"Россия чаңгы юлы-2025" чангы ярышында, 9а сыйныф укучылары Гайнанов Ринат, Ильясова Азалия, Ибрагимова Чулпан - өчесе дә үз ераклыкларында беренчелекне яуладылар. Яшь чаңгычыларыбызга киләчәктә дә зур уңышлар телибез! Афәрин, укучылар!

Бүген мәктәбебезнең 6Т сыйныф укучылары, аларның әти-әниләре, сыйныф җитәкчесе Хәбибуллина Зөһрә Баязит кызы "Тату сыйныф серләре- 2025" конкурсының муниципаль этабында катнашып ГРАН-ПРИ яуладылар!
Барлык катнашкан укучыларга, укытучыларга, ата-аналарга зур рәхмәт!
Афәрин!!!
Алда да зур уңышлар!

Әҗәкүл башлангыч мәктәбендә Әлифба бәйрәме үтте. 1 сыйныф укучысы Лайпанов Зөлфәт өчен ул истәлекле һәм онытылмаслык бәйрәм булып калыр. Әлифба аны укырга, язарга, әдәпле, тәртипле булырга өйрәтте. Укучылар бәйрәм барышында төрле биремнәр үтәделәр, уеннар уйнадылар. Кызыл Калфакка гөмбә җыештылар, аңа кушылып җырладылар. Бәйрәмне "Туган тел" җыры белән тәмамладылар.

Бүген 3 а классы укучылары белән "Җан җылысы кирәк кешегә"дип аталган китапханә дәресе үтте. Ул бөек шагыйрь ,язучы Фәнис Яруллинның туган көне уңаеннан оештырылды.Язучының " Сандугач оясы" әсәре буенча фикер алышу, китап күргәзмәлеге укучыларга бик кызыклы булды. Язучының тормышы турындагы сорауларга укучылар бик теләп җавап бирделәр.
Укытучылары: Шакурова Фәнисә Таһир кызы, китапханәче : Хисамова Нурсия Мулланур кызы

Бүген, 6 нчы февраль көнне, 1б класс укучылары класс җитәкчеләре Камалова И. С. белән берлектә район үзәк китапханәсенә экскурсиягә бардылар. Аларны китапханәдә бик җылы каршы алдылар. Илиза Фәйзулловна китапханәдә үз-үзеңне тоту кагыйдәләре турында аңлатты, "Три кота" мультфильмын күрсәтте, балалар белән фикер алышу үткәрде. 1нче мәктәптә балаларга 40 ел белем биргән, психолог Шәймәрданова Ф. З. белән аралашу балаларда бик яхшы тәэсирләр калдырды. Укучыларга "Укучы билеты" ( Читательский билет) тапшырылды. Соңыннан балалар белән уеннар оештырылды, китапларга күзәтү үткәрелде. Укучылар китапханәгә язылып, китаплар да алдылар. Экскурсия бик тә эчтәлекле, җанлы узды.

Бүген, 6нчы февраль көнне, 1б сыйныф укучыларының "Әлифбам- тел ачкычым" дип исемләнгән Әлифба бәйрәме үткәрелде. Кичәгә әти-әниләр чакырылды. Кичәне класс җитәкчесе Камалова Илүзә Сәгыйт кызы ачып җибәрде, ул укучыларны һәм ата-аналарны бәйрәм белән котлады. Әлифба бәйрәме бик матур, эчтәлекле булды. Кичә азагында ата-аналар да укытучыга һәм балаларга изге теләкләрен җиткерделәр.

Бүген, 6 февраль көнне Чөгәнә башлангыч мәктәп балалар бакчасында 1нче сыйныф укучыларының ӘЛИФБА белән саубуллашу кичәсе узды. Укучылар барысы да укырга, язарга, дус яшәргә, ярдәмчел булырга өйрәнгәннәрен төрле уеннар һәм биремнәр утәгәндә күрсәттеләр. Сыйныф җитәкчесе Хамматуллина Л. И.

4 нче февраль көнне ШТК "Әйдә шаярт" татар лигасына яшь катнашучылар сайлау унаеннан " Яшьлек" милли - мэдэни узэгендэ ШТК уеннары үтте. Безнең мәктәп укучылары Микаелян Мелсида, Хазиев Раил, Гараев Алмаз, Сафиуллин Алмаз , Харисов Тимерлан, Гаянова Айзилә бик матур итеп чыгыш ясап кайттылар.
Гран-при "Чикулялар"
1 место "Мич көле"
2 место "СПТУ"
Номинация "Лучшая шутка" "Рәшит абый агач кисә" - Мич көле
Номинация "Лучший актёр" Нуртдинов Айдар
Номинация "Лучшая актриса" Гиниятова Арина!
Муниципальный отборочный тур Татар лиги КВН "ӘйдәШаяРТ" 4 февраля 2025 г.

Бүген мәктәбебездә мөһим чара узды. 2022 елны махсус хәрби операциягә алынып, 2024 елның гыйнварендә яраланып Актанышыбызга кайткан Шайхелмәрдәнов Әлфис Әзгам улы белән "Батырлык дәресе" кысаларында очрашу булды.
Әлфис Әзгам улы үзенең алдынгы чиктә булган вакытларын, яу кырында күргән вакыйгаларын сөйләп узды.
"Ватанны саклаучылар" фонды филиалының социаль координаторы Бариева Ландыш Фирдәвис кызы да районыбызда якыннары махсус хәрби операциядә булганнарга карата нинди ярдәм күрсәтелүе турында сөйләде.
Очрашу бик тирәнтен мәгънәле һәм дулкынландыргыч узды.

3а сыйныф укучылары әйләнә-тирә дөнья дәресендә "Сәламәт яшәү рәвеше " дип аталган прект эшләделәр. Проектны төркемнәрдә эшләп, һәр төркем үзенең проектын яклады. Укучыларга бик кызыклы булды. Класс җитәкчесе: Шакурова Фәнисә Таһир кызы.