Безнең балалар бакчасы Менделеевскида уза торган “Буыннар бәйләнеше өзелмәсен” исеме астындагы IV Республика конкурсында читтән торып катнаша. Без балаларны бу юлы татар халкының милли бәйрәме “ Каз өмәсе” белән таныштыруны максат итеп куйдык.
Чөнки Югары Әлморзада бүгенге көндә дә күпләп каз ( кайберләре йөз баштан да артып китә!) асраучылар бар. Шуңа күрә дә ,бу матур йоланы киләчәк буынга нечкәлекләре белән җиткерәсе килде.2024 нче ел ахырында , авылда гөрләп каз өмәләре узды гына әле. Каз өмәсендә тәмле итеп казның эч- башыннан бәлеш пешерү үзе бер традиция булып тора.Шулай ук ишек төпләренә икенче елга да казлар күп булсын дип, теләк тели-тели каз каурыйларын сибәләр.
Югары Әлморза авылында каз йоныннан ике мендәр кияүгә китә торган кызлары булган һәрбер өйдә бирнәгә хәстәрләп куела.Шулай ук һәрвакыт, никахка һәм туйга барганда, яшьләрнең парлы яшәүләрен теләп, ике як бер-берсенә матур итеп бизәлгән һәм киендерелгән ике каз күчтәнәчкә алып бара. Салкын тиеп йөткергәндә ,каз маен эретеп, аркага җылы килеш сөртсәң,шифасы булуын күпләр беләдер..
Каз өмәсе- халкыбызның бик үзенчәлекле йоласы. Татар халкының әллә никадәр рухи байлыгын үзенә туплаган иң матур бәйрәмнәрнең берсе ул каз өмәсе.
Каз өмәләре- татар кешесенең булдыклылыгын, эшсөярлеген, чиста-пөхтәлеген, җыр-моңга бай күңелен, аш-суга осталыгын, тагын әллә никадәр уңай сыйфатларын күрсәтә торган искиткеч матур йола.
Безнең балалар бакчасы, мәдәният йорты хезмәткәрләре һәм китапханә белән берлектә “Каз өмәсе” бәйрәме үткәрде. Кечкенәләребезгә каз өмәсе бәйрәме турында тулысы белән җиткерергә тырыштык.Балалар биеделәр,җырлар җырладылар,уеннар уйнап,күңел ачтылар. Бәйрәмгә авылның талантлы шагыйрәсе Наилә апа Алимова килеп, тагын да ямь өстәде.
Димәк,каз өмәсе ул эш кенә түгел, ә үзара халыкның аралашып , дус һәм бердәм булып, матур итеп яшәвен дә күрсәтә торган милли бәйрәм!

21 нче февраль – Халыкара туган тел көне
Тел дигән дәрья бар,
Дәрья төбендә мәрҗән бар.
Белгәннәр чумып алыр,
Белмәгән карап калыр.
Нәкый Исәнбәт
Татар теле – ЮНЕСКО тарафыннан бөтендөнья халыкара аралашу теле дип саналган 14 телнең берсе.
Бүген балалар бакчасында "Туган тел көне " билгеләп үтелде.
Балалар туган татар телендә шигырьләр сөйләделәр,җыр җырладылар.
Китапханәче Гөлфәридә апа да балаларга үчскәч тә ,үз телләре белән горур булырга,аны сакларга һәм онытмаска әйтте.

"Җырлап үттем данлы көрәш кырын,
Җырлап килдем тормыш языма ...”
М.Җәлил.
Бүген көчле рухлы,герой,яраткан патриот шагыйребез- Муса Җәлилнең туган көне.
Дөнья поэзиясе күгендә якты йолдызлардай балкыган шагыйрьләр аз түгел. Әмма алар арасында азатлык көрәшенең ялкынлы җырчылары, шул көрәштә батырларча һәлак булган легендар геройлар – инглиз шагыйре Джордж Байрон, венгр шагыйре Шандор Петефи, испан шагыйре Гарсиа Лорка, болгар шагыйре Никола Вапсаров, чех язучысы, публицист Юлиус Фучик һәм татар шагыйре Муса Җәлил исемнәре бар.
Патриот-шагыйрь Муса Җәлилнең шигъри таланты, сугышчан батырлыгы һәм хәрби оештыру осталыгы фашизмга каршы аяусыз көрәштә бөтен тулылыгы белән ачылды. Аның исеме дөньяда үзенең Ватанына, үз халкына турылыклы булуның гүзәл символына әйләнде. Муса халыклар дуслыгы җырчысы буларак җир йөзендә зур соклану тудырды.
Муса Җәлил поэзиясе тау елгасы кебек көчле һәм ярсу да, кырыс һәм шаян да, дәртле һәм сагышлы да.
Шагыйрь үзе үлсә дә, фашистлар аның ялкынлы җырларын, көчле рухын юк итә алмадылар. Муса Җәлил илгә җыр булып кайтты.
Аның исемен татар халкы мәңгеләштерде. Казандагы Татар дәүләт опера һәм балет академия театры Муса Җәлил исемен йөртә. Башкалабызның үзәгендә аңа һәйкәл куелды. Ул яшәгән фатирда музей ачылды. Татарстанда Җәлил исемендәге бистә бар. Муса Җәлилгә багышлап романнар, поэмалар, опера, җырлар, сынлы сәнгать әсәрләре иҗат ителде.

7 февраль көнне,-Татарстан Республикасы гербы көне билгеләп үтелә.
Республика Югары Советы тарафыннан 1992 елның 7 нче февралендә кабул ителгән Дәүләт гербы Дәүләт флагындагы төсләрне файдаланып эшләнгән. Гербның уртасында канатлы ак барс сүрәте.
Татарстан гербы игелек, гаделлек, гражданнарның иминлеге, халыклар арасындагы дуслык, тынычлык һәм алгарыш кебек әхлакый кыйммәтләрне раслый.

«Сәламәтлек - зур байлык» темасына авыл фельдшеры белән әңгәмә үткәрелде.

Татарстан Республикасының халык язучысы Нәкый Исәнбәт драматург, шагыйрь, халык авыз иҗатын өйрәнүче галим буларак билгеле.
10 январьда Нәкый Исәнбәтнең тууына 125 ел уңаеннан ,Гөлфәридә Имамовна-авыл китапханәчесе ,балаларны "Мыраубай батыр" китабы белән таныштырды.
Бәрәзә авылында яшәүче гади генә бер Мыраубай исемле песинең даны ни өчен бөтен дөньяга таралган? Башка песиләрдән ул нәрсәсе белән аерылып тора соң? Зур батырлыклар кылырга дучар ителгән мәчегә ни өчен әлегә кадәр мәдхия җырлана икән? Бу шигъри роман дәрәҗәсендәге әлеге әсәр балаларны битараф калдырмас.

Яңа ел белән! Яңа ел  барыбызга да  күп матур ,бәхетле мизгелләр алып килсен!

Бусагада – яңа ел.
Без бәхет һәм үкенеч, шатлык һәм югалту булган узган елны искә төшерәбез. Һәрберебезнең алар үзенеке...
Яңа елда шатлыклы очрашулар, бәхетле елмаюлар, куанычлы мизгелләр күп булсын!
Яңа елда өмет капкалары
Бәхет теләп кенә ачылсын.
һәрбер йортның ишек, тәрәзенә
Ак канаты белән кагылсын.

Яңа елга санаулы көннәр калып бара. Түрдә – 2025 нче ел , яшел агач Елан елы.
Шайхутдинова А.гаиләсеннән кул эшләнмәсе