Балалар бакчасында бүген  8 март- Халыкара хатын-кызлар   бәйрәменә багышланган  матур бәйрәм иртәсе булып үтте. Балалар әниләренә, дәү әниләренә багышлап җырлар, биюләр башкардылар, котлау, тәбрикләү сүзләрен шигьри юллар аша җиткерделәр.  Үз куллары белән ясаган бүләкләрен әниләренә тапшырдылар.

Бүген бөек,герой шагыйребез ,татар халкының горурлыгы булган,Муса Җәлилнең туган көне.
Муса Җәлил исемен ишетүгә, тәүге булып уйга батырлык сүзе килә.Ялкынлы шигырьләр авторы, ватаныбыз азатлыгы өчен көрәшкән кыю солдат ул.Патриот шагыйрь фашист тоткынлыгына эләгеп тә, рухи ныклыгын югалтмый, курку белмичә, дошманга каршы көрәш алып бара.

Бүген авыл китапханәсе китапханәчесе Гөлфәридә Имамовна белән берлектә "Рус балалар фольклоры иленә " сәяхәт үткәрдек. Балалар рус халкының мәкальләре,әйтемнәре,әкиятләре,табышмаклары ,санамышлары,тиз әйткечләре һ.б.лар белән таныштылар.Балалар зурлар белән берлектә табышмакларга җаваплар эзләделәр,мәкальләрне тулыландырдылар һәм тиз әйткечләрне әйтеп карадылар.Кичә балаларга бик ошады.

Бүген китапханәче Гөлфәридә Имамовна  Шарль Перроның 395 еллыгына "Тылсымлы әкиятләр" исеме астында әдәби кичә үткәрде. Аның әкият китапларының күргәзмәсе оештырылды. Балалар Шарль Перроның тормыш юлы һәм иҗаты белән таныштылар. Балаларга бигрәк тә  аның "Кызыл калфак" әкияте ошады.

Хөрмәтле әти-әниләр,коллегалар,балалар!

Барыгызны да чын күңелдән ,Яңа ел белән тәбриклибез!

Яңа ел  барыбызга да исәнлек-саулык,бәхетләр һәм бик күп шатлыклы мизгелләр алып килсен! 

Бүген,ягъни 26 нчы декабрь көнне, балалар бакчасында Яңа ел бәйрәме булып үтте.Балалар кунакка килгән Кыш бабай белән Кар кызына өйрәнгән шигырьләрен сөйләделәр,чыршы тирәли Яңа ел турында җырлар җырладылар,биеделәр.Кыш бабай белән Кар кызы балаларга кызыклы уеннар оештырдылар.Бәйрәм күңелле узды.

Менделеевск шәһәрендә уза торган "Буыннар бәйләнеше өзелмәсен" исеме астындагы II  Республика конкурсында катнашып,"Сабантуй" бәйрәме үткәреп ,фотолардан видеоролик ясадык.

Бүген авылыбызның мәдәният хезмәткәрләре белән берлектэ "Татар халкының матур бизәкләре" кичәсе уткәрдек.Балаларда кечкенәдән үз милләтеңә карата горурлык хисе тәрбияләү-ул безнең төп максатыбыз.