Бүген мәктәбебездә Бөек Җиңүнең 80 еллыгына " Хәтер төпләрендә - утлы күмер" дигән әдәби-музыкаль кичә узды. Кичәне оештыручылар - 1 нче мәктәптә укытып, хазерге көндә лаеклы ялда булган "ЗАМАНДАШ" клубы әгъзаләре - укытучылар һәм Туган як музее хезмәткәрләре булды. Төп оештыручы - Әминова Лайсән Галиәкбәровна . Ветеран укытучылар 7-8 класс укучылары алдында ата-аналарының дәһшәтле сугыш чорында, фронтта һәм тылда Бөек Җиңүне якынайту өчен барган көрәштә курсәткән батырлыклары турында сөйләделәр. Ләйсән Галиакбәровна, Венера Мансуровна, Вазилә Мансафовна, Лилия Флүсовна чыгышларын йотлыгып тынладылар. Алеся Арсланованың Җину жыры кичәне тагын да күркәмерәк итте. Сугышлар туктасын, мондый афәтләр башка кабатланмасын, күкләр аяз, тормыш имин булсын, балаларыбыз ачлык һәм ятимлек кичермәсеннәр дигән теләктә тәмамланды бу очрашу.

Мәктәбебез коллективы һәм укучылары "Җиңү җырын җырлый Актаныш" акциясенә кушылдылар. Афәрин!

Кәзкәй балалар бакчасы да "Җиңү тәрәзәләре" акциясенә кушылды. Ата-аналар һәм балалар катнашында тәрәзәләр Җиңүнең 80 еллыгына багышланган рәсемнәр, фронтовик шагыйрьләрнең портретлары, Бөек Ватан сугышында катнашкан бабаларыбызның фотосурәтләре белән бизәлде. Балалар зур кызыксыну белән бу шагыйрьләрнең шигырьләрен ятлыйлар, һәрберсе үзе алып килгән фотосурәттән бабаларын танып, аларның тиңдәшсез батырлыгы турында тәрбияче сөйләгәннәрне зур игътибар белән тыңлыйлар.

Бүген Актаныш беренче урта мәктәбендә физика укытучыларының фәнни-практик семинары үтте. Семинарда Казан технология көллияте директоры Марат Фердинант улы Вахитов та катнашты.

Язгы табигать уяну белән бергә юлдагы хәрәкәтләр дә җанлана. Велосипедчылар, электросамокатта йөрүчеләр дә арталар. Юлларда күңелсезлекләр, хәвеф-хәтәр булдырмауны кисәтеп, Актаныш 1 нче санлы мәктәбенең Яшь ЯХИчеләр отряды башлангыч сыйныф укучылары һәм укытучылары,педагог-оештыручы һәм директор киңәшчесе белән берлектә "Мин юл кагыйдәләрен үтим! " исемле чарада катнаштылар. Чарада укучылар флешмоб биеделәр, юл йөрү кагыйдәләрен ныгыттылар. Юл хәрәкәте куркынычсызлыгы Дәүләт бюджет учреждениесеның Актаныш районы буенча җитәкчесе Ләйсән Мөһәмәтова Рәдиф кызы, полиция лейтенанты Мингазов Инсаф Фидаил улы укучыларга файдалы киңәшләрен бирделәр. Яшь ЯХИчеләр отряды укучылары бөркетчекләргә буклетлар тараттылар.

Бүген Актаныш кадет интернат-мәктәбендә «Беренчеләр хәрәкәте» химаясендә оештырылган яңартылган «Аҗаган 2:0»хәрби-патриотик конкурсына старт бирелде. Ярышларда Актаныш районы мәгариф учреждениеләреннән 90 укучы катнашты, алар арасында безнең мәктәбебез укучылары да бар иде. Афәрин!

Әҗәкүл башлангыч мәктәбе Бөек Җиңүнең 80 еллыгына багышланган "Җиңү тәрәзәләре" акциясенә кушылды.

Әҗәкүл башлангыч мәктәбе укучылары 12 апрель- Космонавтика көне уңаеннан үз куллары белән "Йолдызларга җитәрбез!" дип исемләнгән кул эше эшләделәр. Бергәләп эшләнгән эшләмә бик матур килеп чыкты.

Минзәлә шәһәрендә үткән "Грани творчества" регион-ара фәнни-гамәли конференциядә 3а сыйныф укучысы Миннахметов Нияз 1 урын алды! Укытучысы Фәнисә Таһир кызы Шәкүрова! Котлыйбыз! Алда да зур уңышлар телибез!

Мәктәбебезнең 9А сыйныф укучылары Татарстан Республикасы иҗат яшьләре академиясе тарафыннан уздырылган "Конструктив әңгәмә" чарасында катнаштылар.