"Ветеранга хат! " акциясен Рим Мостафин исемендәге балалар оешмасы әгъзалары дәвам итте. 1 нче мәктәптән пенсиягә китүче, өлкәнебез -Галиәхмәтова Әнүзә Хаҗиәхмәтовнаны тәбрикләделәр. Шулай ук, күп еллар рус теле фәнен укыткан өлкәнебез - Мәрдәнова Фәйрүзә Газизҗан кызын тәбрикләп, балалар үз куллары белән ясаган открыткалар буләк иттеләр. 85 яшьлек Фәйрүзә әбиебез баларга бик матур шигырь сөйләде. 1 нче в сыйныфы укучысы Сотанова Алсылу "Ветераннар" җырын бүләк итте. Акция дәвам итә, сез дә дуслар, кушылыгыз!

2 апрель-Халыкара балалар китабы көне. Китап- безнең тормышта иң мөһим, иң кирәкле әйберләрнең берсе. Ул киңәшче дә, дөреслеккә юл күрсәтүче дә. Шушы уңайдан Чөгәнә башлангыч мәктәбе укучылары белән, мәктәп китапханәсендә "Китап- тормыш көзгесе" темасы буенча әңгәмә үткәрелде

2 апрель-Халыкара балалар китабы көне. Ул балалар яратып укый торган эчтәлекле дә, кызыклы да булган бик күп китаплар әкиятче Г.Х.Андерсен белән бәйле. Андерсен 1805 елнын 2 апрелендә туган. 1967 елдан бәйрәм ителүче Халыкара балалар китабы көне Бөек әкиятченең туган көнендә билгеләнә. Ике елга бер тапкыр балалар әдәбиятына зур өлеш керткән әдипләрне Андерсен исемендәге халыкара премия белән бүләкли. Татар язучылары арасында әлеге премиягә лаек булган язучылар -Шәүкәт Галиев "Физзарядка ясый куян" китабы өчен (1982),Роберт Миннуллин "Дөньядагы иң зур Алма" (1992), Рафаил Газизов. (2006), Ленар Шәех "Галинең песие" (2022) Китапханәдә "Китап тормыш көзгесе" исем астында китап күргәзмәсе оештырылды,3а,5а,5в,7а сыйныф укучылары өчен китапханә дәресе узды.Халыкара балалар китабы көне уңаеннан укучылар белән бергәләп китаплар укып, шигырьләр сөйләп рәхәтләнеп күңел ачтык.

Бүген 2 апрель көнне, балигъ булмаган балалар белән эшләү буенча өлкән инспектор Хасанова Илиза Камил кызы белән берлектә, директор киңәшчесе Аграпова М.Р, педагог-оештыручы Хафизова А.М катанашында, эчке тәртип кагыйдәләрен тикшерү чарасы узды.

Бүген мәктәбебезнең 8В сыйныф укучылары, директор киңәшчесе Аграпова М.Р. һәм педагог оештыручы Хафизова А.М белән берлектә "Письмо ветерану" акциясен башлап җибәреп, сугыш чоры баласы, Шәйгәлләмова Юлия Госман кызын тәбрикләделәр.

1 апрель- Халыкара кошлар көне. Бу көн гүзәл табигатебезгә һәм канатлы дусларыбызга хөрмәт тәрбияләү көне буларак та билгеләп үтелә. Әҗәкүл башлангыч мәктәбендә укучылар белән « Кошлар- безнең дусларыбыз » дип исемләнгән тематик сәгать үткәрелде. Әлеге чараның төп максаты-кошларның табигатьтәге һәм кеше тормышындагы күпкырлы әһәмияте, төрләре, аларны саклау турында мәгълумат җиткерү. Балалар кошлар турында шигырьләр сөйләделәр, җырладылар, кроссвордлар чиштеләр, мәкаль һәм әйтемнәрне искә алдылар, әдәби викторина сорауларына да бик теләп җавап бирделәр.

Мәктәбебезнең 6Т сыйныф укучылары һәм ата-аналары "Тату сыйныф серләре - 2025" конкурсының Яр Чаллы шәһәрендә узган ярымфиналында призёр булдылар! Сыйныф җитәкчеләре Хәбибуллина Зөһрә Баязит кызы. Барлык катнашкан укучыларга, укытучыларга, ата-аналарга куйган хезмәтләре өчен зур рәхмәт! Афәрин!!!

М.Акмулла исемендәге башкорт дәүләт педагогика университеты үткәргән рус теле олимпиадасының йомгаклау этабында 9 сыйныф укучысы Хакимова Ильзира призер булды! Укытучысы Алсу Анфас кызы Амирова! КОТЛЫЙБЫЗ! АЛДА ДА ЗУР УҢЫШЛАР ТЕЛИБЕЗ!

Бүген "Актаныш беренче урта гомуми белем бирү мәктәбе" базасында физика фәненнән төп дәүләт имтиханы бирүче укучылар белән практик эшне эшләп карау оештырылды. Укучыларга остазлары фән серләренә төшенергә ярдәм итте.

Мәктәбебезнең 9А сыйныф укучысы Гараев Алмаз, Буа шәһәрендә узган "Иң шәп әйдаман-2025" республикакүләм конкурсында катнашып "Татарстан Республикасының иң энергияле әйдаманы" номинациясендә җиңү яулады! Афәрин! Остазлары Аграпова Миләүшә Рәдис кызы, Хафизова Алсу Мирзамөһәммәт кызы.