Иң беренче безгә барыбызга да  шуны истә тотарга кирәк: янгынны сүндерүгә караганда, булдырмау яхшырак. Шуңа да һәрвакыт янгын куркынычсызлыгы кагыйдәләрен  балалар белергә һәм үтәргә тиеш. Янгын булган очракта исә, куркып калмаска, үзләренең сәламәтлекләрен сакларга бер-береңә ярдәм итәргә. 

Судагы фаҗигаләр еш кына ата-аналарның балаларны караучысыз калдыруы аркасында килеп чыга. Шуңа да елга буенда балалар янында һәрвакыт бер өлкән кеше булырга тиеш. Балалар ярдәм сорап кычкырмый, тыпырчынмый, алар тиз, башлыча 30 секунд эчендә һәм тын гына суга бата.

Хөрмәтле өлкәннәр! Балаларгыз белән ял итү урыны итеп тирән су яткылыкларын яки тиз агымлы, әйләнчекле елга буйларын сайламагыз. Киң булмаган елгада да хәвеф сагалап торуы ихтимал. Балаларыгызга өреп тутырылган матрасларда һәм түгәрәкләрдә еракка йөзәргә рөхсәт итмәгез. Аларны бервакытта да ялгызларын су янына җибәрмәгез. Һәм иң мөһиме – балаларны йөзәргә өйрәтегез!

Бүген - Бөек Ватан сугышы башланган көн.

Ил тарихына иң кайгылы көннәрнең берсе булып кереп калган, кара хәрефләр белән язылган 22 июньне Хәтер һәм кайгы көне буларак билгеләп үтәбез. Нәкъ шул көнне, дөресрәге 1941 елның 22 июнь таңында, фашист Германиясе илебезгә бәреп кергән. 

Бүген мәдәният йортында эшләүче Әнисә Идрисовна белән берлектә балалар матур итеп Россия көненә багышланган рәсемнәр ясадылар.

Бүген балалар татар халкының милли бизәкләре белән таныштылар.Һәм алар алъяпкычка  матур итеп бизәкләр төшерергә өйрәнделәр. 

Бүген авыл фельдшеры балалар белән "Чиста куллар" темасына әңгәмә үткәрде.Чисталык- сәламәтлекнең нигезе булуын нәниләргә  төшендерде.