Яр Чаллы шәһәрендә узган регионара "Дөнья яшь язучылар күзлегеннән" иҗади конкурсында 1б классы укучысы Солтанова Таңсылу һәм 4б классы укучысы Шәйхуллина Зилә җиңү яуладылар һәм диплом, истәлекле бүләкләр белән бүләкләнделәр. Укытучылары: Шәйхуллина Светлана Риф кызы һәм Солтанова Гөлназ Дилшат кызы.

Егетләребез атнага 2 тапкыр бассейнга йори.

Интернатта торучы егетләребез көн дә тренажерлар залында үз көчләрен артыру һәм сәламәтлекләрен ныгыту өстендә эшлиләр. 

"Тукайны укыйбыз" балалар иҗаты II республикакүләм конкурсында катнашып, Алмазия Закирова "Шигырь язам" номинациясендә II дәрәҗә дипломга лаек булды. Җитәкчесе - Лилия Васик кызы Галләмова). Алмазия, котлыйбыз сине! Киләчәктә дә иҗат уңышлары телибез!

Гимназиябез китапханәсендә Бөек Җиңүнең 77 еллыгына багышланган күргәзмә һәм 5 г сыйныфында әңгәмә уздырылды.

Хөрмәтле ата-аналар, укучылар, укытучылар! Сезне 6 май көнне 2021-2022 уку елы алдынгыларын хөрмәтләү тантанасына көтеп калабыз. Программада:

10.00 сәгать - гимназиядә иҗади проектлар фестивале

13.00 сәгать - район мәдәният йортында уку алдынгыларын хөрмәтләү.

Композитор һәм музыкант Максат Гумеров призына II республикакүләм фестиваль - бәйге уздырылды. Яшь башкаручылар баян, аккордеон и гармоникада уйнадылар. Әлеге бәйгедә Шакиров Лимар да катнашты. Ул баянда "Бишле биюе" көе һәм "Оренбург яшьләре көе"н уйнап, III дәрәҗә лауреат исеменә лаек булды. Җитәкчесе - Камалов Флүн Фәнил улы. Котлыйбыз!!!

Тирә-ягыбызны чүптән арындыру, ямьләндерү максатыннан бүген гимназиябез коллективы өмәгә чыкты.

Гимназиябезнең 2 нче сыйныф укучылары 1 май бәйрәмендә үтәчәк милли йолабыз Карга боткасына әзерләнә. Бүген алар, укытучы һәм тәрбияче апалары белән берлектә, 57 нче бистәдә яшәүче әби-апалардан сорап, яланда табын кору өчен кирәкле ашамлыклар җыйдылар.

27 апрельдә Чаллының «Энергетик» мәдәният сараенда «Моңлы дөнья» I Халыкара фестиваль-конкурсның гала-концерты булды. Бу - уен коралларында уйнаучылар бәйгесе. Кайсы гына районнардан, төбәкләрдән катнашучылар юк иде монда, фестивальнең географиясе киң: Татарстан, Башкортостан, Удмуртия, Төмән, Владикавказ республикалары, Казан, Чаллы, Түбән Кама, Балтач, Зәй, Актаныш, Теләче, Әтнә, Әлмәт шәһәрләре... Әлеге бәйгедә Лимар да катнашты һәм II дәрәҗә лауреат исеменә лаек булды. Аңа киләчәктә дә уңышлар теләп калабыз! Молодец, Лимар! Сине җиңүең белән котлыйбыз!