"Китапка икенче тормыш бүләк ит!" акциясе барышында гимназиябез китапханәсенә барысы 211 әдәби китап җыелды. Иң актив катнашучы сыйныфлар - 1а, 2в, 4а һәм 5а сыйныфлары. "Иң актив катнашучы" исеменә 6б сыйныф укучысы Гайнетдинов Илнур ия булды.

"Китапка икенче тормыш бүләк ит!" акциясендә 5В сыйныфы укучылары да актив катнашты.

5А сыйныфы укучысы Адилә Харисова "Лето с книгой" төбәкара фотоконкурсында катнашып, III урын яулады. Сыйныф җитәкчесе - Рузилә Илдар кызы Гарипова. Молодец, Адилә!

10-15 октябрь көннәрендә гимназиябездә математика һәм информатика фәннәре атналыгы үтә. Атна дәвамында төрле квест, бәйгеләр, уеннар үтәчәк.

Гимназия-интернатта 10 сыйныф укучылары тарафыннан бик күңелле чара үткәрелде. "Just Dance Now" кушымтасына кушылып, укучылар үзләренең бию сәләтләрен ачтылар, рәхәтләнеп күңел ачтылар. Җиңүчеләр:  Дамир, Камилла, Азат, Булат, Раян, Раяна, Амалия. Тәрбиячеләре - Шәрифуллина Алия Вил кызы.

 “Иң яхшы тормыш иминлеге нигезләре укытучысы” бөтенроссия бәйгесенең зона этабында районыбыз данын яклаган хезмәттәшебез - сәләтле балалар өчен гуманитар гимназия-интернатының тормыш иминлеге нигезләре укытучысы Сибгатуллин Ришат Тимершәех улы Актаныш район башлыгының Рәхмәт хаты белән бүләкләнде.

Гимназиябездә директор урынбасары булып эшләгән Хәертдинова Глүзә Нурлыгаян кызы Россия Федерациясе мәгариф министрлыгының Мактау кәгазе белән бүләкләнде.

6В сыйныф укучылары өлкәннәргә ярдәм - хәйрия акциясенә кушылды.

ТР Мәгариф һәм фән министрлыгында бүген  "Авыл укытучысы - 2022" бәйгесе җиңүчеләрен бүләкләү тантанасы узды. Хезмәттәшебез Чулпан Рәмзил кызы Шәрипова министр Илсур Гәрәй улы Һадиуллинның
Рәхмәт хаты белән бүләкләнде.

2Б сыйныф укучылары кадерле дәү әти, дәү әниләрен котлап, рәсемнәр һәм кулдан төрле бизәк-открыткалар эшләделәр. Молодцы, балалар!