"Йолдызлык" эстрада фестиваленең авыл мәктәпләре арасында иң-иңнәрен күрсәтү, бүләкләү,  хөрмәтләү бәйрәме узды бүген Актанышта. Мәктәбебездән нәфис сүз номинациясендә  Таңсылу Хафизова - 2 нче дәрәҗә лауреат,  җырчы егетебез Сәйдәш Хисамов, биючеләребез Әдилә Арсланова һәм Искәндәр Нурлыев, кашыкчылар ансамбле 3 нче дәрәҗә лауреат исеменә лаек булдылар. "Йолдызлык" фестивале бик күп йолдызлар ача, сәләтләрен барларга этәрә, яктырак янарга ярдәм итә торган, шул ук вакытта, бик зур әзерлек һәм тырышлык таләп итүче бәйге, чара. Укучыларны бу бәйгегә әзерләгән мәктәбебез укытучыларына, остазларга зур рәхмәт!

Бөек Ватан сугышының иң нәни солдаты - нибары 6 яшьлек сабый, полк улы Сережа Алешковның тормышын чагылдырган "Солдатик" фильмын тәкъдим иттеләр бүген безгә. Искиткеч фильм! Батыр йөрәкле, тәвәккәл, зирәк, үзен нәкъ зурларча тота белүче яшь солдатка карап сокландык та, уйландык та. Киноны караганда көлдек тә, яшьләрне дә сөрттек. Патриотик айлыкны йомгаклап, шундый тәрбияви фильм күрсәткәннәре өчен Татаркино оешмасына зур рәхмәт!

Йолдызлык бәйгесендә җырладык та, биедек тә, сөйләдек тә. Безнең чыгышлардан жюри бик канәгать калды.

Сегодня в  7 классе прошло занятие по теме «В каких ситуациях надо всегда отвечать «НЕТ!»

Каһарман шагыйрь Муса Җәлилнең тууына февраль аенда 116 ел тулды. "Шагыйрь күңеле - шигырьләрендә" кичәсендә укучылар аның әсәрләрен сөйләделәр.

Халыкара туган тел көне уңаеннан оештырылган интеллектуаль спорт уены - квесттан күңелле мизгелләр.

Ватанны саклаучылар көне уңаеннан мәктәбебездә уздырылган спорт бәйрәмендә укучылар һәртөрле яклап көч сынашты.

Халыкара туган тел көнен мәктэбебездә зурлап үткәрдек. Халкыбызның бөек шагыйре Габдулла Тукайның иҗатын, тормыш юлын ни дәрәҗәдә беләбез микән? Тест сорауларына жавап биргән чакта бу ачык күренде.

Проект реализуется в соответствии с целями, обозначенными в стратегических и нормативных документах Российской Федерации, ориентирован на решение задач Национальных проектов «Культура» и «Образование».

Бүген хөрмәтле мөгаллимә, башлангыч сыйныфлар укытучысы Гөлзифа Роберт кызы Нуриеваның матур гомер бәйрәме, түгәрәк юбилее. Гөлзифа апа, Сезне чын күңелдән котлыйбыз, сәламәтлек,  күңел тынычлыгы,  тынгысыз хезмәтегездә уңышлар, бәхет телибез.