Бүген "Әкиятләр иленә сәяхәт" үткәрдек.
Балалар әкият китапларын бик кызыксынып карадылар. Нәниләр "Ике кыз", "Су анасы," "Кызыл калфак" әкиятләрен бик яратып тыңладылар.

Менә матур,кояшлы,чәчәкле,җылы җәй узып та бара..Инде август ае ахырына якынлаша.

Август (Д.Гарифуллин)

Җиләкләр беткән чаклар,

Шомыртлар кипкән чаклар.

Бәрәңге үскән чаклар,

Алмалар пешкән чаклар.

Миләшләргә бүрек-бүрек

Кызыл ут капкан чаклар.

Арыш башакларын уып,

Куаныч тапкан чаклар.

Өем-өем помидорлар

Кызарып яткан чаклар.

Җир җимереп болыннарда

Колыннар чапкан чаклар.

Уен – ул бала эшчәнлегенең, тормышының аерылгысыз өлеше. Бүген балалар өстәл уеннарын: парлы картиналар, лото, домино,пазллар җыеп уйнадылар. Парлары буенча картиналарны сайлау максатыннан балаларга башта иң гади биремнәр бирелде,мәсәлән, “Бертөрле шапканы тап” , “Бияләйләрнең парын тап”..
Балаларга бигрәк тә "Профессияләр" лотосы ошады.

Бүген балалар белән табигать кочагына экскурсиягә бардык.Балаларга бигрәк тә елга өстеннән очкан кошларны күзәтү ошады.Балалар әлеге сәяхәттән бик канәгать булып кайттылар.

1 июнь – Халыкара балаларны яклау көне. Балаларның киләчәге матур булсын өчен тыныч, имин тормыш, яраткан туган җир, гаилә җылысы, күңелле балачак кирәк.
Балаларга, мәдәният хезмәткәрләре белән берлектә, кечкенә "Сабантуй" бәйрәме оештырдык.

Юлларда балалар белән хәвеф-хәтәрләр булмасын өчен ,аларның юл билгеләрен белүләре шарт.Гөлсинә Тәүфиковна балалар белән тагын бер кат , юлда үз-үзеңне ничек тотарга кирәклекне ,юл йөрү кагыйдәләрен кабатлады.

Җиңү көне – халкыбызның күңелендә мәңге онытылмас көн.
Үсеп килүче буынга патриотик тәрбия бирү бүгенге җәмгыять иң төп бурычларның берсе булып тора. Патриотик тәрбия бирү төшенчәсе бала күңелендә Туган илебезнең табигатен ярату, халкының тарихы, үткәне белән горурлану хисләре уяту дигәнне аңлата.Җиңү бәйрәмендә һәрвакыт халкыбызның дошманны җиңүгә этәргеч биргән гүзәл сыйфатларын исебезгә төшерәбез. Алар: сабырлык, кыюлык, ныклык, Ватанга мәхәббәт һәм тугрылык.
Җиңү көне! Әлеге көн балаларда үз иленең каһарманнары белән горурлану, Туган иленең батырларына соклану хисе, үткән тарихыбыз, Бөек Ватан сугышы вакыйгалары белән кызыксыну, аларны өйрәнү теләге уятыр дип ышанабыз.

Тукай! Татар халкының йөзе, аңы, намусы, йөзек кашы. Бу сүзләр юкка гына әйтелмәгәндер. Чыннан да, Тукай – ул татарның Пушкины, Даниянең Андерсыны, немецларның – Гетесы. Ул үзенең барлыгы белән милләтебезнең байлыгын, тәрбиялелеген, укымышлылыгын, тырышлыгын дәлилли торган шәхес. Аның әсәрләре бик күп телләргә тәрҗемә ителде, шигырь җыентыклары йөзләрчә тапкыр бастырып чыгарылды.
Бүген Габдулла Тукайның туган көне.
Авыл китапханәчесе Гөлфәридә Имамовна балаларга Габдулла Тукайның шигырьләрен,әкиятләрен укыды.

Балалар авыл китапханәсендә экскурсиядә булдылар.Нәниләр китап дөньясында үзләрен бик иркен тоттылар Аларга, Гөлфәридә Имамовна иң кечкенәләр өчен нәни,матур китаплар хәзерләп куйган иде.Балаларга кызыклы әкиятләр укыды.Табышмакларга бергәләп җаваплар эзләдек.

12 нче апрель-космонавтика көне.
Балалар космос темасына багышланган рәсемнәр ясадылар.