Бөтендөнья татар авыллары җыены делегатлары Арча районы балалар бакчасында концерт карады

Казан, 10 март, "Татар-информ", Алмаз Биккол). VI Бөтенроссия татар авыллары эшмәкәрләре җыены делегатлары бүген Арча һәм Балтач районнары авыллары белән таныша. Алар Мөндеш авылының "Кояшкай" балалар бакчасында булдылар. 

Бөтендөнья татар конгрессы башкарма комитеты хәбәр иткәнчә, авыл эшмәкәрләре җыенында 41 төбәктән 700 делегат катнаша.

Кунакларга Мөндеш авылында 2015 елда төзелгән яңа бинаны күрсәттеләр. Балалар эшмәкәрләргә концерт куйды.

"Ике төркемдә төрле яшьтәге 60 бала тәрбияләнә. Аларны милли рухта тәрбияләргә тырышабыз, халкыбызның милли гореф-гадәтләрен өйрәтеп, ата-аналар белән бик тыгыз элемтәдә торабыз. Алар безгә бөтен яктан булышырга торалар", - дип сөйләде 29 ел балалар бакчасында эшләүче "Кояшкай" балалар бакчасы җитәкчесе Римма Мостафина. 

Бүген безнең бакчабызда 8 март - халыкара хатын-кызлар көненә багышланган бәйрәм чарасы үткәрелде. Балалар әниләрне, әбиләрне, апаларны котлап матур шигырьләрен, җырларын, биюләрен бүләк иттеләр. Үзләре ясаган открыткаларын тапшырдылар. Бәйрәмдә әниләр арасында бәйге дә үткәрелде. Алар тырышып көч сынаштылар. Бәйрәм бик күңелле үтте. 

1 нче кечкенәләр төркемендә 8 март - халыкара хатын-кызлар көне уңаеннан "Гаилә бәйрәме" үткәрелде. Бәйрәмдә 3 гаилә көч сынашты. Алар үзләренең җырга, биюгә, хезмәткә, тапкырлыкка осталыкларын күрсәттеләр. Бәйрәм балаларның биюләре белән үрелеп барды. Әти-әниләр тарафыннан музыкаль бүләк тә яңгырады.

Тиздән язның матур бәйрәме - 8 март - халыкара хатын-кызлар көне килеп җитә. Шул уңайдан балалар үзләренең әниләренә үз куллары белән бүләкләр әзерләделәр. 

Балалар белән бер савытка суганнар, ә сулы шешәләргә агач ботаклары утырттык. Хәзер без көн саен аларда булган үзгәрешләрне күзәтеп торабыз. Сулары бетсә, су сибәбез. Балалар суганнарның кыяк чыгарганын, агач ботакларының яфрак ярганын күзәтәчәкләр. Соңыннан тәҗрибәбезгә нәтиҗә ясала. 

Чаңгыга басар алдыннан куркынычсызлык кагыйдәләре искә төшерелде: чаңгыны дөрес кию; таяклары белән сак эш итү, һ.б. Балалар белән чаңгыда шууның төрле алымнарын эшләп карау (кушаяклап этелү, аякларны шудырып атлау алымы һ.б.). Максат: балаларның кече яшьтән үк чаңгыда йөри белүләренә ирешү; мөстәкыйльлекләрен үстерү, сәламәтлекләрен ныгыту.

Зурлар төркемендә физкультура шөгыле. Максат: кыршау әйләндерүне ныгыту. Кыршауны билгә дөрес куеп, озак итеп әйләндерергә өйрәнү. Һәр бала белән индивидуаль эшләү. Игътибарлылык һәм мөстәкыйльлек тәрбияләү.

Балалар кулы белән ясалган бүләкләр әтиләрне сөендерсен. Кадерле әтиләребез! Сезне Ватанны саклаучылар көне белән тәбрик итәбез.

1 нче кечкенәләр төркеме "Тамчылар" биюен өйрәнә.