Муниципальное бюджетное дошкольное образовательное учреждение «Апазовский детский сад " Арского муниципального района Республики Татарстан/Татарстан Республикасы Арча муниципаль районы "Апаз балалар бакчасы " муниципаль бюджет мәктәпкәчә белем бирү учреждениесе
Решаем вместе
Есть предложения по организации учебного процесса или знаете, как сделать школу лучше?
Визитная карточка
| Адрес: | 422006, Российская Федерация, Республика Татарстан, Арский район, село Апазово, ул. Советская, д. 18а |
| Телефон: | 8843663-92-00 |
| E-Mail: | dsapaz.arsk@tatar.ru |
| Министерство: | Министерство образования и науки Республики Татарстан |
| Руководитель: | Зайнуллина Индира Талгатьевна |
| Год основания учреждения: | 1997 |
| У нас учатся: | 20 |
| У нас учат: | 3 |
Муниципальное бюджетное дошкольное образовательное учреждение «Апазовский детский сад " Арского муниципального района Республики Татарстан/Татарстан Республикасы Арча муниципаль районы "Апаз балалар бакчасы " муниципаль бюджет мәктәпкәчә белем бирү учреждениесе - новости
Страницы: 1 2 3 4 5 6 7 ( 8 ) 9 10 >>
-
"Табиб уенын уйнау" 19.11.2021 Балаларның хезмәт турында белемнәрен арттыру, хезмәт кешеләре-табиб,пешекче, сатучы, тәрбияче хезмәткәрләренең хезмәте белән таныштыру, хезмәтләренең кирәкле булуы турында сөйләү, хезмәт кешесенә хөрмәт тәрбияләү максатыннан чыгып зурлар төркеменә йөрүче балалар табиб уены уйнадылар. Үзләре табиб булып укол кадап, температураларын үлчәделәр. Бу уенны балалар бик яратып уйныйлар.
-
"Сурәтләү эшчәнлеге" 17.11.2021 Балаларда сынлы сәнгатькә карата кызыксыну уяту, мөстәкыйльлек, активлык, иҗади сәләт үстерү максатыннан зурлар төркеме балалары белән тәлинкәләр бизәдек.
-
"Конкурсларда катнашабыз" 16.11.2021 "Нәни Сөмбелә" районкүләм конкурсында 2 нче урын алган Камалетдинова Самира Данил кызын котлыйбыз! Алга таба да зур уңышлар насыйп булсын!
-
"Безнең кулларыбыз" 15.11.2021 Кечкенәләр төркеме балалары үзләренең кулларын кәгазьгә куеп, рәсемен төшерделәр. һәрберсе үзенең эшен яхшы итеп күрсәтү өчен тырышып эшләделәр. Максатыбыз- балаларда төгәл эшләү күнекмәләрен тәрбияләү, кул һәм күз координациясен камилләштерү.
-
"Уенчыклар юабыз" 12.11.2021 Балаларда хезмәткә карата уңай мөнәсәбәт, хезмәт итү, өлкәннәргә булышу теләге тәрбияләү, балаларны үз бүлмәләрендәге уенчыкларны җыештырып, тәртипләп куярга, аларны юарга өйрәтү максатыннан зурлар төркеме кызлары белән уенчыкларны юдык.Үзләре уйнаган уенчыкларны бик теләп чиста итеп юып куйдылар. Кипкәч матур итеп урыннарына тезделәр. Эшләгәч балаларда шатлану, булышу хисе туды.
-
"Чишмәбездә экскурсиядә" 10.11.2021 Балаларда табигатьне ярату хисләре, аңа сакчыл караш тәрбияләү максатыннан, авылыбызның Тәүти чишмәсенә бардык. Суның кайдан килеп чыкканын, чиста булуын, кая агып китүен күзәттек. Кеше тормышында суның иң мөһим роль уйнаганы турында сөйләштек.
-
"4 ноябрь- Халыклар бердәмлеге көне" 08.11.2021 4 ноябрь — Халыклар бердәмлеге көне. Халыклар бердәмлеге көне тирән рухи мәгънәгә ия. Ул безне бердәм булырга, ата-бабаларыбызның каһарманлыгын хөрмәт итәргә өйрәтә.Элек – электән безнең татар халкына хас сыйфат бу. Нәкъ менә бердәмлек, татулык күп кенә авырлыкларны җиңеп чыгарга мөмкинлек биргән.Нәкъ менә шушы бердәмлек безнең илебезнең тынычлыгына, мөстәкыйльлегенә китергән. Бакчабызда бүгенге информацион сәгать шушы бәйрәмгә багышланган.Безнең республикабызда төрле милләт халыклары яши: татарлар, руслар, чувашлар, марилар, башкортлар һ.б. Барлык милләт кешеләре дә үзара дус яшиләр:бер-берләренә кунакка йөриләр, бергәләп күңел ачалар, бәйрәм итәләр. Без бакчабызда, туган телебез белән беррәттән, рус телен дә өйрәнәбез.Рус телендә җырлар җырлыйбыз, шигырьләр сөйлибез.Балаларның үз туган телләрендә әти-әниләре белән сөйләшүе-аларга рәхәт, күңелле, җан җылысы бирә. Үзенең әти-әнисен, туган илен яраткан кеше туган телен дә ярата, хөрмәт итә. Без дә үзебезнең туган телебезне, татар телен сакларга, аның белән горурланып яшәргә тиешбез. Башка милләт халыклары белән дә дус яшик.
-
"Көз бәйрәме" 03.11.2021 Бакчабызда җырлы-биюле көз бәйрәме булып үтте. Максатыбыз- балаларга табигатьтәге көзге үзгәрешләр, көзге уңыш турында мәгьлүмат бирү, яшелчәләр турында белемнәрен ныгыту, балаларда бәйрәмдә катнашу, җырлау, бию теләген уяту. Бакчабызда үткән "Көзге муллык-2021" конкурсына нәтиҗәләр ясалды, җиңүчеләргә грамоталар, бүләклзр тапшырылды.
-
"Мин һәм минем гаиләм" 01.11.2021 Балаларның гаилә һәм гаилә әгъзалары турындагы белемнәрен баету, гаиләгә карата игьтибарлылык, кайгыртучанлык тәрбияләү максатыннан, кечкенәләр төркеме белән әңгәмә үткәрдек. Бармаклар уены уйнадык.
-
"Су буена килсәң иде..." 29.10.2021
Зурлар төркеменә йөрүче балалар белән бүген су буена экскурсиягә бардык. Су буендагы агачларны, тауларны, елгадагы су агышын, елга төбендәге ташларны күзәттек. Көзге табигать белән таныштык. Су буеның, көннең матурлыгына сокланып кайттык.
