Муниципальное бюджетное дошкольное образовательное учреждение «Апазовский детский сад " Арского муниципального района Республики Татарстан/Татарстан Республикасы Арча муниципаль районы "Апаз балалар бакчасы " муниципаль бюджет мәктәпкәчә белем бирү учреждениесе
Визитная карточка
Адрес: | 422006, Российская Федерация, Республика Татарстан, Арский район, село Апазово, ул. Советская, д. 18а |
Телефон: | 8843663-92-00 |
E-Mail: | dsapaz.arsk@tatar.ru |
Министерство: | Министерство образования и науки Республики Татарстан |
Руководитель: | Зайнуллина Индира Талгатьевна |
Год основания учреждения: | 1997 |
У нас учатся: | 21 |
У нас учат: | 2 |
Муниципальное бюджетное дошкольное образовательное учреждение «Апазовский детский сад " Арского муниципального района Республики Татарстан/Татарстан Республикасы Арча муниципаль районы "Апаз балалар бакчасы " муниципаль бюджет мәктәпкәчә белем бирү учреждениесе - новости
Страницы: ( 1 ) 2 3 4 5 6 7 8 9 10 >>
- "Әтиемә бүләккә" 18.10.2024 Илебездә тагын бер яңа бәйрәм барлыкка килде. Ул-Әтиләр көне. Календарьдагы яңа дата Россия Президенты Указы нигезендә гамәлгә куелды. Аның датасы октябрь аеның өченче якшәмбесе итеп билгеләнде, быел ул 20 нче октябрьгә туры килә. "Әтиләр көне " уңаеннан балаларыбыз үз куллары белән бүләк әзерләделәр. Бүләкне һәр бала бик тырышып, яратып башкардылар. Әтиләребез дә бүләккә сөенерләр дип уйлыйбыз. Әтиләр көне белән Тәбрик итәбез сезне! Җир йөзендә иң яхшы Зирәк , уңган әтиләрне!
- "Көз рәсемен ясау" 16.10.2024 Балаларны сәнгать төре буларак “пейзаж” белән таныштыру,көзге төсләр турында күзаллауларын баету, фантазияләрен үстерү, дөрес, төгәл, пөхтә итеп рәсемли белергә өйрәтү, табигатьне ярату, табигатькә сак караш тәрбияләү, рәсем сәнгатенә мәхәббәт уяту максатыннан балаларыбыз белән картинадан карап, көз рәсеме ясадык.
-
"Көзге эшләр"
15.10.2024
Бөтен җирне сарылыкка күмеп, табигатькә алтын көз килде. Көннәр салкыная һәм кыскара башлады. Әле күптән түгел генә ямь-яшел булып утырган агачлар сары яфракларын моңсу гына җиргә коела. Чисталык икеайлыгы кысаларында, балалар бакчасы территориясен җыештыру буенча өмә үткәрелде. Бакча хезмәткәрләре бакча яны участогын, территориясен корыган үләннәрдән, коелган сары яфраклардан, чүптән арындырдылар.
-
"Физкультура шөгыле"
14.10.2024
Балаларның сәламәтлеген физик яктан ныгыту һәм үстерү өчен хәрәкәтләнү активлыгының төрле формалары кулланыла. Чишеләсе максатлардан, балаларның яшь үзенчәлекләреннән һәм башка шартлардан чыгып, балалар эшчәнлегенең формалары билгеләнә. Саф һавада үткәрелгән физкультура шөгыльләре йөрәк-кан тамырлары, сулыш алу, мускул һәм башка мөһим организм системаларының үсешенә булышлык итә. Бу уңышка шөгыльләргә хәрәкәтле уеннар, уен-эстафеталар, спорт күнегүләре, йөгерүнең төрле төрләрен, төп хәрәкәт күнегүләрен кертеп ирешеп була. Саф һавада физкультура шөгыльләрен үткәргәндә эшчәнлекнең төрләре еш чиратлашып тора: әкрен йөгерү уен белән алышына, уен – төп хәрәкәт күнегүе белән.
