21 февраля в рамках проекта Футбол в школе прошёл мини-фестиваль "Мы в игре".В целях привлечения девочек к регулярным занятиям футболом. Участие приняли девочки 5-6 классов.

21 февраль көнне мәктәптә футбол проекты кысаларында " без уенда "мини-фестивале узды.Кызларны даими футбол белән шөгыльләнүгә җәлеп итү максатыннан. Анда 5-6 класс кызлары катнашты.

2025 ел - Татарстанда Ватанны саклаучылар елы. Шул уңайдан, 21 февраль көнне Актаныш 1 нче урта мәктәбе базасында "Көнчыгыш Кама аръягы туган төбәк тарихын өйрәнүнең актуаль мәсьәләләре" исемле Татарстан һәм Башкортстан туган якны өйрәнүчеләрнең регионара фәнни-гамәли конференциясе оештырылды. Конференция , гомумән, туган илебезне саклап батырлыклар күрсәткән якташларыбызга багышланган иде. Әлеге чара кысаларында мәктәбебездә укучылар Гыйльданов Фәвил Габдрахман улы белән очраштылар. Ул Бөек Ватан сугышында катнашкан якын туганы - хәрби очучы, Советлар Союзы герое Муса Гайсин улы Гәрәев белән таныштырды . Муса Гәрәевның сугыштагы батырлыклары, аның җиңүгә илткән адымнары, үрнәк булган сыйфатларын сөйләде. Чара патриотик рухта барып, һәркемнең күңелендә үз иле һәм халкы белән горурлану хисләрен уятты.

Кәзкәй балалар бакчасыннан  Латыпова Динара һәм Ганеев Ильдар "Созвездие-Йолдызлык" фестивалендә катнашып, "Парлы бию" номинациясендә икенче урын алды һәм гала-концертта "Ким һәм Лин" биюе белән чыгыш ясады. Кечкенәләребезне зур уңышлары белән котлыйбыз!

Бүген 8В сыйныф укучылары әтиләрен 23 февраль- Ватанны саклаучылар көне белән котлап күңелле чара үткәрделәр. Әтиләр белән спорт чарасы, биюләр уздырып, соңыннан чәй табыны ясадылар. Җитәкчеләре Аграпова Миләүшә Рәдис кызы. Афәрин, укучылар!

Актаныш районында стажировка кысаларында, Мөслим, Сарман районнарының мәгълүмат-методика бүлекләре җитәкчеләре һәм методистлары Актанышның 1нче гомуми белем бирү мәктәбендә булдылар. Уку йортының тарихы һәм эшчәнлеге белән таныштылар.
⁣
Мәктәптә кулланыла торган укытуның инновацион методикаларына һәм цифрлы технологияләрне белем бирү процессына интеграцияләүгә аерым игътибар бирелде. Кунаклар ачык дәресләрдә булдылар, укытучылар белән белем бирү сыйфатын күтәрү мәсьәләләре турында фикер алыштылар һәм тәҗрибә уртаклаштылар.
⁣
Педагогик коллективның югары квалификацияле булуы һәм мәктәпнең заманча җиһазлануы билгеләп үтелде. Стажировка уку эшчәнлеген оештыруның иң яхшы практикаларын күрергә мөмкинлек бирде һәм үз районнарыңда яңа алымнар кертергә дәртләндерде. Визит йомгаклары буенча катнашучылар җылы кабул итүләре һәм файдалы мәгълүмат өчен мәктәп администрациясенә рәхмәт белдерделәр. Мәгариф учреждениеләре арасында алга таба да хезмәттәшлек итү һәм тәҗрибә уртаклашу планлаштырыла.

Мәктәбебезнең 5Б сыйныф укучылары Гильметдинова Эвелина и Гафурова Зухра халыкара сәнгать фестивалендә җиңүче булдылар.
Афәрин!

2а сыйныфында 23 февраль- Ватанны саклаучылар көненә багышланган "Әтием-минем горурлыгым" темасы астында әтиләрне дәү әтиләрне котладылар. Укучылар үз куллары белән эшләгән бүләкләрен тапшырдылар. Дәү әтиләр яшь буынга, оныкларына иң изге теләкләрен җиткерделәр. Сыйныф җитәкчесе Әхмәтҗанова Айсылу Зәнил кызы

15 февраль Интернационалистлар сугышчыларын искә алу көне уңаеннан 8Б сыйныф укучылары Әфган һәм Чечен сугышы ветераннары катнашында хәтер чарасында булдылар.
Чара бик кызыклы һәм дулкынландыргыч узды.
2025 елны Әфганстаннан Совет гаскәрләрен чыгару көненә 36 ел.

14 нче февраль "Китап бүләк итү көне! " уңаеннан, мәктәбебездә китапханәче - Хисамова Нурсия Муллануровна һәм "Рим Мостафин" исемендәге балалар оешмасы тарафыннан билгеләнеп үтте!