Җиргә тагын килә ямьле язлар,
Тарихларга уелып кала еллар.
Хәтерләрдә мәңге сакланырлар
Ветераннар узган данлы юллар.

Бүгенге көн тыныч булсын өчен,
Кызганмыйча гомерләрен, көчен.
Утка кергән алар, канын биргән,
Азат илдә без яшәсен өчен!

Рәхмәт Сезгә, батыр ветераннар,
Саклап калган өчен илебез.
Мәңгелек дан Сезгә, каһарманнар,
Тыныч булсын җир һәм күгебез!

Халык мәхәббәте - синең исемең,
Халык гомере - синең гомерең!
Әгәр дә дөньяда бик аз яшәп тә, күп эшләр эшләп киткән язучылар турында сүз бара икән, аның берсе, һичшиксез, Г абдулла Тукай булыр. Уйлап карасаң, кызганыч тормыш, ятимлек михнәтләрен татыган, яшьли үлеп киткән шагыйрь язмышы бигрәк аяныч.
Габдулла Тукай.... Бармы икән безнең арада бу олы шагыйрь турында ишетмәгән, белмәгән кеше? Тукайның моңлы җырларын җырламаган, тылсымлы әкиятләрен тыңламаган, шигырьләрен яттан белмәгән бала...? Юктыр.

Бүген бакчабызда Габдулла Тукай туган көненә багышлап "Без-Тукай оныклары" дип исемләнгән әдәби сәгать  үтте.Авыл китапханәсеннән Гөлфәридә Имамовна аның иҗатына багышланган китаплар белән таныштырды.Шулай ук аның шигырьләре укылды,әкият геройлары белән таныштырылды.

12 апрель - Космонавтика көне!
  1961 елның 12 апрелендә Язгы иртәдә җир йөзенең беренче космонавты – Советлар Союзы гражданины Юрий Гагарин «Восток -1» галәм корабында җир тирәли орбитага чыгарылды. Беренче космик очыш 108 минут дәвам итте. 

Быел аеруча истәлекле ел: Космоска менүгә 60 ел.

Мәдәният йортыннан Әнисә Идрисовна балалар белән космос турында  башта әңгәмә үткәрде. Аннары балалар галәм темасына рәсемнәр буядылар.

Бүген бакчада авыл китапханәчесе  Гөлфәридә Имамовна белән тәрбияче Гөлсинә Тәүфиковна балалар белән " Кошлар безнең канатлы дусларыбыз" темасына әңгәмә үткәрделәр.Балалар безнең якта кышлаучы һәм җылы якка китүче кошлар турында белгәннәрен тагын да ныгыттылар. 

Бүген безнең балалар мәдәният йортында "Нәүрүз" бәйрәмендә булдылар..Монда алар яз бәйрәменә багышланган концерт карадылар.Үзләре дә яз темасына багышланган шигырьләр сөйләделәр,җырлар җырладылар.Аннары авыл китапханәчесе балаларны бәйрәм  боткасы һәм коймак белән сыйлады.Балаларга бәйрәм бик ошады. 

Татарча да яхшы бел,

Русча да яхшы бел,

Икесе дә безнең өчен,

Иң кирәкле ,затлы тел.

Җырлап үттем данлы көрәш кырын,
Җырлап килдем тормыш языма.
Соңгы җырым палач балтасына
Башны тоткан килеш языла.

Җыр өйрәтте мине хөр яшәргә
Ьәм үләргә кыю ир булып.
Гомрем минем моңлы бер җыр иде,
Үлемем дә яңрар җыр булып.