- "Бакчабыз музеенда" 11.10.2024 Балаларны музей хәзинәләренә җәлеп итүдә музейның роле бик зур. Музей гадәти булмаган кыйммәтле хәзинәне – кеше төзегән музей предметларын саклый. Музей буенча экскурсияләр мәктәпкәчә яшьтәге балаларның танып-белү кызыксынуын, сөйләмен үстерүгә ярдәм итә. Монда ук алар патриотик тәрбия ала. Бүген балаларыбыз бакчабыз музеенда экскурсиядә булдылар. Алар анда хуҗалык әйберләре белән таныштылар, үзләрен кызыксындырган сорауларын бирделәр. Балалар бик канәгать калдылар.
- "Иртәнге гимнастика" 10.10.2024 Иртәнге гимнастика балаларны сәламәтләндерү һәм тәрбияләүнең кыйммәтле чарасы булып тора. Иртәнге гимнастика белән системалы рәвештә шөгыльләнүче балаларда йокымсырау халәте югала, күтәренкелек хисе барлыкка килә, эмоциональ күтәрелеш башлана, эшчәнлек сәләте арта. Иртәнге зарядка баланың организмын «уятырга», аны нәтиҗәле итеп көйләргә, мускул системасына күпкырлы, әмма уртача тәэсир итәргә, организмның йөрәк, сулыш һәм башка функцияләре эшчәнлеген активлаштырырга, эчке органнар һәм тойгы органнары эшен стимуллаштырырга, дөрес позиция, Яхшы йөрү формалаштыруга ярдәм итәргә, яссы аяклылык барлыкка килүен кисәтергә тиеш. Бу файдалы гадәт кешедә гомер буе саклана. Иртәнге гимнастика балалар бакчасында оешкан рәвештә көн башларга мөмкинлек бирә, көн режимын төгәл үтәүгә ярдәм итә.
- "Комда ирекле уеннар" 09.10.2024 Балаларда танып белү күнекмәләрен үстерү, ком һәм аның үзлекләре турындагы белемнәрен камилләштерү, уйлау, хәтердә калдыру сәләтен, игьтибарын, тирә-юньне кузаллауларын киңәйтү,ярдәмчелек, бер-берсенә карата уңай мөнәсәбәтләр хисләре тәрбияләү, образлы күзаллауларын үстерү максатыннан балаларыбыз белән комда ирекле уеннар уйнадык.
- "Өлкәннәребезне хөрмәтлибез" 08.10.2024 Өлкән буын вәкилләренә хөрмәтебез һәм рәхмәтебез бик зур. Өлкәннәр көне уңаеннан безнең балалар бакчасында күңелле бәйрәм булып узды. Әлеге чарага балалар бакчасында күп еллар фидакарь хезмәт куйган өлкәннәребез чакырулы иде. Бүгенге тыңгысыз көннәрдә безнең якты,матур киләчәгебез өчен тырышкан якыннарыбызны сөендереп, нәниләребез матур шигырьләр, эчтәлекле җырлар, биюләр бүләк итте. Йөзләрендә елмаю күрү һәммәбез өчен дә куаныч.Хөрмәтле өлкәннәребез,сабырлыгыгыз өчен һәммәгезгә дә зур рәхмәт! Алдагы көннәрегез кояшлы,якты, гөмер юлыгыз бәхетле, саулыгыгыз нык булсын. Килә сезгә бүләк итәсе. Дөньядагы матур сүзләрнең дә Иң җылысын килә әйтәсе. Илгә һәрчак көч – дәрт иңеп торыр Өлкән затлар ихлас елмайса… Картайдым дип һич тә кайгырмыйк без. Безнең гомер байлык ләбаса.
- "Йокыдан соң гимнастика" 07.10.2024 Йокыдан соң ясала торган күнегүләр балаларга көндезге йокыдан соң тиз һәм уңайлы уянырга ярдәм итә. Балаларда уңай хисләр уята. Мускул тонусын күтәрә, сәламәтлекне ныгыта.
- "Өлкәннәребезгә бүләккә" 04.10.2024 Өлкәннәр көне уңаеннан балаларыбыз үз куллары белән бүләкләр әзерләделәр.