Электронное образование Республики Татарстан

22 гыйнвар көнне Актаныш 1 нче санлы урта мәктәбенең 8 «Б» сыйныф укучылары
(сыйныф җитәкчесе - Исмакаева Д.Ф.)
Балалар иҗат үзәгенә барып, махсус хәрби операциядә катнашучы егетләребез өчен янәдән саклагыч сеткалар үрүдә катнаштылар.
Сыйныф волонтёрлык эшчәнлегендә актив катнаша, изге гамәлләре белән үрнәк күрсәтә.
Әлеге эшчәнлекләре өчен Яр Чаллы шәһәренең хәрби штабы тарафыннан рәхмәт хаты тапшырылды.
Афәрин сезгә, 8 «Б» сыйныф укучылары! Булдырасыз!
 

 Үзәк балалар китапханәсе хезмәткәрләре Актаныш 1 нче санлы урта мәктәбенең 9 «В» сыйныф укучылары өчен Ленинград шәһәрен фашистлар блокадасыннан тулысынча азат итү һәм Халыкара Холокост корбаннарын искә алу көне уңаеннан тирән эчтәлекле, мәгънәле кичә оештырдылар.
 Күргәзмәдә блокада чоры һәм Холокостка багышланган фотосурәтләр, көндәлекләр, хатлар, китаплар, савыт-сабалар, чемодан-рюкзаклар тәкъдим ителде. Бу экспонатлар укучыларга ул дәһшәтле елларны күз алдына китерергә ярдәм итте.
Аеруча кара ипи кисәге һәм блокада карточкасы тирән тәэсир калдырды. Алар ул чордагы авыр тормышны, тормыш белән үлем арасындагы нечкә җепне, өмет чаткысын һәм яшәүгә омтылышны чагылдырды.
 Холокост — нацистларның яһүд халкына карата рәхимсезлеге белән бәйле, дөньяны тетрәндергән канкойгыч фаҗига. Миллионлаган гаепсез кеше үз милләте өчен генә җәзаланды һәм һәлак булды. Холокост корбаннарына багышланган презентация укучыларны тирән уйланырга мәҗбүр итте.

Китапханәдә 2026 елда юбилейларын билгеләп үтүче әдипләргә багышланган китап күргәзмәсе оештырылды.
1 гыйнварда татар әдәбияты классигы, шагыйрь, драматург Һади Такташның тууына 125 ел тула.
7 гыйнварда күренекле татар язучысы, фольклорчы, Татарстан Республикасының Габдулла Тукай исемендәге дәүләт бүләге иясе Гомәр Бәшировның тууына 125 ел.
23 гыйнварда татар язучысы, драматург, публицист Фатих Әмирханның тууына 140 ел.
Китап күргәзмәсендә әдипләрнең тормыш юлы һәм иҗатына багышланган китаплар, аларның әсәрләре, истәлекләр тупланган басмалар урын алды.
Күргәзмә кысаларында 5А сыйныф укучылары өчен китапханә дәресе уздырылды.

В библиотеке была организована книжная выставка, посвящённая писателям-юбилярам 2026 года.
1 января исполняется 125 лет со дня рождения классика татарской литературы, поэта и драматурга Хади Такташа.
7 января –125 лет со дня рождения известного татарского писателя, фольклориста, лауреата Государственной премии Республики Татарстан имени Габдуллы Тукая Гумера Баширова.
23 января исполняется 140 лет со дня рождения татарского писателя, драматурга и публициста Фатиха Амирхана.
На выставке представлены книги о жизни и творчестве писателей, их произведения, а также издания, содержащие воспоминания и исследования.
В рамках выставки для учащихся 5А класса был проведён библиотечный урок.