Җиңү көне – халкыбызның күңелендә мәңге онытылмас көн.
Үсеп килүче буынга патриотик тәрбия бирү бүгенге җәмгыять иң төп бурычларның берсе булып тора. Патриотик тәрбия бирү төшенчәсе бала күңелендә Туган илебезнең табигатен ярату, халкының тарихы, үткәне белән горурлану хисләре уяту дигәнне аңлата.Җиңү бәйрәмендә һәрвакыт халкыбызның дошманны җиңүгә этәргеч биргән гүзәл сыйфатларын исебезгә төшерәбез. Алар: сабырлык, кыюлык, ныклык, Ватанга мәхәббәт һәм тугрылык.
Җиңү көне! Әлеге көн балаларда үз иленең каһарманнары белән горурлану, Туган иленең батырларына соклану хисе, үткән тарихыбыз, Бөек Ватан сугышы вакыйгалары белән кызыксыну, аларны өйрәнү теләге уятыр дип ышанабыз.

Тукай! Татар халкының йөзе, аңы, намусы, йөзек кашы. Бу сүзләр юкка гына әйтелмәгәндер. Чыннан да, Тукай – ул татарның Пушкины, Даниянең Андерсыны, немецларның – Гетесы. Ул үзенең барлыгы белән милләтебезнең байлыгын, тәрбиялелеген, укымышлылыгын, тырышлыгын дәлилли торган шәхес. Аның әсәрләре бик күп телләргә тәрҗемә ителде, шигырь җыентыклары йөзләрчә тапкыр бастырып чыгарылды.
Бүген Габдулла Тукайның туган көне.
Авыл китапханәчесе Гөлфәридә Имамовна балаларга Габдулла Тукайның шигырьләрен,әкиятләрен укыды.

Балалар авыл китапханәсендә экскурсиядә булдылар.Нәниләр китап дөньясында үзләрен бик иркен тоттылар Аларга, Гөлфәридә Имамовна иң кечкенәләр өчен нәни,матур китаплар хәзерләп куйган иде.Балаларга кызыклы әкиятләр укыды.Табышмакларга бергәләп җаваплар эзләдек.

12 нче апрель-космонавтика көне.
Балалар космос темасына багышланган рәсемнәр ясадылар.

Барыбыз да яшеллекне, чәчәкләрне яратабыз.Ләкин аларны тиешенчә карасаң гына, тирә-ягыбызны матурлап торалар.
Балалар гөлләрне тәрбияләү серләренә һәм аларның кеше тормышына никадәр әһәмиятле булуына төшенделәр.

Яз - табигатьнең кышкы йокыдан уяну вакыты. Язгы кояш елмаеп карау белән, бөтен табигать кышкы йокысыннан уяна.
Сыерчыклар сайраша,кояш үз җылысын кызганмый,бар җиһан яшеллеккә күмелә...
Тузганаклар инде сары чәчәк ата да башлаганнар.

2023 нче ел Татарстанда Милли мәдәниятләр һәм гореф-гадәтләр елы булганлыктан,балаларны татар халкының мәдәнияте,гореф-гадәтләре белән таныштыру юнәлешендә эш алып барабыз.Бүген исә нәниләрне татар халкының милли бизәкләре белән таныштырдык.

Театр – сәнгатьнең бер төре. Ул үз эченә әдәбият, музыка, бию,сынлы сәнгатьне берләштерә.
Бүген тәрбияче Гөлсинә Тауфиковна балаларны театр сәнгатенең төрләре белән таныштырды.Балалар төрле әкиятләрне,шигырьләрне искә төшерделәр .Аннары рольләргә бүлеп уйнап карадылар.

һәр елны яз җитүгә күчмә кошларның килүен күзәтәбез. Кошларны күргән саен балалар шатланалар, үзләренең шатлыклары белән уртаклашалар.
Бүген безнең балалар бакчасында "Кошлар-безнең канатлы дусларыбыз" исеме астында экологик тәрбия сәгате үтте.Балалар безнең якта калучы һәм җылы якка китә торган кошлар турында белгәннәрен ныгыттылар.Гөлсинә Тауфиковна,бүгенге көндә җылы яктан кайткан сыерчыклар турында тагын да тирәнрәк сөйләде ,аларга оялар ясарга кирәклегенә дә басым ясады.