Бүген 19 май - Пионерия көне. Район үзәгендә шул уңайдан барлык мәктәпләр катнашында тулы бер буынны тәрбияләгән пионерия хәрәкәтенә багышланган, аның эшчәнлеген чагылдырган зур матур бәйрәм чарасы үтте.

Бүген Актаныш районында "Олимпка юл", республика, төбәкара, Бөтенроссия һәм халыкара фән олимпиадаларында җиңүчеләрне бүләкләү тантанасы узды. Тантана район мәдәният йорты фойесында башлангыч сыйныф укучыларының үз проект эшләрен күрсәтү белән башланып китте. Алар арасында безнең Богады мәктәбенең 3нче сыйныф укучысы Зәлия Сафина да бар иде. Ул укытучысы Миләүшә Әхмәдуллина җитәкчелегендә әзерләгән "Туган авылым атамалары" проектын тәкъдим итте.

Богады җирлегенә караган сигез авылдан  барысы 611 ир-ат Бөек Ватан сугышына китә, шуларның 387се яу кырында ятып кала. Исән кайтканнардан исә инде Җәүдәт бабай Шәемов кына исән. Бүген Җиңү тантанасыннан соң бер төркем мәктәп укучылары, өйләренә барып,  Җәүдәт бабай һәм иптәше Әнисә апаны бәйрәм белән котладылар. Әнисә апага чәчәкләр бүләк иттеләр. Җәүдәт бабайның хәлләрен сорашып, истәлекләрен тыңладылар. Җәүдәт бабайга инде 95 яшь, күбрәк ятып кына тора. Әмма хәтере әйбәт. Балалар белән рәхәтләнеп аралашты.

Җиңү бәйрәме авыл җирлекләрендә 8 май көнне үтә. Безнең Богады җирлегендә дә ул бүген оештырылды. Авылдашлар, килгән кунакларга мәктәп укучылары әдәби-музыкаль композиция тәкъдим итте. Югары сыйныф егетләре Бөек Ватан сугышында дошманга каршы көрәшкән якташларыбызның исемнәре уелган стелла каршында каравыл хезмәтендә торды. Тантана соңында әлеге стелла каршына веноклар салдылар.

Богады мәктәбе укучыларының яраткан мөгаллимәсе - инглиз теле укытучысы Тәнзилә Мирфайда кызы Вәҗетдинова 29 апрель көнне Кукмарада узган Бөтенрәсәй Айтматов фәнни укуларында катнашып, үз хезмәтен яклап, II урынны яулап кайтты. "Фән һәм технологияләр: милли-мәгариф аспект" дигән темага багышланган VI Бөтенрәсәй укулары Россиядә игълан ителгән Фән һәм технологияләр елы һәм Татарстандагы Туган телләр һәм халыклар бердәмлеге елы кысаларында оештырылган иде. Котлыйбыз!

Сөенечле хәбәр! Башлангыч сыйныфлар укытучысы Миләүшә Мулланур кызы Әхмәдуллина "Неокитап" III Республика фәнни-гамәли конференциясендә катнашып, "Китап белән виртуаль эш" номинациясендә   II дәрәҗә диплом белән бүләкләнде. Тантана "Россия - минем тарихым" дип аталган тарихи парк базасында 28 апрель көнне үтте.

Учительница начальных классов Ахмадуллина Миляуша Муллануровна стала лауреатом II степени III республиканской научно-практической конференции «Неокнига». 
Церемония награждения состоялась
28 апреля на базе Исторического парка «Россия – моя история» 

Бүген бөтен татар дөньясы бөек шагыйребез Габдулла Тукай тууына 135 ел тулуны билгеләп үтә. Тукаебызга багышланган шигърият бәйрәме бездә дә шаулап узды. Һәр сыйныф шагыйрьнең шигырьләрен сәхнәләштерде. "Су анасы", Шүрәле", "Кәҗә белән сарык" әкиятләре,  "Таз"... Балалар өчен язылган кызыклы тәрбияви шигырьләре... Балалар бакчасы нәниләренең чыгышы бәйрәмебезгә нур өстенә нур өстәде. Китапханәче Рәзинә апа Мөнирова шагыйрьнең тормышы һәм иҗат юлы турында презентация тәкъдим итте. Бәйрәм, әлбәттә, татар халкының гимны - "Туган тел" җыры белән тәмамланды. Бәйрәмгә килгән авылдашлар да аягүрә басып, җырга кушылды.

Язгы өмәләр дәвам итә. Бу шимбәдә укучылар кабат мәктәп бакчасын чистартты, иртәннән үк эленке-салынкы йөзгән яңгыр болытлары да куркытмады хәтта.

Весенние субботники продолжаются. В эту субботу школьники вновь очистили школьный сад

Безнең Богады мәктәбеннән анда Динар Зәкиев, Айрат Шулбаев, Алия Гиндуллина һәм Зәлия Сафинадан торган команда көч сынашты. Юл йөрү кагыйдәләрен белүдә, ашыгыч ярдәм күрсәткәндә тиешле гамәлләрне куллану яклап та, велосипедта йөрү осталыгын да сынадылар бу бәйгедә. Мәктәбебез командасы VI урынны яулады.

"Инглизчә сөйләшәбез һәм җырлыйбыз" фестивалендә 20 апрель көнне инглизчәне су кебек эчүче кызларыбыз җыр-моңга осталыкларын сынап, артистлыкларын күрсәтеп кайттылар. Мөгаллимә Тәнзилә Вәҗетдинова җитәкчелегендә Таңсылу Хафизова, Энҗе Хисамова, Әминә Гаянова, Ләйсән Шулбаева катнашты бу бәйгедә. Ләйсән әле шигырь дә сөйләде. Инде сөенечле нәтиҗәләр көтәбез!