Бүген - Бөек Ватан сугышы башланган көн.

Ил тарихына иң кайгылы көннәрнең берсе булып кереп калган, кара хәрефләр белән язылган 22 июньне Хәтер һәм кайгы көне буларак билгеләп үтәбез. Нәкъ шул көнне, дөресрәге 1941 елның 22 июнь таңында, фашист Германиясе илебезгә бәреп кергән. 

Бүген мәдәният йортында эшләүче Әнисә Идрисовна белән берлектә балалар матур итеп Россия көненә багышланган рәсемнәр ясадылар.

Бүген балалар татар халкының милли бизәкләре белән таныштылар.Һәм алар алъяпкычка  матур итеп бизәкләр төшерергә өйрәнделәр. 

Бүген авыл фельдшеры балалар белән "Чиста куллар" темасына әңгәмә үткәрде.Чисталык- сәламәтлекнең нигезе булуын нәниләргә  төшендерде.

Җиргә тагын килә ямьле язлар,
Тарихларга уелып кала еллар.
Хәтерләрдә мәңге сакланырлар
Ветераннар узган данлы юллар.

Бүгенге көн тыныч булсын өчен,
Кызганмыйча гомерләрен, көчен.
Утка кергән алар, канын биргән,
Азат илдә без яшәсен өчен!

Рәхмәт Сезгә, батыр ветераннар,
Саклап калган өчен илебез.
Мәңгелек дан Сезгә, каһарманнар,
Тыныч булсын җир һәм күгебез!

Халык мәхәббәте - синең исемең,
Халык гомере - синең гомерең!
Әгәр дә дөньяда бик аз яшәп тә, күп эшләр эшләп киткән язучылар турында сүз бара икән, аның берсе, һичшиксез, Г абдулла Тукай булыр. Уйлап карасаң, кызганыч тормыш, ятимлек михнәтләрен татыган, яшьли үлеп киткән шагыйрь язмышы бигрәк аяныч.
Габдулла Тукай.... Бармы икән безнең арада бу олы шагыйрь турында ишетмәгән, белмәгән кеше? Тукайның моңлы җырларын җырламаган, тылсымлы әкиятләрен тыңламаган, шигырьләрен яттан белмәгән бала...? Юктыр.

Бүген бакчабызда Габдулла Тукай туган көненә багышлап "Без-Тукай оныклары" дип исемләнгән әдәби сәгать  үтте.Авыл китапханәсеннән Гөлфәридә Имамовна аның иҗатына багышланган китаплар белән таныштырды.Шулай ук аның шигырьләре укылды,әкият геройлары белән таныштырылды.