү;  күзәтүчәнлек, игътибарлылык тәрбияләү.Тәрбияче апаны тыңлап утыра белергә өйрәтү.

Спортзалда балалар белән күңелле эстафета оештыру. Балаларның җитезлеген, уңганлыгын, игътибарлылыгын тикшерү. Күңелле уеннар ярдәмендә аларның күңелләрен күтәрү. Бер-берләренә карата ярдәмләшү, булышу, дуслык мөнәсәбәтләре үстерү.

Максат: балаларны табигать календаре белән эшләргә өйрәтү. Көнне, ай исем, ел фасылын дөрес итеп атау. Һава торышын билгеләргә өйрәтү.

Мин яратам сине, Татарстан,

Горур халкың өчен яратам.

Җан эретә торган әнкәм теле - 

Татар телең өчен яратам.

Балаларга кулларны юганда суны чәчрәтмичә, түкмичә генә юу; юганнан соң һәр бала үзенең сөлгесенә генә сөртергә тиешлеген һәрдаим искәртеп тору. Балаларны чисталыкка, пөхтәлеккә өйрәтү.

2 нче кечкенәләр төркемендә пластилиннан әвәләү шөгыле. Максат: балаларга пластилинны дөрес тәгәрәтергә өйрәтү. Ике кисәкне бергә тоташтыру элементын ныгыту. Төсләрне кабатлау. Балаларның мөстәкыйль эшчәнлекләрен үстерү.

Әкиятнең сихри бакчасында

Кошлар яши алтын читлектә,

Алтын каурыйларын җемелдәтеп,

Акрын гына җимне чемченә.

Койрыклары салават күпере кебек,

Карап торсаң, күзләр камаша.

Алтын алма ашый гүзәл кошлар - 

Тылсым бакчасында тамаша.

1 нче кечкенәләр төркеме. Балаларны гимнастик дорожкаларда, матада дөрес итеп йөрергә, шуышырга өйрәтү. Балаларның сәламәтлекләрен ныгыту, игътибарлылык, мөстәкыйльлек тәрбияләү.

- Килегез, кил, кошкайлар.

Сез бит безнең дускайлар.

Бакчабызга куныгыз,

Көн дә кунак булыгыз.

- Чыпчык, чыпчык-чык-чырык,

Җим сиптем, кил тиз очып!

- Песнәк, песнәк, кил тизрәк - 

Җим сибәм сиңа әзрәк.

- Карга, карга, син кара,

Кабып кал азык барда!